You are currently viewing ከሰሜን ወሎ ግንባር ተፈናቅለው ደሴ የሚገኙ ወጣቶች ወደ ግንባር ዘመቱ። አማራ ሚዲያ ማዕከል/አሚማ  ጥቅምት 14 ቀን 2014 ዓ. ም         አዲስ አበባ ሸዋ ከሰሜን ወሎ የተለያዩ ወረ…

ከሰሜን ወሎ ግንባር ተፈናቅለው ደሴ የሚገኙ ወጣቶች ወደ ግንባር ዘመቱ። አማራ ሚዲያ ማዕከል/አሚማ ጥቅምት 14 ቀን 2014 ዓ. ም አዲስ አበባ ሸዋ ከሰሜን ወሎ የተለያዩ ወረ…

ከሰሜን ወሎ ግንባር ተፈናቅለው ደሴ የሚገኙ ወጣቶች ወደ ግንባር ዘመቱ። አማራ ሚዲያ ማዕከል/አሚማ ጥቅምት 14 ቀን 2014 ዓ. ም አዲስ አበባ ሸዋ ከሰሜን ወሎ የተለያዩ ወረዳዎች ተፈናቅለው ደሴ የሚገኙ ወጣቶች ወደ ግንባር ዘመቱ፡፡ ወጣቶቹ ከአሁን በኋላ ቤታችንን እና መሬታችንን ሳናስመልስ ወደ ደሴ አንመለስምም ብለዋል፡፡ ከሰሜን ወሎዋ የጋዞ ወረዳ እስታይሽ ከተማ ተፈናቅሎ ደሴ የሚገኘው ወጣት መንግስቱ መንገሻ ከሚኖርባት ከተማ ተፈናቅሎ ደሴ ከገባ የሰነበተ ሲሆን አሁን ግን ሰራዊቱን ተከትሎ ጁንታውን እያባረረ ወደ ከተማው ለመመለስ መዘጋጀቱን በሥፍራው ለሚገኙት የኢትዮጵያ ፕሬስ ድርጅት ዘጋቢዎች ገልጿል፡፡ ከእስታይሽ ከተማ እንደተፈናቀለ የተናገረው ወጣት ዘለቀ አለባቸው በበኩሉ “ከዚያ አስለቅቀውን እዚህ መጥተናል ፥ ከዚህ ግን አንለቅም፡፡እንዲያውም ከአሁን በኋላ ወደ ቤታችን መመለስ ስለምንፈልግ ወደፊት ነው የምንገሰግሰው” ብሏል፡፡ ከመከላከያ ጎብ በመሆን በደጀንነት ለማገዝ እንዲሁም መሳሪያ ሲያገኝ ለመዋጋት መቁረጡንም አስረድቷል፡፡ ሌላኛው የእስታይሽ ከተማ ተፈናቃይ እና ዘማች አስር አለቃ ተካ በበኩሉ “እነሱ ጦርነቱን ህዝባዊ አድርገው ቤታችንን አስለቅቀውናል፡፡አሁን ደሞ እኛ ጦርነቱን ህዝባዊ አድርገን ቤታችንን እና ከተማችንን እናስመልሳለን” ብሏል፡፡አክሎም “ከአሁን በኋላ እኛ ያለንበት እስኪመጡ አንጠብቅም ፥ ያሉበት ድረስ እንሄዳለን “ነው ያለው፡፡ ይህ በእንዲህ እንዳለ በትናንትናው እለት በሀይቅ ግንባር ሰራዊቱን ተከትሎ ብዙ ርቀት እንደተጓዘ የገለጸው የዋድላ ወረዳ ነዋሪ የሆነው ወጣት ትንሳኤ ታጠቅ እሱና ጓደኞቹ ከመከላከያው ጀርባ በመከተል 8 መሳሪያ ከተደመሰሱ የጁንታው ወታደሮች መሰብሰባችውን እና ለመከለከያ ማስረከባቸውን ገልጿል፡፡ “ስንቅ ልናደርስ ነበር የተላክነው፡፡ወታደሮቹ ሲያዩን ደስ አላቸው፡፡እንደዚህ ስታግዙን ተጨማሪ ሞራል ይሆነናል እንጂ ለጁንታው እኛ በቂ ነን ብለውናል” ብሏል ወጣቱ፡፡ በዛሬው እለትም በጠዋት ማልዶ የመጣው ወደ ግንባር ሄዶ ለማገልግለ መሆኑን ገልጾ ከአሁን በኋላ ወደኋላ የለም ወደፊት ነው የምንገሰግሰው ብሏል ሲል የዘገበው ኢ ፕ ድ ነው።

Source: Link to the Post

Leave a Reply