You are currently viewing ከምስራቅ ወለጋ ዞን ጊዳ አያና እና ሊሙ ወረዳ የኦሮሚያ ልዩ ኃይልና የአካባቢው ጽንፈኞች ባደረሱት ጭፍጨፋ የተፈናቀሉ በሽህዎች የሚቆጠሩ አማራዎች በክልልም ሆነ በፌደራል መንግስት እርዳታ አ…

ከምስራቅ ወለጋ ዞን ጊዳ አያና እና ሊሙ ወረዳ የኦሮሚያ ልዩ ኃይልና የአካባቢው ጽንፈኞች ባደረሱት ጭፍጨፋ የተፈናቀሉ በሽህዎች የሚቆጠሩ አማራዎች በክልልም ሆነ በፌደራል መንግስት እርዳታ አ…

ከምስራቅ ወለጋ ዞን ጊዳ አያና እና ሊሙ ወረዳ የኦሮሚያ ልዩ ኃይልና የአካባቢው ጽንፈኞች ባደረሱት ጭፍጨፋ የተፈናቀሉ በሽህዎች የሚቆጠሩ አማራዎች በክልልም ሆነ በፌደራል መንግስት እርዳታ አልተደረገልንም ሲሉ ተናገሩ። አማራ ሚዲያ ማዕከል/አሚማ ሚያዝያ 13 ቀን 2013 ዓ.ም አዲስ አበባ ሸዋ በኦሮሚያ ክልል ምስራቅ ወለጋ ዞን ጊዳ አያና እና ሊሙ ወረዳ መንደር 10፣9፣8፣6 እና 5 ነዋሪ በሆኑ አማራዎች ላይ የኦሮሚያ ልዩ ኃይል በአካባቢው ካሉ ጽንፈኞች ጋር በመተባበር ከሰሞኑ በርካታ ንፁሃንን መግደሉ፣አብያተ ክርስቲያናትን ማቃጠሉ፣የገበሬዎችን መጋዝን ሙሉ እህል መዝረፉና መኖሪያ ቤቶችን ማውደሙን አሚማ መዘገቡ ይታወሳል። በተለይ በሊሙ ወረዳ መንደር 5 እና 6 የመድሃኒያለምና የአቦ አብያተ ክርስቲያናት ተቃጥለዋል፤ ቅርሶች ተዘርፈዋል፤ የአማራ መኖሪያ ቤቶች ሙሉ በሙሉ ወድመዋል። ከጥቃቱ የሸሹ በሽህ የሚቆጠሩ አማራዎች ከጊዳ አያና እና ከሊሙ ወረዳ መንደር 10፣9፣8፣5 እና 6 ተፈናቅለው ወደ ቤንሻንጉል ጉምዝ ክልል ካማሼ ዞን አቅንተው በግች ግዳያ ቀበሌ፣ በዳሎና በዴሳ አካባቢ ይገኛሉ። በጥቃቱ የተገደሉ ቤተሰቦቻቸውን ለመቅበር ያልታደሉት ተፈናቃዮች ባዶ እጃቸውን ሸሽተው በመውጣታቸው ለከፍተኛ ችግር ተዳርገዋል። የአካባቢው ነዋሪዎች ከሚያቀርቡላቸው የእለት ምግብና ውሃ ውጭ ኢትዮጵያን እየመራሁ ነው የሚለው የፌደራል መንግስትም ሆነ አፈናቃዩ የኦሮሚያ ክልል እና የአማራ ክልል መንግስትም አንድም የሰብአዊ ድጋፍ አላደረጉልንም ሲሉ ተናግረዋል። ወደአካባቢው አቅንቶ የተገደለብንንና የወደመብንን ንብረት እንኳ የጠየቀን የለም ያሉት ተፈናቃዮቹ ትናንት ሚያዚያ 12 ቀን 2013 ወደ ካማሼ ዞን የመጡ የምስራቅ ወለጋ ዞንና የወረዳ አመራሮች ወደነበራችሁበት ተመለሱ ማለታቸው ተሰምቷል። ምን መጠለያ አለን?፣ ለህይወታችን ማን ዋስትና ይሰጠናል፣ እርዳታ እየቀረብልን አይደለም የሚሉና ሌሎች ጥያቄዎችን ማንሳታቸውን ያስታወሱት ተጎጅዎች በክልሉም ሆነ በዞንና በወረዳ አመራሮች እምነት የለንም፤ ያስጨርሱናል የሚል ስጋት ስላለን ተመልሰን ለመግባት ይቸግረናል ብለዋል። ከጉትን ወደ ቡሬ የሚወስደው መንገድ በኦሮሚያ ልዩ ኃይል በመዘጋቱ ለመውጣትም አለመቻላቸውን የገለፁት ተጎጅዎች የሚመለከተው የመንግስት አካል፣ የሰብአዊ ድርጅትና የሚዲያ ተቋማት በአስቸኳይ ሊደርሱልን ይገባል ሲሉ ጥሪ አቅርበዋል።

Source: Link to the Post

Leave a Reply