You are currently viewing ከባህር ዳር እና አካባቢው የታፈኑ የፋኖ አባላትና ወጣቶች በምዕራብ ጎንደር ዞን ገንዳውሃ ከተማ ያለምንም ጥያቄ በእስር ላይ እንደሚገኙ ቤተሰቦች ተናገሩ፤ በአርበኛ ጥላሁን አበጀ እና ናትናኤ…

ከባህር ዳር እና አካባቢው የታፈኑ የፋኖ አባላትና ወጣቶች በምዕራብ ጎንደር ዞን ገንዳውሃ ከተማ ያለምንም ጥያቄ በእስር ላይ እንደሚገኙ ቤተሰቦች ተናገሩ፤ በአርበኛ ጥላሁን አበጀ እና ናትናኤ…

ከባህር ዳር እና አካባቢው የታፈኑ የፋኖ አባላትና ወጣቶች በምዕራብ ጎንደር ዞን ገንዳውሃ ከተማ ያለምንም ጥያቄ በእስር ላይ እንደሚገኙ ቤተሰቦች ተናገሩ፤ በአርበኛ ጥላሁን አበጀ እና ናትናኤል ዘነበ ላይ ድብደባ መፈጸሙ ተገልጧል። አማራ ሚዲያ ማዕከል/አሚማ ታህሳስ 15 ቀን 2015 ዓ/ም አዲስ አበባ ሸዋ ከሰሞኑ ከባህር ዳር እና አካባቢው የታፈኑ የፋኖ አባላትና ወጣቶች በምዕራብ ጎንደር ዞን ገንዳውሃ ከተማ ተወስደው ያለምንም ጥያቄ በእስር ላይ እንደሚገኙ ቤተሰቦች ለአማራ ሚዲያ ማዕከል (አሚማ) ተናግረዋል። ለአማራ ህዝብ ከመጨነቅ እና ከመታገል ውጭ የሰሩት ወንጀል የለም የሚሉት ቤተሰቦች ወንጀል ተሰርቷል ከተባለም በአካባቢያቸው የመዳኘት መብት እያላቸው ሌላ ቦታ መውሰድ ለምን እንዳስፈለገም ግልጽ አይደለም ብለዋል። በገንዳ ውሃ ከተማ የገጠር ወረዳ እስር ቤት የሚገኙት ወጣቶችም ደብቀው ከማሰር ውጭ እስካሁን መጥቶ ያነጋገረን የመንግስት አካል የለም ስለማለታቸው ተገልጧል። ገንዳውሃ ላይ በአፈና እስር ላይ የሚገኙትም:_ 1) ፋኖ ጥላሁን አበጀ_የአማራ ህዝባዊ ኃይል (ፋኖ) አመራር፣ 2) ናትናኤል ዘነበ_የአርበኛ ዘመነ ካሴ አጃቢ፣ 3) እሸቱ ጌትነት_የአማራ ተማሪዎች ማህበር (አተማ) ፕሬዝደንት፣ 4) መታገስ ጸጋ እና 5) ኃይሌ ክብረት የተባሉ የግፍ እስረኞች ከባ/ዳር ወደ መተማ ገንዳ ውሃ ከተማ ተወስደው በገጠሩ ወረዳ ፖሊስ ጣቢያ ታስረው እንደሚገኙ ታውቋል። ከመካከላቸው በአርበኛ ጥላሁን አበጀ እና ናትናኤል ዘነበ ላይ ድብደባ መፈጸሙ ተገልጧል፤ ጥላሁን አበጀ ከጉልበቱ ላይ በድብደባው ምክንያት ደም የፈሰሰው መሆኑን ምንጮች ነግረውናል። የተወሰኑ ቤተሰቦች ወደ አካባቢው በማቅናት ለብቻቸው የታሰሩትን የአማራ ወጣቶች አነጋግረዋል። እስካሁን ድረስ መጥቶ የጠየቀን የመንግስት አካል የለም ሲሉ ስለመናገራቸውም ጠቁመዋል።

Source: Link to the Post

Leave a Reply