You are currently viewing ከኦሮሚያ ክልል ፀጥታ ኃይሎች ጥቃት ለማምለጥ ወደ አማራ ክልል እየሸሹ ከነበሩት ሰዎች መካከል ከ17 በላይ የሚሆኑት መገደላቸውን የአይን እማኞች ተናገሩ። አማራ ሚዲያ ማዕከል/አሚማ    ታህ…

ከኦሮሚያ ክልል ፀጥታ ኃይሎች ጥቃት ለማምለጥ ወደ አማራ ክልል እየሸሹ ከነበሩት ሰዎች መካከል ከ17 በላይ የሚሆኑት መገደላቸውን የአይን እማኞች ተናገሩ። አማራ ሚዲያ ማዕከል/አሚማ ታህ…

ከኦሮሚያ ክልል ፀጥታ ኃይሎች ጥቃት ለማምለጥ ወደ አማራ ክልል እየሸሹ ከነበሩት ሰዎች መካከል ከ17 በላይ የሚሆኑት መገደላቸውን የአይን እማኞች ተናገሩ። አማራ ሚዲያ ማዕከል/አሚማ ታህሳስ 12 ቀን 2015 ዓ/ም አዲስ አበባ ሸዋ መነሻቸውን ከሆሮጉድሩ ወለጋ ዞን ጃርዴጋ ጃርቴ ወረዳ እና ኩታ ገጠም ከሆነው ከምስራቅ ወለጋ ዞን ጊዳ ኪረሙ ወረዳ ያደረጉ በርካታ የአማራ ተወላጆች የክልሉ ፀጥታ ኃይሎች ከከፈቱባቸው ጥቃት ለማምለጥ ወደ አማራ ክልል ሲሸሹ አባይ በርሃ ላይ ያደፈጡ የኦነግ ሸኔ ታጣቂዎች በከፈቱት ጥቃት ከ17 በላይ ሰዎች መገደላቸውን ከጥቃቱ የተረፉ የአይን እማኞች ለአማራ ድምፅ ተናገሩ። ከ17 በላይ የሚሆኑት ሰዎች የተገደሉት ታህሳስ 10/2015 ዓ.ም አመሻሹ ላይ ሲሆን ታጣቂዎቹ በከፈቱት ተኩስ 12ቱ ሰዎች ወዲያውኑ ህይወታቸው ሲያልፍ ከአምስት በላይ የሚሆኑት ሰዎች ደግሞ የአባይን ወንዝ ለመሻገር ሲሞክሩ ሰጥመው መሞታቸውን ነው የአይን እማኞቹ ለአማራ ድምፅ ያረጋገጡት። በርሃው ውስጥ መሽገው የነበሩት የኦነግ ሸኔ ታጣቂዎች ከከፈቱት ተኩስ ህይወታቸውን ለማትረፍ የአባይን ወንዝ በዋና ለመሻገር ሲሞክሩ ከሰጠሙት መካከል የአምስቱ ሰዎች አስከሬን የተገኘ ሲሆን ተጨማሪ የሟቾችን አስከሬን ከወንዙ ለማውጣት አሁንም ፍለጋ ላይ መሆናቸውን የአይን እማኞቹ ተናግረዋል። የክልሉ ፀጥታ ኃይሎች የአማራ ተወላጆችን ያነቃሉ ያደራጃሉ ብለው የጠረጠሯቸውን ግለሰቦችን በቁጥጥር ስር ለማዋል በሚል ምክኒያት በሁለቱ የወለጋ ዞኖች ከከፈቱት ጥቃት እራሳቸውን ለመከላከል ወደ አማራ ክልል ሲሸሹ ከነበሩት የአማራ ተወላጆች መካከል አባይ በርሃ ላይ ደፍጠው የተቀመጡ የኦነግ ሸኔ ታጣቂዎች በከፈቱት ተኩስ ከተገደሉት 12 ሰዎች እና ከዚህ ተኩስ ለማምለጥ የአባይን ወንዝ ለመሻገር ሲሞክሩ ሰጥመው ከቀሩት ከአምስት በላይ ሰዎች በተጨማሪ ቁጥራቸው በውል ያልታወቀ በርካታ ህፃናት፣ ሴቶች እና አረጋውያን ደብዛቸው መጥፋቱንም የአይን እማኞቹ አመላክተዋል። በአማራ ክልል ምዕራብ ጎጃም ዞን እና በኦሮሚያ ክልል ሆሮጉድሩ ወለጋ ዞን መካከል ከሚገኘው የአባይ በርሃ ሲደርሱ በታጣቂዎቹ ከተከፈተባቸው ድንገተኛ የተኩስ እሩምታ እንደ አጋጣሚ ተርፈው ወደ አማራ ክልል መግባት የቻሉ ውስን ሰዎችም የሚቀበላቸው፣ የሚያስጠልላቸው አጥተው ከባድ ችግር ላይ መውደቃቸውን ነው ለአማራ ድምፅ የተናገሩት። በሆሮጉድሩ ወለጋ ዞን አሙሩ፣ጃርዴጋ ጃርቴ፣ሆሮ ቡሉቅ በተባሉ ወረዳዎች እንዲሁም በምስራቅ ወለጋ ዞን ጊዳ ኪረሙ፣ጊዳ አያና፣ ሳሲጋ እና ሊሙ በተባሉ ወረዳዎች በተለይ ከህዳር 9/2015 ዓ/ም ጀምሮ የክልሉ ፀጥታ ኃይሎች የአማራ ተወላጆችን ያነቃሉ፣ያደራጃሉ ብለው የጠረጠሯቸውን ግለሰቦች በቁጥጥር ስር ለማዋል በሚል ሰበብ በከፈቱት ተኩስ 307 የአማራ ተወላጆች መገደላቸውን ነው የአይን እማኞችን በማነጋገር በየእለቱ ካጠናቀረው መረጃ ማረጋገጥ የቻለው። እነዚህ ታህሳስ 10/2015 ዓ/ም አባይ በርሃ ላይ የተገደሉት 17 በላይ ሰዎች ከህዳር 09/2015 ዓ/ም እስከ ታህሳስ 06/2015 ዓ/ም ደረስ በክልሉ ፀጥታ ኃይሎች ከተገደሉት 307 የአማራ ተወላጆች ተጨማሪ መሆናቸው ነው የተመላከተው። አማራ ድምጽ እንደዘገበው።

Source: Link to the Post

Leave a Reply