You are currently viewing ከጃርዴጋ ተፈናቅለው በየጫካው ያሉ በሽህ የሚቆጠሩ አማራዎች ወደ ኪረሞ ሀሮ አዲስ ዓለም እንዳያልፉ ቦቃ በተባለ አካባቢ የኦሮሚያ ልዩ ኃይል መንገድ እንዲዘጋ መደረጉ ተገለጸ። አማራ ሚዲያ ማ…

ከጃርዴጋ ተፈናቅለው በየጫካው ያሉ በሽህ የሚቆጠሩ አማራዎች ወደ ኪረሞ ሀሮ አዲስ ዓለም እንዳያልፉ ቦቃ በተባለ አካባቢ የኦሮሚያ ልዩ ኃይል መንገድ እንዲዘጋ መደረጉ ተገለጸ። አማራ ሚዲያ ማ…

ከጃርዴጋ ተፈናቅለው በየጫካው ያሉ በሽህ የሚቆጠሩ አማራዎች ወደ ኪረሞ ሀሮ አዲስ ዓለም እንዳያልፉ ቦቃ በተባለ አካባቢ የኦሮሚያ ልዩ ኃይል መንገድ እንዲዘጋ መደረጉ ተገለጸ። አማራ ሚዲያ ማዕከል/አሚማ ታህሳስ 4 ቀን 2015 ዓ/ም አዲስ አበባ ሸዋ የሆሮ ጉድሩ ወለጋ ዞን ዋና አስተዳዳሪ አቶ ምሬሳ ፊጤ “ከጃርዴጋ አትወጧትም፤ የአፈር ማዳበሪያ ትሆናላችሁ!” በሚል ባስፈራራው መሰረት ዘር እየቆጠረ የአማራ ልጆችን የቡድን መሳሪያ በታጠቁ አካላት እያስጨፈጨፈን፣በየጫካ እያሳደደ እና እያስራበን ይገኛል ብለዋል ነዋሪዎቹ። “ለምናደርገው ኦፕሬሽን” ህዝቡ ከጎናችን እንዲቆም እንፈልጋለን” በሚል በዞን እና በወረዳ ኮሚዩኒኬሽን መስሪያ ቤቶች እንዲቀሰቀስ በማድረግ አማራ ተኮር ጭፍጨፋውን በዋናነት ያስጀመረው ህዳር 29/2015 ስለመሆኑ የአማራ ሚዲያ ማዕከል (አሚማ) ምንጮች ገልጸዋል። አቶ ምሬሳ ፊጤ መስከረም የመጀመሪያ ሳምንት በ2015 ሚሊሾችን ትጥቅ ፍቱ ሲል ፍቃደኛ አለመሆናቸውን ተከትሎ ጃርዴጋ ላይ በመሰብሰብ “እንዴት አድርጌ እንደምሰራላችሁ በተግባር ታያላችሁ” ብሎ ከመዛትና ከማስፈራራት አልፎ “የእኛ አላማ መጨረሻ እንዳይወጡም፤ እንዳይኖሩም” ማድረግ ነው ስለማለቱ ተጠቁሟል። “የአማራ ክልል መንግስት እኔን ይገርፈኛል እንዴ ለእሱ የምትደውሉት” በማለት በማስፈራራት የሚታወቀው አቶ ምሬሳ ፊጤ እንዳሰበው አማራውን በልዩ ኃይል እና በሚሊሻ መንገድ አዘግቶ እያሳደደ በማስገደል፣ በማፈናቀል እና በማስራብ ላይ ይገኛል ብለዋል። በመሆኑም የሚመለከተው አካል ሁሉ መውጫ መንገዳችን በኦሮሚያ ልዩ ኃይል ቦቃ በተባለ አካባቢ ተዘግቶ እንድንጨፈጨፍ የተፈረደብን ሰላማዊ አማራዎች መሆናችን ተገንዞ ድምጽ እንዲሆነን እንፈልጋለን ብለዋል። ነዋሪዎቹ በተያያዘም የኦሮሚያ ክልል መንግስት እና የዞንና የወረዳ መስተዳድሩ ለንጹሃን ዜጎች እኩል ሰላም ከማስፈን ይልቅ፣ በዘረኛ አስተሳሰብ ተጠምደው ወደ ጭፍጨፋ እስከገቡ ድረስ ሌሎች የሰው ልጅ ሰብአዊነት ጉዳይ ያገባናል የምትሉ ወገኖችና ተቋማት ሁሉ ከጎናችን እንድትቆም ጥሪያችን እናቀርባለን ብለዋል። ይህ ካልሆነ መንገድ ተከፍቶ፣ ለጊዜውም ቢሆን ህይወት ለማሰንበት በጸጥታ አካላት ታጅበን የምንወጣበት ሁኔታ እንዲመቻችልን እንጠይቃለን ብለዋል።

Source: Link to the Post

Leave a Reply