ከሰሞኑ ለዘመናት ከሚኖሩበት ቀያቸው ወለጋ ተፈናቅለው ደብረ ብርሃን ለደረሱ አማራዎች የአልባሳት ድጋፍ ተደረገ። አማራ ሚዲያ ማዕከል/አሚማ ታህሳስ 5 ቀን 2015 ዓ/ም አ…

ከሰሞኑ ለዘመናት ከሚኖሩበት ቀያቸው ወለጋ ተፈናቅለው ደብረ ብርሃን ለደረሱ አማራዎች የአልባሳት ድጋፍ ተደረገ። አማራ ሚዲያ ማዕከል/አሚማ ታህሳስ 5 ቀን 2015 ዓ/ም አዲስ አበባ ሸዋ ወሎ ቤተ አምሐራ – Wello Bete Amhara የልማት እና የበጎ አድራጎት ድርጅት በዱባይ ከሚኖሩ የአማራ ማህበራት ጋር በመተባበር ከሰሞኑ ከወለጋ ተፈናቅለው በደብረ ብርሃን ለተጠለሉ ወገኖች 13 ጥቅል ትላልቅ ካርቶን /946 ኪሎግራም/ የአልባሳት ድጋፍ ለማድረግ ችለዋል። ታህሳስ 5/2015 በደብረብርሃን ከተማ በመገኜት ከወለጋ ከሞት አምልጠው በቅርብ ቀን ለመጡ ተፈናቃዮች ነው ድጋፉ የተደረገው። ደብረብርሃን ብቻ 6 የተፈናቃዮች መጠለያ ካምፕ የሚገኝ ሲሆን ድጋፍ የተደረገላቸው ወይንሸት መጠለያ እና 08 መጠለያ ካምፕ ለሚገኙ ወገኖቻችን ነው። በቦታው ተገኝተው ድጋፉን የተረከቡት የሰሜን ሸዋ ዞን አደጋ መከላከል የምግብ ዋስትና ዋና ሀላፊ አቶ አበባው እና ከፌዴራል የአደጋ ስጋት አመራር ተወካይ ባለሙያ አቶ አለማየሁ ፍቃዱ እና ወ/ሮ እልፍነሽ ነጋሽ የተባሉ አመራሮች ናቸው፤ ለተደረገው ድጋፍም ከልብ አመስግነዋል። የሰሜን ሸዋ ዞን አደጋ መከላከል የምግብ ዋስትና ዋና ሀላፊ አቶ አበባው በዞኑ 76,400 በላይ ከወለጋ ብቻ የተፈናቀሉ ወገኖች እንዳሉ ጠቅሰው ሁሉም የሀገር ውስጥ እና የውጭ እርዳታ ድርጅቶች ድጋፍ እንዲያደርጉ ጥሪ አቅርበዋል። የወሎ ቤተ አምሐራ የልማት እና የበጎ አድራጎት ድርጅት ይሄ ድጋፍ እንዲሳካ በዱባይ የሚኖሩ ወገኖቻችን የህይወት ውጣ ውረድ ሳይገድባመቸው ለወገኖቻቸው ይሄንን የሰብአዊ ድጋፍ በማድረጋቸው ድጋፍ በተደረገላቸው ወገኖቻችን ስም አመስግኗል። ድጋፍ ማድረግ ለምትፈልጉ:_ የኢትዮጵያ ንግድ ባንክ 1000347415891 “ወሎ ቤተ አምሐራ በጎ አድራጎት” መጠቀም ትችላላችሁ። ስልክ ☎️ +251116661086 0996856611

Source: Link to the Post

Leave a Reply