ከመፈተኛ ዩኒቨርሲቲዎች ለራቁ የ12ኛ ክፍል ተፈታኞች የትራንስፖርት ወጪ እንደሚሸፈን ተገለጸ

አርብ መስከረም 13 ቀን 2015 (አዲስ ማለዳ) ከመፈተኛ ዩኒቨርሲቲ ከ50 ኪሎ ሜትር በላይ ለሆነ የ12ኛ ክፍል ተፈታኞች የትራንስፖርት ወጪን ትምህርት ቤቶቻቸው የሚገኙባቸው ወረዳዎች እንደሚሸፍኑ ተገለጸ፡፡

የሀገር አቀፍ ትምህርት ምዘናና ፈተናዎች አገልግሎት ከመስከረም 30 እስከ ጥቅምት 17 ቀን 2015 በኹለት ዙር ለሚሰጠው የ12ኛ ክፍል ፈተና በቂ ቅድመ ዝግጅት ማድረጉን አስታውቋል።

በዚህም ፈተና ማተምን ጨምሮ ሌሎች አስፈላጊ ዝግጅቶች ከወዲሁ መጠናቀቃቸውን የአገልግሎቱ ዋና ዳይሬክተር ዶክተር እሸቱ ከበደ ለኤፍ ቢ ሲ ተናግረዋል።

ትራንስፖርትን በተመለከትም ከመፈተኛ ዩኒቨርሲቲዎች በ50 ኪሎሜትር ርቀት ውስጥ ያሉ ተፈታኝ ተማሪዎች ወጪን በራሳቸው እንደሚሸፍኑም ተገልጿል።

ሆኖም ከ50 ኪሎ ሜትር ርቀት በላይ የሚገኙ ተማሪዎች ደግሞ ትምህርት ቤቶቻቸው የሚገኙባቸው ወረዳዎች እንደሚያመቻቹም ተጠቁሟል፡፡

The post ከመፈተኛ ዩኒቨርሲቲዎች ለራቁ የ12ኛ ክፍል ተፈታኞች የትራንስፖርት ወጪ እንደሚሸፈን ተገለጸ first appeared on Addis Maleda.

Source: Link to the Post

Leave a Reply