ከአማራ ክልል ለተፈናቀሉ ዜጎች የሚደረገው ድጋፍ አነስተኛ መሆኑ ተገለፀ

https://gdb.voanews.com/86655FA8-61E7-4A85-BD88-096A944030E0_w800_h450.jpg

በአማራ ክልል በጦርነት ምክንያት ለተፈናቀሉ ዜጎች የተደረገው ድጋፍ አነስተኛ መሆኑን በተባበሩት መንግሥታት የሰብዓዊ ድጋፍ ማስተባበሪያ ቢሮ የኢትዮጵያ ዳይሬክተር ዶክተር ካትሪን ሱዚ ገለፁ። ዶክተር ካትሪን ለድጋፉ አነስተኛ መሆን የጦርነቱን ሂደት መራዘም፣ የተጎጂዎች ቁጥር በየጊዜው መጨመርና ንፁኃን የጦርነቱ ሰለባ መሆናቸውን በምክንያትነት ጠቅሰዋል፡፡

በቀጣይም ችግሮችን ተቋቁመው የህይወት አድን ሥራ ለመሥራት ቁርጠኛ መሆናቸውን ተናግረዋል፡፡ በአማራ ክልል እየተካሄደ ባለው ጦርነት ከ1.9 ሚልየን ዜጎች መፈናቀላቸው፤ ከ6ሚልየን በላይ ሰዎች አስቸኳይ የምግብ እርዳታ  እንደሚያስፈልጋቸው እንዲሁም ሰዎች በርሃብ እየሞቱ መሆኑን የክልሉ መንግሥት ገልጿል፡፡

የተለያዩ የሰብዓዊ ድጋፍ አድራጊ ድርጅቶች ከአማራ ክልልርዕሰ መስተዳድር  እና ከክልሉ ባለስልጣናት ጋር በሰብዓዊ ድጋፍ  አቅርቦት ዙሪያ በባህር ዳር ከተማ መክረዋል፡፡

በሌላ በኩል የተባበሩት መንግሥታት ድርጅት የሰብዓዊ ጉዳዮች ረዳት ዋና ጸሐፊ ማርቲን ግሪፊትስ  ትናንት መቀሌን ጎብኝተዋል።

ዝርዝሩን ከተያያዘው የድምፅ ፋይል ያዳምጡ

 

Source: Link to the Post

Leave a Reply