ከሚሰሩበት ድርጅት ውስጥ ከ1ሚሊዮን ብር በላይ የሚገመቱ የተለያዩ ንብረቶችን ሰርቀው የተሰወሩት 3 ግለሰቦች በቁጥጥር ስር ውለው ምርመራ እየተደረገባቸው መሆኑን የአዲስ አበባ ፖሊስ ኮሚሽን ገለፀ።

በኮልፌ ቀራንዮ ክፍለ ከተማ በጥበቃ ስራ ተቀጥረው ከሚሰሩበት ድርጅት ውስጥ ከ1 ሚሊዮን ብር በላይ የሚገመቱ የተለያዩ ንብረቶችን ሰርቀው የተሰወሩት 3 ግለሰቦች በቁጥጥር ስር ውለው ምርመራ እየተደረገባቸው መሆኑን የአዲስ አበባ ፖሊስ ኮሚሽን አስታውቋል።

ተጠርጣሪዎቹ ብዛታቸው 3 ሲሆን በቁጥጥር ስር የዋሉት የካቲት 3 ቀን 2013 ዓ.ም በኮልፌ ቀራንዮ ክፍለ ከተማ ወረዳ 13 ልዩ ቦታው ስንቱ ህንፃ አካባቢ መሆኑም ተገልጿል።በኮልፌ ቀራንዮ ክፍለ ከተማ ፖሊስ መምሪያ የሚኪሊ ላንድ አካባቢ ፖሊስ ጣቢያ የወንጀል ምርመራ ማስተበበሪያ በተገኘው መረጃ መሰረት 1ኛው ተጠርጣሪ በአይመን ሸኪብ የሽቶና ኮስሞቲክስ ማከፋፈያ የግል ድርጅት ውስጥ በጥበቃ ስራ ተቀጥሮ የሚሰራ ሲሆን ከሌሎች 2 ተጠርጣሪዎች ጋር በመተባበር ከ1 ሚሊዮን ብር በላይ ግምት ያላቸው የተለያዩ ሽቶዎችን፣ የመዋቢያ ቁሳቁሶችና 1 ጀኔሬተር እንዲሁም 4 ካሜራዎችን ሰርቀው መሰወራቸው ተገልጿል፡፡

የአዲስ አበባ ፖሊስ ኮሚሽን የግል ተበዳይ ወደ ፖሊስ ጣቢያ ቀርበው ባመለከቱት መሰረት የምርመራ ቡድን በማቋቋም ሁሉንም ንብረቶች ከነተጠርጣሪዎቹ በወንጀል ኢንተለጀንስ አባላት ብርቱ ጥረት በቁጥጥር ስር በማዋል ተገቢው ምርመራ እየተጣራባቸው መሆኑን የአዲስ አበባ ፖሊስ ኮሚሽን ገልጿል።ባለድርጅቶችና ባለንብረቶች የጥበቃ ሰራተኞች ወደ ወንጀል ተግባር እንዳይገቡ አስፈላጊውን ትምህርት፣ ድጋፍና ቁጥጥር አስቀድሞ በማድረግ ሊፈፀሙ የሚችሉ ወንጀሎችን መከላከል ተገቢ መሆኑን ኮሚሽኑ አስግንዝቧል፡፡

ቀን 10/06/2013

አሐዱ ራዲዮ 94.3

Source: Link to the Post

Leave a Reply