You are currently viewing ከቦነያ ቦሼ ወረዳ የተፈናቀሉ በሽህ የሚቆጠሩ አማራዎች  ወደ ጅማ እየገቡ ነው፤ ከመካከላቸውም ከ60 በላይ የሚሆኑት በአይሱዙ ተጭነው አዲስ አበባ ገብተዋል። አማራ ሚዲያ ማዕከል/አሚማ…

ከቦነያ ቦሼ ወረዳ የተፈናቀሉ በሽህ የሚቆጠሩ አማራዎች ወደ ጅማ እየገቡ ነው፤ ከመካከላቸውም ከ60 በላይ የሚሆኑት በአይሱዙ ተጭነው አዲስ አበባ ገብተዋል። አማራ ሚዲያ ማዕከል/አሚማ…

ከቦነያ ቦሼ ወረዳ የተፈናቀሉ በሽህ የሚቆጠሩ አማራዎች ወደ ጅማ እየገቡ ነው፤ ከመካከላቸውም ከ60 በላይ የሚሆኑት በአይሱዙ ተጭነው አዲስ አበባ ገብተዋል። አማራ ሚዲያ ማዕከል/አሚማ ህዳር 4 ቀን 2014 ዓ.ም አዲስ አበባ ሸዋ በምስራቅ ወለጋ ዞን ቦነያ ቦሼ ወረዳ ከጥቅምት 25 ቀን 2014 ጀምሮ አማራዎች እንዲገደሉ፣ እንዲፈናቀሉና እንዲዘረፉ እየተደረገ ነው። አሸባሪው ኦነግ ሸኔና ተባባሪዎቹ አፈናቅለዋቸው በምስራቅ ወለጋ ዞን ስናልቅ ትኩረት ተነፍጎናል በሚል በከፍተኛ ትግል ወደ ጅማ ዞን ቤንጃ የመግባትን እድል ያገኙ አማራዎች እንዳሉ ተዘግቧል። ህዳር 3 ቀን 2014 አዲስ አበባ የገቡ ተፈናቃዮች እንደገለጹት የምስራቅ ወለጋ ዞን የገፋቸው ቢሆንም በጅማ ዞን መልካም የሚባል ወገናዊ አቀባበል ተደርጎልናል፤ መንገድ ከፍቶ እንድናልፍ መፍቀድ በራሱ ለእኛ ትልቅ ነገር ነው ብለዋል። አዲስ አበባ ከገቡት መካከል 85 ሽህ ብር ከፍላ ባለቤቷን ከአራጆች የታደገች እናት እና ተገዝግዘው ከሞት የተረፉት ባለቤቷ ይገኙበታል፤ በመጨረሻም ተጨማሪ 30 ሽህ ክፈሉ በመባላቸው አቅማቸው ስለማይፈቅድ ህይወታቸውን ለማትረፍ ጥለው መሸሻቸው ታውቋል። በእየጫካው ተበትነው የቀሩ ወገኖች ብዙዎች ስለመሆናቸው ተናግረዋል። በንፋስ ስልክ ላፍቶ ክ/ከተማ ሀና ማርያም በቅ/ገብርኤል ቤተ ክርስቲያንም ከወለጋ ተፈናቅለው የገቡ ከ30 በላይ አማራዎች እንዳሉ ተገልጧል። ተፈናቃዮች አስቸኳይ የመንግስትንና የወገንን እርዳታ የሚሹ መሆናቸው ተነግሯል። የኦሮሚያ ክልላዊ መንግስት ዜጎችን በእኩልነት እያየ አይደለም፤ከጥቃትም እየታደገ ባለመሆኑ አማራዎች ያለማንም ሀይባይ በጅምላ እና በደቦ ፍርድ ተጨፍጭፈው ይገደላሉ፣ ይታገታሉ፣ ይፈናቀላሉ፣ ይደፈራሉ እንዲሁም ይዘረፋሉ የሚሉ ቅሬታዎች በተደጋጋሚ እየቀረቡበት ነው።

Source: Link to the Post

Leave a Reply