You are currently viewing ከኢትዮጵያ መገናኛ ብዙኃን ባለሙያዎች ማሕበር የተሰጠ መግለጫ ባህርዳር:- ሚያዚያ 27/2014 ዓ.ም                 አሻራ ሚዲያ ጋዜጠኛን ከሕግ ውጭ ሰውሮ ማቆየት ይቁም!!! ማሕበ…

ከኢትዮጵያ መገናኛ ብዙኃን ባለሙያዎች ማሕበር የተሰጠ መግለጫ ባህርዳር:- ሚያዚያ 27/2014 ዓ.ም አሻራ ሚዲያ ጋዜጠኛን ከሕግ ውጭ ሰውሮ ማቆየት ይቁም!!! ማሕበ…

ከኢትዮጵያ መገናኛ ብዙኃን ባለሙያዎች ማሕበር የተሰጠ መግለጫ ባህርዳር:- ሚያዚያ 27/2014 ዓ.ም አሻራ ሚዲያ ጋዜጠኛን ከሕግ ውጭ ሰውሮ ማቆየት ይቁም!!! ማሕበራችን የኢትዮጵያ መገናኛ ብዙኃን ባለሙያዎች ማሕበር ጋዜጠኛ ጎበዜ ሲሳይ ከቀናት በፊት ማንነታቸውን ባልገለጹ የመንግስት ሰዎች ተከራይቶ ከሚኖርበት ቤት ውስጥ ተይዞ መወሰዱንና የት እንዳለ አለመታወቁን ከሰማበት ጊዜ ጀምሮ መልስ የሚሰጥ አካል ባለመኖሩ በእጅጉ አሳስቦታል። ጋዜጠኛው በምን ጥፋት ተጠርጥሮ እንደተያዘና ምክንያቱ ምን እንደሆነ በግልጽ ካለመነገሩ በላይ የት እንደሚገኝ አለመታወቁ ከዚህ ቀደምም ማሕበራችን ሲቃወመው የቆየው በሌሎች ጋዜጠኞችም ላይ የደረሰው መሰል ድርጊት አካል ሆኖ አግኝቶታል። ጋዜጠኞች በተደጋጋሚ ከሚሰሩበት ቦታ ወይም መኖሪያ ቤታቸው ያለፍርድ ቤት ማዘዣ ለጥያቄ ትፈለጋላችሁ በሚል በተመሳሳይ መልኩ ታፍነው የሚወሰዱበትና ደብዛቸው እንዲጠፋ የሚደረግበት ሁኔታ መደጋገሙ የሀገራችን የፍትሕ እና የዳኝነት ሥርዓቱ በራሱ የመገናኛ ብዙኃን ስጋት እንዲሆን አድርጎታል። በተለይ የማሕበራችን መስራች አባል የሆነው ጋዜጠኛ ጎበዜ ሲሳይ ታፍኖ ተወስዶ እንዲሰወር የተደረገው የዓለማችን የፕሬስ ነጻነት ሳምንት በሚከበርበት ወቅት መሆኑ መንግስት በጋዜጠኝነት ሙያ ላይ ብቻ ሳይሆን በአጠቃላይ በመገናኛ ብዙኃን ላይ ጥቃት እንደከፈተ ያስቆጥረዋል። ለጊዜው ከሕግ አግባብ ውጭ መንግስትና በመንግስት ስም የሚንቀሳቀሱ ሕገ ወጥ ኃይሎች በጋዜጠኞች ላይ የሚያደርሱት ጥቃት የሕዝብ አይንና ጆሮ የሆነውን ሚዲያ ሊያሸማቅቀው ቢችልም ይዋል ይደር እንጂ ራሱ መንግስትን ዋጋ የሚያስከፍለው መሆኑን መዘንጋት የለበትም። ጋዜጠኛ ጎበዜ ሲሳይ ያጠፋው ጥፋት ቢኖር እንኳን የፍትሕ አካላት እንደማንኛውም ተጠርጣሪ በሕግ ቁጥጥር ሥር ሊውልና ዳኝነት ሊሰጠው ሲገባ ከተያዘበት ቀን ጀምሮ የት እንደሚገኝ እንኳን ሳይገለጽ ቀናትን ማሳለፉ የመብት ጥሰት ብቻ ሳይሆን መንግሥት ይህን ያልተገባና አደገኛ አዝማሚያ በጋዜጠኞች ላይ ማድረሱን እንደመብት የቆጠረው አስመስሎታል። መንግሥት ጋዜጠኞች ሥራቸውን በማከናወናቸው ብቻ ተጠያቂ የሚያደርግበትን ሚስጥራዊ አሠራሩን ሊፈትሽ እንደሚገባ እና ለመንግሥትም ሆነ በጠቅላላው ለአገር የሚፈይደው ነገር እንደማይኖር ይልቁንም መንግሥት እዘረጋዋለሁ ብሎ ከሚያምነው የዴሞክራሲያዊ ሥርዓተ ማሕበር ውጥኑ የሚቃረን መሆኑን ማስታወሱ ተገቢ ነው። በጋዜጠኞች ላይ የሚደርሱ ግልጽና ሕቡዕ ጥቃቶች እዲቆሙ ደጋግሞ እየጠየቀ ያለው የኢትዮጵያ መገናኛ ብዙኃን ባለሙያዎች ማሕበር ጋዜጠኛ ጎበዜ ሲሳይ ለምን በዚህ ሁኔታ እንደታሰረ፣ የት እንደሚገኝ እና የተያዘበት ምክንያት በግልጽ እንዲነገር በጽኑ ይጠይቃል። ሚያዚያ 27 ቀን 2014 ዓ.ም አዲስ አበባ ፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA Telegram (https://t.me/asharamedia24) Ashara Media – አሻራ ሚዲያ ስልክ፥ +251984000629

Source: Link to the Post

Leave a Reply