ካሜሩን እና መካከለኛው አፍሪካ በድንበር የሚገኙ ታጣቂዎችን በጋራ ለመዋጋት ተስማሙ 

https://gdb.voanews.com/939d5330-4d1b-4c71-8581-f31222890246_w800_h450.jpg

የመካከለኛው አፍሪካ ሪፐብሊክ እና የካሜሩን ከፍተኛ ባለስልጣናት ከመካከለኛው አፍሪካ ሪፐብሊክ የሚካሄደውን ውጊያ ሸሽተው ወደ ካሜሩን የስደተኛ መጠለያ ጣቢያዎችን ሰርገው እየገቡ የሚገኙትን ታጣቂዎች በጋራ ለመዋጋት ስምምነት ላይ ደርሰዋል። የጦር መሳሪያ ዝውውርንም ለመግታት ወታደሮቻቸውን በጋራ እንደሚያሰማሩም ገልፀዋል። 

ባለስልጣናቱ እዚህ ስምምነት ላይ ይደረሱት የመካከለኛው አፍሪካ አማፂያን እና ታጣቂ ቡድኖች በድንበር የሚገኙ ከተሞችንን እና መንደሮችን በመውረራቸው እና ለተለያዩ አቅርቦቶች ሲሉ ጥቃት እያደረሱ ስለሚገኙ መሆኑን አስታውቀዋል። 

ካሜሩን የሚገኘው አዳማዋ ክልል አስተዳዳሪ የሆኑት ኪልዳዲ ታጉኤኪ ቡዋካር እንደተናገሩት የሁለቱ ሀገር ፕሬዝዳንቶች አማፂያኑ በሚያደርሱት የከብት ዘረፋ፣ ጠለፋ፣ የመሳሪያ ዝውውር እና ሌሎች ድንበር ተሻጋሪ የደህንነት ስጋቶች ምክንያት በድንበር ከተሞች የሚታየውን የኢኮኖሚ እድገት ማሽቆልቆል ማስቆም ይፈልጋሉ። 

Source: Link to the Post

Leave a Reply