You are currently viewing ከ35 ሺ በላይ የአማራ ተወላጆች ህይወታቸውን ለማትረፍ በየጫካው እየሸሹ መሆናቸው ተገለፀ! ታሕሳስ 13 ቀን 2015 ዓ.ም አሻራ ሚዲያ ፣  ህይወታቸውን ለማትረፍ እየሸሹ ከሚገኙት መካከል በ…

ከ35 ሺ በላይ የአማራ ተወላጆች ህይወታቸውን ለማትረፍ በየጫካው እየሸሹ መሆናቸው ተገለፀ! ታሕሳስ 13 ቀን 2015 ዓ.ም አሻራ ሚዲያ ፣ ህይወታቸውን ለማትረፍ እየሸሹ ከሚገኙት መካከል በ…

ከ35 ሺ በላይ የአማራ ተወላጆች ህይወታቸውን ለማትረፍ በየጫካው እየሸሹ መሆናቸው ተገለፀ! ታሕሳስ 13 ቀን 2015 ዓ.ም አሻራ ሚዲያ ፣ ህይወታቸውን ለማትረፍ እየሸሹ ከሚገኙት መካከል በርካታ ሰዎች በረሀብ እና በዱር አራዊት ተጠቅተው ህይወታቸው ማለፉም ተመላክቷል። በኦሮሚያ ክልል ፀጥታ ኃይሎች እና በኦነግ ሸኔ ታጣቂዎች ከተከፈተባቸው ጥቃት እራሳቸውን ለመከላከል በሆሮጉድሩ ወለጋ እና ምስራቅ ወለጋ ዞን ከ35 ሺ በላይ የአማራ ተወላጆች በየጫካው እየሸሹ መሆናቸውን በስፍራው የሚገኙ ምንጮች ለአማራ ድምፅ ገለፁ። በምስራቅ ወለጋ ዞን ሳሲጋ፣ሊሙ፣ገሊላ፣ጊዳ አያና እና ጊዳ ኪረሙ በተባሉ ወረዳዎች እንዲሁም በሆሮጉድሩ ወለጋ ዞን ጆግ ምግር፣ሆሮ ቡሉቅ፣ጦምቤ ዲንጋበ፣ጃቦ ዶበን፣ጃርዴጋ ጃርቴ እና አሙሩ በተባሉ ወረዳዎች ላይ ልዩ ኃይሉን ጨምሮ የክልሉ ፀጥታ ኃይሎች እና የኦነግ ሸኔ ታጣቂዎች ከከፈቱት ጥቃት ለማምለጥ ከ35 ሺ በላይ የአማራ ተወላጆች በየጫካው እየሸሹ እንደሆነ ነው የአማራ ድምፅ ያነጋገቸው በስፍራው የሚገኙ ምንጮች ያየረጋገጡት። በአንድ አከባቢ ብቻ 35 ሺ የሚሆኑ ህፃናት፣ ሴቶች እና አረጋውያን ይገኛሉ የተባለ ሲሆን ከእነዚህ በተጨማሪ ቁጥራቸው በውል ያልታወቀ በርካታ የአማራ ተወላጆች በየጫካው ተበትነው እንደሚገኙ ነው የተገለፀው። በየጫካው ተበትነው የሚገኙ ሰዎች መካከል በረሃብ እና በወረርሽኝ በርካቶች ህይወታቸው ማለፉን ለአማራ ድምፅ የገለፁት የአይን እማኞቹ፡ ከዚህ በተጨማሪም በዱር አራዊት ተጠቅተው ህይወታቸው ያለፈ መኖራቸውንም ጠቁመዋል። በተለይ በሆሮጉድሩ ወለጋ ዞን ጃርዴጋ ጃርቴ ወረዳ ከተከፈተባቸው ጥቃት ህይወታቸውን ለማትረፍ የሸሹ የአማራ ተወላጆች በጫካ ውስጥ ደፍጠው በተቀመጡ የኦነግ ሸኔ ታጣቂዎች በአሰቃቂ ሁኔታ መገደላቸውም ተመላክቷል። ከዚህ በተጨማሪ በምስራቅ ወለጋ ዞን ስር በሚገኙ 24፣ ኡኬ ቀርሳ፣ መንደር አስር፣ አባሙሳ፣ ማንጎ ሰፈር፣ አንገር ጉቴ እና አንዶዴ ዲቾ በተባሉ አከባቢዎች የክልሉ ልዩ ኃይሎች ከሀገር መከላከያ ሰራዊት ጋር በመቀናጀት ህዝቡ ከተከፈተበት ጥቃት እራሱን እንዲከላከል አስተባብራችኋል ያሏቸውን 70 የሚደርሱ ሰዎችን ማሰራቸውን ነው የጉትን ከተማ ነዋሪዎች ለአማራ ድምፅ የገለፁት። ከታሰሩት 70 የሚደርሱ የአማራ ተወላጆች መካከል አብዛኻኞቹ የደረሱበት አልታወቀም የተባለ ሲሆን ለእስረኞች ስንቅ ለማቀበል የሄዱ ሰዎችም መታሰራቸው ነው የተመላከተው። የክልሉ ልዩ ኃይሎች ከሀገር መከላከያ ሰራዊት ጋር በመቀናጀት የከፈቱትን ማንነት ተኮር የእስር ዘመቻ በመሸሽ በርካታ የአከባቢው ነዋሪዎች ከቤት ንብረታቸው መፈናቀላቸውንም ነው የአማራ ድምፅ ካሰባሰበው መረጃ ማረጋገጥ ተችሏል ። አማራ ድምፅ እንደዘገበው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply