You are currently viewing ከክረምቱ መክበድ ጋር ተያይዞ ጥንቃቄ እንደሚያፈልግ ተገለጸ! ስቶክሆልም :- ነሀሴ 07/2014 ዓ.ም                      አሻራ ሚዲያ የዘንድሮው ክረምት ከባድ ከመሆኑ ጋር ተያ…

ከክረምቱ መክበድ ጋር ተያይዞ ጥንቃቄ እንደሚያፈልግ ተገለጸ! ስቶክሆልም :- ነሀሴ 07/2014 ዓ.ም አሻራ ሚዲያ የዘንድሮው ክረምት ከባድ ከመሆኑ ጋር ተያ…

ከክረምቱ መክበድ ጋር ተያይዞ ጥንቃቄ እንደሚያፈልግ ተገለጸ! ስቶክሆልም :- ነሀሴ 07/2014 ዓ.ም አሻራ ሚዲያ የዘንድሮው ክረምት ከባድ ከመሆኑ ጋር ተያይዞ በሰውና በንብረት ላይ አደጋ እያስከተለ ስለሆነ ጥንቃቄ ማድረግ ያስፈልጋል ሲሉ የእናት ፓርቲ ማህበራዊ ጉዳይ ሐላፊ መምህር ኪሮስ አጥናፉ ገለጹ። በክረምቱ መክበድ ምክንያት መዲናችን አዲስ አበባን ጨምሮ በሌሎችም የሀገሪቱ አንዳንድ አካባቢዎች ላይ በሰው እና በንብረት ላይ ጉዳት እያደረሰ ነው ብለዋል። በተለይ በአዲስ አበባ የጎርፍ መፋሰሻ ቱቦዎች በቆሻሻና በመሰል ነገሮች በመደፈናቸው ምክንያት ሊያመጣ የሚችለው አደጋ ቀላል እንዳልሆነ ተገንዝቦ በሰውና በንብረት ላይ የሚመጣውን አደጋ ቅድመ ጥንቃቄ በማድረግ መከላከል ይኖረብናል ያሉት መ/ር ኪሮስ አጥናፉ በቅርቡ በመዲናችን አዲስ አበባ መሳለሚያ አማኑኤል በሚባለው አከባቢ ከዝናብ ጋር በተያያዘ የአንድ ሰው ሕይወት መጥፋቱንና ንብረት መውደሙን በመግለጽ በአደጋው ምክንያት ሕይወቱን ላጣው የአማኑኤል ቤተሰቦችና ወዳጅ ዘመዶች መጽናናትን እመኛለው ብለዋል። ኃላፊው አክለውም በከተማችን ጎርፍ የመፋሰሻ ትቦዎችን ጥሶ በመውጣት የትራፊክ ፍሰቱ ላይ አስቸጋሪ ሁኔታዎችን በመፍጠር ማህበረሰቡን ለትራፊክ አደጋ ሊያጋልጡ ስለሚችሉ የሚመለከተው አካል ትኩረት ሊያደርግ እንደሚገባ ጠቁመዋል። በአፋር ክልል በጭፍራ ወረዳ ባሳለፍነው ሳምንት በጣለው ከፍተኛ መጠን ያለው ዝናም ምክንያት 13,834 በግና ፍየል 180 የቀንድ ከብት፣ 20 ግመሎች፣ 3 አህያዎች ሞተዋል፤ በሌሎች የሀገራችን ክፍሎችም የሚጥለው ከባድ ዝናብ እየቀጠለ ስለሆነ ሊፈጠር ከሚችለው አደጋ ማህበረሰቡ ጥንቃቄ እንዲያደርግ፣ መንግስትም የተጎዱ ሰዎችን ለመደገፍ ጥረት እንዲያደረግ ሲሉ ጥሪ አቅረበዋል። እናት ፓርቲ ነሐሴ ፯ቀን ፳፻፲፬ ዓ.ም አዲስ አበባ፣ ኢትዮጵያ ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply