You are currently viewing ከአማራ ክልል ወደ አዲስ አበባ በሌሊት ታፍነው እንዲመጡ የተደረጉ እስረኞች እነ መ/ር ደህናሁን ቤዛ ፍ/ቤት ቀርበው ለነገ ተለዋጭ ቀጠሮ ተሰጥቷቸዋል። አማራ ሚዲያ ማዕከል/አሚማ     ህዳር…

ከአማራ ክልል ወደ አዲስ አበባ በሌሊት ታፍነው እንዲመጡ የተደረጉ እስረኞች እነ መ/ር ደህናሁን ቤዛ ፍ/ቤት ቀርበው ለነገ ተለዋጭ ቀጠሮ ተሰጥቷቸዋል። አማራ ሚዲያ ማዕከል/አሚማ ህዳር…

ከአማራ ክልል ወደ አዲስ አበባ በሌሊት ታፍነው እንዲመጡ የተደረጉ እስረኞች እነ መ/ር ደህናሁን ቤዛ ፍ/ቤት ቀርበው ለነገ ተለዋጭ ቀጠሮ ተሰጥቷቸዋል። አማራ ሚዲያ ማዕከል/አሚማ ህዳር 12 ቀን 2015 ዓ/ም አዲስ አበባ ሸዋ እነ አርበኛ ዘመነ ካሴ ከእስር እንዲፈቱ በራሪ ወረቀት እና በማህበራዊ ሚዲያ በመጠቀም ቅስቀሳ አድርገዋል በሚል ከአማራ ክልል የተለያዩ አካባቢዎች ተይዘው የታሰሩ ወጣቶች መኖራቸው ይታወቃል። በአማራ ክልል ከጎንደር፣ ከደብረ ታቦር፣ ከፍኖተ ሰላም፣ከደብረ ማርቆስ፣ ከደሴ፣ ከደብረ ብርሃን እና ከባ/ዳር ከተያዙት በርካታ ወጣቶች መካከል 8 የሚሆኑትን በሌሊት አፍነው ወደ አዲስ አበባ ፌደራል ፖሊስ ያመጧቸው መሆኑ አይዘነጋም። ተጠርጣሪዎችም:_ 1) ደህናሁን ቤዛ፣ 2)አንማው ሙላት፣ 3) ብሩክ አያልነህ፣ 4) አምሳያው አዳሙ፣ 5) ዳንኤል ዮሐንስ እና 6) ታሪኩ በላይ ሲሆኑ ጉዳያቸውን በፌደራል ከፍተኛ ፍ/ቤት ልደታ ምድብ ችሎት እየቀረቡ በመከታተል ላይ ናቸው። ቀደም ሲል በተሰጠው ጊዜ ቀጠሮ መሰረትም ህዳር 12/2015 በፌደራል ከፍተኛ ፍ/ቤት ቀርበዋል። ከአሁን ቀደም በነበረው ችሎትም ከሶስቱ ዳኞች አንዷ ሊያስከስሳቸው አይገባም በሚል የልዩነት አቋም የያዘች መሆኗን ጠበቃ ሀብተ ማርያም ጸጋዬ አስታውቋል። ነገር ግን ዳኞች የተሟሉ ባለመሆናቸው ለነገ ህዳር 13/2015 እንዲቀርቡ ተለዋጭ ቀጠሮ ተሰጥቷል። በሌላ የሽብር ፈጠራ መዝገብ የተከሰሱት ጥላሁን ደምሴ እና ጋሻው ሲሳይም ነገ ህዳር 13/2015 ፍ/ቤት እንደሚቀርቡ የቀደመ ቀጠሮአቸው ያመለክታል። አማራ ሚዲያ ማዕከል (አሚማ)ም በፌደራል ከፍተኛ ፍ/ቤት ልደታ ምድብ ችሎት ተገኝቶ ጉዳዩን ተከታትሏል፤ በርካታ የተጠርጣሪ ቤተሰቦችና የትግል አጋሮችም በችሎቱ የተገኙ መሆኑን ለመታዘብ ችሏል።

Source: Link to the Post

Leave a Reply