ከሰሞኑ በኮንሶ ዞን፣ አማሮ፣ ዴራሼ፣ አሌና ቡርጂ ወረዳዎች ባሉ ግጭቶች 66 ሰዎች ሲገደሉ 39 ቆሰሉ፤ ከ130 ሽህ በላይ ዜጎች ተፈናቀሉ።  አማራ ሚዲያ ማዕከል/አሚማ     ህዳር 21 ቀን…

ከሰሞኑ በኮንሶ ዞን፣ አማሮ፣ ዴራሼ፣ አሌና ቡርጂ ወረዳዎች ባሉ ግጭቶች 66 ሰዎች ሲገደሉ 39 ቆሰሉ፤ ከ130 ሽህ በላይ ዜጎች ተፈናቀሉ። አማራ ሚዲያ ማዕከል/አሚማ ህዳር 21 ቀን…

ከሰሞኑ በኮንሶ ዞን፣ አማሮ፣ ዴራሼ፣ አሌና ቡርጂ ወረዳዎች ባሉ ግጭቶች 66 ሰዎች ሲገደሉ 39 ቆሰሉ፤ ከ130 ሽህ በላይ ዜጎች ተፈናቀሉ። አማራ ሚዲያ ማዕከል/አሚማ ህዳር 21 ቀን 2013 ዓ.ም አዲስ አበባ ሸዋ የክልሉ ሰላምና ጸጥታ ቢሮ ሀላፊ አቶ አለማየሁ ባዉዲ ለኢትዮ ኤፍ ኤም እንዳሉት ህዝቡ እርስ ችግር ባይኖርበትም ነባር ጥያቄዎችን ሰበብ በማድረግ እነዚህ የጥፋት ሀይሎች አማካኝነት በ17 ቀበሌዎች በተነሳ ግጭት የ66 ሰዎች ህይወት አልፏል። እንዲሁም በዚህ ግጭት ሳቢያም 39 ሰዎች የአካል ጎዳት የደረሰባቸው ሲሆን ከ130 ሺህ በላይ ዜጎች ደግሞ ከሚኖሩበት ቀዬ ተፈናቅለዋል ብለዋል። በአካባቢው የህወሃትና ኦነግ ሸኔ ጋር ግንኙነት ባላቸው አካላት የተፈጸመውን ጥቃት በመፍራትም ከ130ሺ በላይ ዜጎች ከቀያቸው መፈናቀላቸውን አስረድተዋል፡፡ የክልሉ መንግስት ለእነዚህ ወገኖች አሰቸኳይ የእለት እርዳታ እየቀረበላቸው መሆኑንም ሀላፊው ይናገራሉ፡፡ በአካባቢው የህግ የበላይነትን ለማስከበርም 4 የምርመራ ቡድኖች ተቋቋመው መረጃዎች እየተሰባሰቡ መሆኑንም ተናግረዋል። የክልሉ እና የወረዳዎቹ ነዋሪዎች ባደረጎት ከፍተኛ ጥረትም ግጭቱ እንዲነሳ ተሳትፎ ያደረጉ 137 ተጠርጣሪዎች በቁጥጥር ስር የዋሉ ሲሆን ቀሪዎቹን የጥፋት ቡድን አባላት ህግ ፊት የማቅረቡ ስራ ተጠናክሮ ቀጥሏል ብለዋል ሲል ኢትዮ ኤፍ ኤም ነው የዘገበው። የአማራ ሚዲያ ማዕከል በደቡብ ክልል የመንግስት አካላት በተሳተፉበት ሁኔታ ከሰሞኑ በሰገን ዞን አማሮ ወረዳ በአማራዎች ላይ አነጣጥሮ የተፈፀመውን ጥቃት እንዲሁም በኮንሶ ደግሞ በበርካታ የአካባቢው ነዋሪ በሆኑ የተለያዩ የህ/ሰብ ክፍሎች ላይ የደረሰውን አሰቃቂ ግድያ፣ማፈናቀልና ዝርፊያን በተመለከተ መዘገቡ ይታወሳል።

Source: Link to the Post

Leave a Reply