You are currently viewing ከመተከል ወደ ባ/ዳር ብሎም በክልሉ መንግስት ተላልፎ ወደ አዲስ አበባ የተላከው የአማራ ልዩ ኃይል አባል ኮንስታብል አበበ አለሙ ከ110 ቀናት የግፍ እስር ቆይታ በኋላ ተፈቷል። አማራ ሚዲያ…

ከመተከል ወደ ባ/ዳር ብሎም በክልሉ መንግስት ተላልፎ ወደ አዲስ አበባ የተላከው የአማራ ልዩ ኃይል አባል ኮንስታብል አበበ አለሙ ከ110 ቀናት የግፍ እስር ቆይታ በኋላ ተፈቷል። አማራ ሚዲያ…

ከመተከል ወደ ባ/ዳር ብሎም በክልሉ መንግስት ተላልፎ ወደ አዲስ አበባ የተላከው የአማራ ልዩ ኃይል አባል ኮንስታብል አበበ አለሙ ከ110 ቀናት የግፍ እስር ቆይታ በኋላ ተፈቷል። አማራ ሚዲያ ማዕከል/አሚማ ህዳር 19 ቀን 2015 ዓ/ም አዲስ አበባ ሸዋ በመተከል ዞን በተለይም በማምቡክ ወረዳ የአካባቢውን ሰላም እንዲያረጋጋ በተመደበው የአማራ ልዩ ኃይል ጋፋት 24ኛ ክፍለ ጦር 4ተኛ ሬጅመንት በዲሽቃ ተኳሽ እና አስተኳሽነት ተመድቦ የተሰጠውን ግዳጅ ሲወጣ እንደነበር ይገልጻል ኮንስታብል አበበ አለሙ። በየካቲት 27/2014 ወደ ህዳሴ ግድብ የግንባታ ግብአቶችን የጫኑ ተሽከርካሪዎችን አጅበው ሲጓዙ በነበሩ የመከላከያ ሰራዊት አባላት ላይ የጉሙዝ የሽፍታ ቡድን ጥቃት መፈጸሙ ተከትሎ ከተሰጠው የአጸፋ ምላሽ ጋር በተያያዘ ንጹሃን ስለመገደላቸው ተወስቷል። ኮንስታብል አበበ እንደሚለው ግን የአጸፋ ምላሽ የተሰጠው የአማራ ልዩ ኃይል ቀጠና ባልነበረው ጉባ ወረዳ አይሲድ በተባለ ቀበሌ ነው። በንጹሃን ላይ ተፈጸመ ስለተባለው ግድያም የሚያውቀው ነገር እንደሌለ የሚናገረው ኮንስታብል አበበ በማይመለከተው ጉዳይ ሃምሌ 30/2014 መተከል ላይ ተይዞ ወደ ባ/ዳር ከዛም በአማራ ክልል መንግስት ተላልፎ ወደ አዲስ አበባ ፌደራል ፖሊስ ወንጀል ምርመራ ተልኳል። ሜክሲኮ ካለው ከፌደራል ወንጀል ምርመራ እስር ቤት ወደ አባሳሙኤል እስር ቤት ተወስዶ የክስ ሂደቱን ሲከታተል ቆይቷል። የ1,800 ብር ደመወዝተኛውን የኮንስታብል አበበ አለሙን ጉዳይ ሲመለከተው የቆዬው የፌደራል ከፍተኛ ፍ/ቤት 1ኛ ጊዜ ቀጠሮ ችሎትም ጥቅምት 24/2015 በ70 ሽህ ብር ዋስትና ከእስር እንዲፈታ ወስኖለት ነበር። በተለያዩ ምክንያቶች ሂደቱ ከተጓተተ በኋላ ኮንስታብል አበበ አለሙ ዛሬ ህዳር 19/2015 ከ110 የግፍ እስር ቆይታ በኋላ ከአባ ሳሙኤል እስር ቤት ተፈቷል። አማራ ሚዲያ ማዕከል (አሚማ) ያነጋገራቸው ኮንስታብል አበበ እና ቤተሰቦቹ በእስር ወቅት ከጎኑ ለነበሩ እና ድምጽ ለሆኑ ወገኖች በሙሉ ልባዊ ምስጋናችን ይድረስ ብለዋል።

Source: Link to the Post

Leave a Reply