You are currently viewing ከጠቅላይ ሚኒስትር ጽ/ቤት ለብፁዓን ሊቃነ ጳጳሳት ፣ ለጠቅላይ ቤተ ክህነት የመምሪያ ኃላፊዎች፣ ለሰባክያነ ወንጌል እና የአገልግሎት ማኅበራት አመራሮች የተደረገውን ጥሪ እንደማይቀበሉ የአገል…

ከጠቅላይ ሚኒስትር ጽ/ቤት ለብፁዓን ሊቃነ ጳጳሳት ፣ ለጠቅላይ ቤተ ክህነት የመምሪያ ኃላፊዎች፣ ለሰባክያነ ወንጌል እና የአገልግሎት ማኅበራት አመራሮች የተደረገውን ጥሪ እንደማይቀበሉ የአገል…

ከጠቅላይ ሚኒስትር ጽ/ቤት ለብፁዓን ሊቃነ ጳጳሳት ፣ ለጠቅላይ ቤተ ክህነት የመምሪያ ኃላፊዎች፣ ለሰባክያነ ወንጌል እና የአገልግሎት ማኅበራት አመራሮች የተደረገውን ጥሪ እንደማይቀበሉ የአገልግሎት ማኅበራት ኅብረት በጋራ በሰጡት መግለጫ አስታወቁ። አማራ ሚዲያ ማዕከል/አሚማ ሚያዝያ 23 ቀን 2014 ዓ.ም አዲስ አበባ ሸዋ ማኅበራቱ በጋራ መግለጫ የሰጡ ሲሆን ከጠቅላይ ሚኒስትር ጽ/ቤት ለብፁዓን ሊቃነ ጳጳሳት፣ ለጠቅላይ ቤተ ክህነት የመምሪያ ኃላፊዎች፣ ለሰባክያነ ወንጌል እና የአገልግሎት ማኅበራት አመራሮች ከሚያዝያ 24-26 ቀን 2014 ዓ.ም የሁለት ቀናት ጉብኝትና የአንድ ቀን የውይይት መርሐ ግብር አለ በሚል በግለሰብ ደረጃ በእጅ ስልክ እየተደወለ ጥሪ እየተደረገ እንደሚገኝ ገልፀዋል፤ ስለጥሪውም አመስግነዋል። በመሆኑም ማኅበራቱ በመግለጫቸው ጥሪው በግለሰብ ደረጃ የተላለፈ ቢሆንም ተሳታፊዎቹ እንዲገኙ የተፈለገው የአገልግሎት መዋቅሮችን ወክለው እንደሆነ ስለተገለጸና ይህን መሰል አጠራር አግባብነት አለው ብለን አናምንም ብለዋል። ኦርቶዶክሳውያን በአሰቃቂ ሁኔታ እየተገደሉ፣ አብያተ ክርስቲያናት በእሳት እየተቃጠሉ ባለበት በዚህ የሐዘን ወቅት ጉብኝት ማድረግ ቤተ ክርስቲያን አሁን ላይ ያለችበት ሁኔታ ስለማይፈቅድልን ፣ በቤተ ክርስቲያን ላይ በተደጋጋሚ እየተፈጸመ ባለው ጥቃት ፣ በተለይም በሰሞኑ በስልጤ ዞን በተፈጸመው ዘግናኝ ጥቃት ሕዝበ ክርስቲያኑ ከፍተኛ የሆነ ቁጣ ላይ ነው ብለዋል። ከዚህ አንጻር ቤተ ክርስቲያን እየጠየቀቻቸው ያሉ የመብትና የደኅንነት ጥያቄዎች ባልተመለሱበት አግባብ ፣ መንግሥት ለጉብኝት ከመጋበዙ በፊት እየደረሱ ያሉ ግልጽ ጥቃቶችን በማስቆም መንግሥታዊ ግዴታውን ባልተወጣበትና ጥቄዎቻችንን ለመመለስ እንኳን ፍላጎት ያለው መሆኑን ባላረጋጠበት ሁኔታ ጥሪ ማስተላለፉ የችግሩ መፍትሔ ይሆናል የሚል እምነት ስለሌለን የአገልግሎት ማኅበራቱ የተላለፈውን ጥሪ አንቀበለውም ብለዋል። መንግሥት ጥያቄዎቻችንን ለማዳመጥና ለመፍታት ፍላጎት ያለው ከሆነ አገልግሎት ማኅበራቱ በማንኛውም ጊዜ ለመወያት ፈቃደኞች መሆናችንን እየገለጽን በዚሁ አጋጣሚ ምዕመኑኑ በሕይወት የመኖር መብቱን ለማስከበር ወደ ሌላ እርምጃ ከማምራቱ በፊት መንግሥት በቤተ ክርስቲያን ላይ እየደረሱ ያሉ ተደጋጋሚ፣ ግልጽና መዋቅራዊ ጥቃቶችን እንዲያስቆም እጠይቃለን በማለት ገልፀዋል ሲል ያጋራው ተዋህዶ ሚዲያ ማዕከል ነው።

Source: Link to the Post

Leave a Reply