ከተማ አስተዳደሩ ከ8 ሺህ በላይ ወጣቶችን ከጎዳና አንስቶ እያሰለጠነ እንደሚገኝ ተገለጸ

ከተማ አስተዳደሩ ከ8 ሺህ በላይ ወጣቶችን ከጎዳና አንስቶ እያሰለጠነ እንደሚገኝ ተገለጸ

አዲስ አበባ ፣ታህሳስ 29 ፣ 2013 (ኤፍ.ቢ.ሲ) የአዲስ አበባ ከተማ አስተዳደር በ2013 በጀት ዓመት 8 ሺህ 286 ወጧቶችን ከጎዳና አንስቶ እያሰለጠነ እንደሚገኝ ተገለጸ።
የገና በዓልን ምክንያት በማድረግ የጎዳና ተዳዳሪዎችን በማብቃት እና በማሸጋገር ፍትሃዊ የሃብት ክፍፍልን እናረጋግጥ በሚል መሪ ሃሳብ የበዓል ፕሮግራም ተከናዉኗል።
በአቃቂ ቃሊቲ ክፍከ ከተማ የተካሄደዉን የበዓል ፕሮግራም የአዲስ አበባ አስተዳደር ሰራተኛና ማህበራዊ ቢሮ ማዘጋጀቱ ተገልጿል።
በዝግጅቱ ሏይ የአዲስ አበባ ምክትል ከንቲባ አዳነት አቤቤ ፣ የሰራተኛ እና ማህበራዊ ጉዳይ ሚኒስትር ዶክተር ኤርጎጌ ተስፋዬን እና ሌሎች አመራሮችም ተካፍለዋል።
ከተማ አስተዳደሩ በተያዘዉ በጀት ዓመት 8 ሺህ 286 በጎዳና ይኖሩ የነበሩ ወጣቶችን በማንሳት የተለያዩ የሙያ ክህሎቶችን የስነ-ልቦና ስልጠናዎችን ማከናወኑን እና በማከናወን ላይ መሆኑ ተገልጿል።
የሙያ ስልጠናዎቹ በደረቅ ቆሻሻ፣ አረንጓዴ ልማት፣ጋርመንት ፣ የሌዘር ስራዎች እና መንገድ ጥርጊያ ላይ ያተኮሩ መሆናቸው ተመላክቷል።
በዚህም እስካሁን በሰባት ክፍለ ከተሞች እና በአቃቂ ጊዜያዊ ማዕከል 3 ሺህ 966 የሚሆኑት ወጣቶች ተገቢዉን የሙያ እና የስነ-ልቦና ስልጠናቸዉን አጠናቀዉ ለስሯ ዝግጁ መደረጋቸዉ ተገልጿል።
ቀሪዎቹም በተለያዩ ዙሮች ተመሳሳይ ስልጠና እና ክህሎት እየተሰጣቸዉ እንደሚገኝ ከተማ አስተዳደሩ ገልጿል።
300 ከሚሆኑ ከጎዳና ተነስተዉ ስልጠና ከወሰዱ እና እየወሰዱ ከሚገኙ ወጣቶች ጋር የገና በዓልን ያከበሩት የከተማ አስተዳደሩ ምክትል ከንቲባ አዳነች አቤቤ÷ ወጣቶቹን በተለያዩ መልዕክቶች አበረታተዋል።
ጎዳና ጊዜያዊ የህይወት መምሪያችሁ ሆኖ ቆይቷል ያሉት ምክትል ከንቲባዋ አሁን ያ ጊዜ አልፎ በሌላ የህይወት ምዕርፍ ላይ ተገኝታችኋል ብለዋል።
ወይዘሮ አዳነች አያይዘውም ፈተና ለእናንተ አዲስ አይደለም በጎዳናም ብዙ ፈተና አልፋችሁ መጥታችኋል ስለሆነም የወሰዳችሁትን ስልጠና ወደ ተግባር ቀይራችሁ ወደ ስራ አለም ስትገቡ ለሚገጥማቸዉ ፈተና እጅ ሳትሰጡ እራሳችሁንና ሀገራችሁን እንድትጠቅሙ አደራ ብለዋል።
ለዚህም ከተማ አስተዳደሩም ከጎናችሁ ነው ሲሉ ገልጸዋል።
ወጣቶቹም በበኩላቸው ወደ ስራ አለም ለመቀላቀል በቂ ክህሎት መያዛቸዉን ጠቅሰዉ የስራ እድል እንዲመቻችላቸዉ እና ትኩረት እዲሰጠዉ ጠይቀዋል።
በፍሬህይወት ሰፊዉ
ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-
የፋና ድረ ገጽ https://www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ
ከዚህ በተጨማሪም በትዊተር ገጻችን https://twitter.com/fanatelevision ይወዳጁን
ዘወትር ከእኛ ጋር ስላሉ እናመሰግናለን!

The post ከተማ አስተዳደሩ ከ8 ሺህ በላይ ወጣቶችን ከጎዳና አንስቶ እያሰለጠነ እንደሚገኝ ተገለጸ appeared first on Welcome to Fana Broadcasting Corporate S.C.

Source: Link to the Post

Leave a Reply