You are currently viewing ከአማራ ወጣቶች ማህበር በሸዋ  በሰሞኑ የደራ ጉዳይ የተላለፈ ወቅታዊ መልዕክት። ሕዳር 8 ቀን 2015 ዓ.ም አሻራ ሚዲያ ፣ ባህርዳር ሸዋ ደራ የአማራ የማንነት ጥያቆ እንዳለበት ቢታወቅም ከ…

ከአማራ ወጣቶች ማህበር በሸዋ በሰሞኑ የደራ ጉዳይ የተላለፈ ወቅታዊ መልዕክት። ሕዳር 8 ቀን 2015 ዓ.ም አሻራ ሚዲያ ፣ ባህርዳር ሸዋ ደራ የአማራ የማንነት ጥያቆ እንዳለበት ቢታወቅም ከ…

ከአማራ ወጣቶች ማህበር በሸዋ በሰሞኑ የደራ ጉዳይ የተላለፈ ወቅታዊ መልዕክት። ሕዳር 8 ቀን 2015 ዓ.ም አሻራ ሚዲያ ፣ ባህርዳር ሸዋ ደራ የአማራ የማንነት ጥያቆ እንዳለበት ቢታወቅም ከዚህ በፊት እንደ ሌሎቹ የአማራ ጥያቄዎች ማለትም እንደ ወልቃይት፣ ራያ ፣መተከል በሁሉም የአማራ አንደበት ትኩረት አልተሰጠውም። ይህን ተከትሎ ሰሞኑን በኦሮምያ ክልል ተንሰራፍቶ ንፁሃንን በማንነታቸው እየለዬ አማራን እየጨፈጨፈ ያለው፣ ሀብት ንብረት እያወደመ ያለው ኦነግ-ሸኔ እያለ መንግስት የሚጠራው ቡድን ፣ለአስተዳደር አመችነት በሚል የፖለቲካ ደባ ከሰ/ሸዋ አማራ ክልል ወደ ኦሮሚያ ሰ/ሸዋ ዞን ወደ ተካለለው ደራ በኩል ደግሞ በተደጋጋሚ ወረራ በመፈጸም ከፍተኛ የሆነ መስዋዕትነት እያስከፈለ ያለው ተስፋፊ ሀይል የሽብር ተግባር በደራ ወረዳ በኩል መጠነ ሰፊ የወረራ ጦርነት በመክፈት ማንነትን መሰረት ባደረገ መልኩ በሰውና በቁስ ላይ ውድመት አድርሷል። በተለይ በሴቶችና በህፃናት ላይ አሳፋሪ ድርጊት ፈጽሟል። ከዚህ በተጨማሪ ማንነትን መሰረት በአደረገ መልኩ በረካታ አማራ የሆኑትን ንጹሃን ዜጎች አግቶ መውሰዱ ታውቋል። የሽብር ቡድኑ ከፍተኛ የሆነ ኃይል በማሰማራት ከህዳር 2/2015 ከሌሊቱ 7 እስከ ህዳር 4/03/15 ዓም በደራ ንጹሃን አማራዎች ላይ የወረራ እኩይ ድርጊት በመፈጸሙ ምክንያት በመከላከል ላይ ሳሉ በርካታ ወንድሞቻችንን የህይወት መጽዋዕትነት ከፍለዋል። እነሱም 1, አቶ አባቡ ተሾመ 2, አቶ ሙላቱ ደጓለ 3,ዳምጠው ጋሻው 4,አቶ ዝና ያዛቸው 5 ኤደን እንዲሁም በርካቶች ስለከፋላችሁት መስዋዕትነት ትውልድና ታሪክ ዘላለም ሲዘክራችሁ ይኖራል …እናመሰግናለን። ይህ በእንድህ እንዳለ በጣም አሳዛኙ ተግባር የነበረው ግን ጀማ ላይ ያለው ፌደራል ፖሊስ ትዕዛዝ አልተሰጠኝም በማለት ጉዳዩን ጆሮዳባ ልበስ ብሎ ምንም አይነት እንቅስቃሴ ሳያደርግ በዚህ ደረጃ ወረዳውንና ከተማው የሽብር ቡድኑን ሲወር በዝምታ ማለፉ እጅግ በጣም ያሳዝናልም ያሳያሳፍራልም። በመጨረሻም የአካባቢው ሚሊሻ እና አርሶ አደርም ዘመናዊ እና የቡድን መሳሪያ ከታጠቀ እና ከፍተኛ ኃይል በማሰማራት መጠነ ሰፊ የወረራ ጦርነት የከፈተውን የሽብር ቡድን በመመከት መስዋዕትነት ጭምር በመክፈል ላበረከታችሁት ታሪካዊው ተጋድሎ እንደ ትውልድ ታሪክና ጽፋችኋልና አልሞታችሁም…አደራ እየተወጣችሁ መስዋዕት ሆናችሁ እንጅ። ከረፈደም ቢሆን መጥታችሁ አካባቢውን ከወራሪው ሀይል በማጽዳት ሀላፊነታችሁን የተወጣችሁ የጸጥታ ሀይልና መዋቅር ከልብ እናመሰግናለን። የግርጌ ማስታወሻ፦ መላው አማራ እንደ ወልቃይት፣ራያና መተከል ሁሉ ስለሸዋ (ደራ) እርስቱ ትኩረት እንድሰጥ መልዕክታችንን እናስተላልፋለን። ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply