You are currently viewing ከአሸባሪው ኦነግ ሸኔ ጥቃት ተርፈው በተፈናቃይ ካምፕ እና ከሰው ተጠግተው እንደሚኖሩ የገለጹ ከስቡ ስሬ፣ ከጎብሰዮ እና ከአኖ ተነስተው ወደ አዲስ አበባ ሲጓዙ የነበሩ አማራዎች በኦሮሚያ ልዩ…

ከአሸባሪው ኦነግ ሸኔ ጥቃት ተርፈው በተፈናቃይ ካምፕ እና ከሰው ተጠግተው እንደሚኖሩ የገለጹ ከስቡ ስሬ፣ ከጎብሰዮ እና ከአኖ ተነስተው ወደ አዲስ አበባ ሲጓዙ የነበሩ አማራዎች በኦሮሚያ ልዩ…

ከአሸባሪው ኦነግ ሸኔ ጥቃት ተርፈው በተፈናቃይ ካምፕ እና ከሰው ተጠግተው እንደሚኖሩ የገለጹ ከስቡ ስሬ፣ ከጎብሰዮ እና ከአኖ ተነስተው ወደ አዲስ አበባ ሲጓዙ የነበሩ አማራዎች በኦሮሚያ ልዩ ኃይል እና ሚሊሾች በኃይል ወደመጡበት እንዲመለሱ ተደረገ። አማራ ሚዲያ ማዕከል/አሚማ ህዳር 30 ቀን 2015 ዓ/ም አዲስ አበባ ሸዋ አሸባሪው ኦነግ ሸኔ ህዳር 27/2015 ከቀኑ 5 ሰዓት ጀምሮ እስከ ቀኑ 7 ሰዓት ድረስ በጎብሰዮ ወረዳ ከአኖ ከተማ በቅርብ ርቀት ባለችው ልዩ ስሟ ግሼ ቶርቤ በምትባል አካባቢ ባሉ የአማራ ተወላጅ የሆኑ ሚሊሾች ላይ ጥቃት ከፍቶ ግድያ እና ዝርፊያ ፈጽመዋል። በእለቱ በአሸባሪው ኦነግ ሸኔ ከተገደሉት መካከልም:_ 1) አቶ ሞህሙድ እንድሪስ፣ 2) አቶ ሰይድ እና 3) ሌላ አንድ ስሙ ያልታወቀ ሚሊሻዎች ሲሆኑ አቶ ምናልባት አስናቀው የተባለ ሚሊሻም መቁሰሉም ተገልጧል። የሽብር ቡድኑም ከአኖ ከተማ ግሼ ቶርቤ ላይ ሶስት ገድሎ አንድ ሰው ባቆሰለበት እለት 13 በቅሎዎች ከእነ ሙሉ ጋሬያቸው ዘርፎ ወደ ጎደሀራ የተባለ አካባቢ ወስዷል። የወረዳ እና የምስራቅ ወለጋ ዞን አመራሮች የአማራው ሚሊሻ እንዲበተን ሆንብለው እንዲመታ አድርገዋል በሚል ቅሬታ ቀርቧል። ይህን የተመለከተው ከስቡ ስሬ፣ ከጎብሰዮ እና ከአኖ የተሰባሰቡ ከ7 ሚኒ ባስ በላይ አማራዎች ምንም ለመኖር የሚያስችል ዋስትና የለንም በሚል ህዳር 29/2015 በመኪና ተሳፍረው በምዕራብ ሸዋ ዞን ባኮትቤን አቋርጠው ሸቦካ በተባለ አካባቢ ሲደርሱ:_ በአካባቢው ያገኟቸው የኦሮሚያ ልዩ ኃይል እና ሚሊሾች ውረዱ በሚል የት ልትሄዱ ነው፣ለምን በሚል ጥያቄ እንዳቀረቡላቸው ተገልጧል። በአጋጣሚ ቀይ ቦኔት ለባሽ የመከላከያ ሰራዊት አባላት ድንገት ደርሰው በምን ምክንያት ነው የተሰበሰበው፣ ችግር አለ ወይ ብለው ሲጠይቁ ልዩ ኃይሎቹ ምንም ችግር የለም ሰላም ነው በማለት አልፈው እንዲሄዱ አድርገዋል። በጉዞ ላይ የነበሩ አማራዎችም “ልጆቻችን እየተገደሉብን፣ እየተራብን፣ እየተጠማን፣ ሰርተን መብላት አልቻልንም፣ ዋስትናም የለንም” በመሆኑም ነፍሳችን ለማዳን ሲባል ለጊዜው ከአካባቢው ለመውጣት ወስነን ነው የመጣነው በሚል ምላሽ ለመስጠት ቢሞክሩም አስገድደው በእርግጫ፣ በጥፊ እና በብረት ዱላ እየደበደቡ ወደነበሩበት አካባቢ በተሳፈሩበት መኪና እንዲመለሱ አድርገዋል። በተጨማሪም ከጎብሰዮ እና ከአኖ በ3 ቅጥቅጥ መኪና ተሳፍረው ወደ አዲስ አበባ ሲያቀኑ የነበሩ አማራዎች ሸቦካ ላይ ሲደርሱ በተመሳሳይ እንዲመለሱ ተደርጓል። በአጠቃላይ በ10 ተሽከርካሪ የተጫኑ የጎብሰዮ፣ የአኖ እና የስቡስሬ አማራዎች በኃይል ወደመጡበት እንዲመለሱ ወይም ወደ አዲስ አበባ እንዳያልፉ መከልከላቸውን ለአማራ ሚዲያ ማዕከል (አሚማ) ተናግረዋል።

Source: Link to the Post

Leave a Reply