You are currently viewing ከ400 በላይ ከሚሆኑ የጠለምት ወጣቶች ጋር በአማራዊ ማንነት፣በተከፈለው መስዋዕትነትና በሰላም ዙሪያ በዲማ እና በማይጠብሪ የተሳካ ምክክር መደረጉ ተገለጸ። አማራ ሚዲያ ማዕከል/አሚማ…

ከ400 በላይ ከሚሆኑ የጠለምት ወጣቶች ጋር በአማራዊ ማንነት፣በተከፈለው መስዋዕትነትና በሰላም ዙሪያ በዲማ እና በማይጠብሪ የተሳካ ምክክር መደረጉ ተገለጸ። አማራ ሚዲያ ማዕከል/አሚማ…

ከ400 በላይ ከሚሆኑ የጠለምት ወጣቶች ጋር በአማራዊ ማንነት፣በተከፈለው መስዋዕትነትና በሰላም ዙሪያ በዲማ እና በማይጠብሪ የተሳካ ምክክር መደረጉ ተገለጸ። አማራ ሚዲያ ማዕከል/አሚማ ህዳር 15 ቀን 2015 ዓ/ም አዲስ አበባ ሸዋ ጋሻ ለጠለምት በጎ አድራጎት ማህበር ህዳር 10 እና 11/2015 በሰሜን ጎንደር ዞን የጠለምት የማንነት አስመላሽ ኮሚቴን ጨምሮ ከተለያዩ አካላት ጋር በመናበብ ዲማ እና ማይጠብሪ ላይ ከወጣቶች ጋር ምክክር መካሄዱን ገልጧል። በምክክሩም ከ400 በላይ የሚሆኑ የጠለምት ወጣቶችን በመሰብሰብ በአማራዊ ማንነት፣ በወቅታዊ አማራዊ እና ሀገራዊ ሁኔታዎችን በተመለከተ ሰፊ ምክክር መድረጉን ሲቪክ ማህበሩ አስታውቋል። ከ1984 ዓ/ም በጠለምት የአማራ ህዝብ ላይ አሸባሪው ህወሓት በፈጸመው ተደጋጋሚ ወረራ የደረሰው ግድያ፣ መፈናቀል፣መሳደድ እና ዝርፊያን በተመለከተ ጽሁፍ እንዲቀርብ ተደርጎ ሰፊ ምክክር መደረጉ ተገልጧል። ጋሻ ለጠለምት በጎ አድራጎት ማህበር ከሌሎች አጋር አካላት ጋር በመናበብ በሁለት ማዕከላት ላይ ባዘጋጀው መድረክ የከፋኝን እንቅስቃሴን ጨምሮ ህዝቡ ስላደረገውና አሁን ላይ እያደረገ ስላለው የዳሰሳ ጥናታዊ ጽሁፍ ቀርቧል፤ አባት አርበኞችን በመጋበዝም ተሞክሮአቸውን እንዲያጋሩ ተደርጓል። በቀጣይም ማንነትንና የአካባቢውን ሰላም አስከብሮ ስለመቀጠልም ህዝቡ በተለይም ወጣቱ ስለሚጠበቅበት ትግልም በምክክሩ ተነስቶ መግባባት ላይ ተደርሷል። በምስራቅ ጠለምት ዲማ፣ በምዕራብ ጠለምት ደግሞ ማይጠብሪ ወረዳ እና በማይጠብሪ ከተማ አስተዳደር በተመረጡ ሁለት ማዕከላት ላይ የተሳካ የሚባል የምክክር መድረክ አካሂዷል፤ ወጣቶችም ኃላፊነታቸውን ለመወጣት ዝግጁ መሆናቸውን ገልጸዋል። በምክክር መድረኩም የኪነት ቡድን በማሳተፍ የማዝናናት እና የማስተማር ተግባር መከናወኑን በመጠቆም ለተባበሩትና ለተሳታፊዎች ምስጋናውን ያቀረበው ጋሻ ለጠለምት በጎ አድራጎት ማህበር ነው።

Source: Link to the Post

Leave a Reply