ኬሪያ ኢብራሂም፣ ዶ/ር አብርሃም ተከስተ እና ዶ/ር አዲስዓለም ባሌማ ከእስር ተፈቱ።በዶ/ር ደብረጽዮን ገብረሚካኤል እና በሌተናል ጄነራል ታደሰ ወረደ መዝገብ ተከስሰው በእስር ላይ የነበሩ የ…

https://cdn4.telegram-cdn.org/file/PwkzGBcfIQZAsaO0haMd_9KMA9j4nPUxu8DfecONo2p_OHs77QEuZp-qYTB5KIS9inUunWEaxE9u31DSButOhni1dxaxgAHntPwlfKqFrAKnVBJ9qCddvTebgsortwfCm2HDHoVYzIutGDASHkXqQppjz3s6vQpOiDnPBuDo0RuzKTd61-gVROUAd0YBEgQEVHaCa3lcPpM6HqA_ydPQ8Pdkxag4VOu8M_LBLTwgHCbmBqclxsyT7-UJuPg1L_Thh4rkrd6RB7fP6eC0SdswbmVnRQWGYhFAsDyRuux6AtwJKiUQrveJW4onlrItsubuQQoe2zzck8pLhgrpIVI5Yg.jpg

ኬሪያ ኢብራሂም፣ ዶ/ር አብርሃም ተከስተ እና ዶ/ር አዲስዓለም ባሌማ ከእስር ተፈቱ።

በዶ/ር ደብረጽዮን ገብረሚካኤል እና በሌተናል ጄነራል ታደሰ ወረደ መዝገብ ተከስሰው በእስር ላይ የነበሩ የህወሓት ሲቪል እና ወታደራዊ አመራሮች ዛሬ ሐሙስ መጋቢት 21፤ 2015 አመሻሽ ላይ ከእስር መፈታታቸውን የተከሳሾቹ ጠበቆች አስተባባሪ የሆኑት አቶ ሃፍቶም ከሰተ ገልጸዋል ።

በዛሬው ዕለት ከእስር ተለቅቀው ወደ ቤታቸው መግባታቸው ከተረጋገጡ ተከሳሾች ውስጥ፤ የህወሓት ስራ አስፈጻሚ ኮሚቴ አባል የሆኑት ወ/ሮ ኬሪያ ኢብራሂም፣ ዶ/ር አብርሃም ተከስተ እና ዶ/ር አዲስዓለም ባሌማ እንደሚገኙበት ጠበቃው አስታውቀዋል።

ተከሳሾቹ ዛሬ አመሻሽ ላይ በእስር ላይ ከቆዩበት ቃሊቲ ማረሚያ ቤት ወደ ሲ.ኤም.ሲ የመኖሪያ ግቢ፣ ፒያሳ እና ሳሪስ አካባቢዎች በማረሚያ ቤቱ አውቶብስ ከተወሰዱ በኋላ መፈታታቸውን ጠበቃው አስረድተዋል።

እስረኞቹ ወደ እነዚህ ቦታዎች እንደተወሰዱ አስቀድሞ የተነገራቸው ቤተሰቦች፤ በስፍራው ተገኝተው አቀባበል አድርገውላቸዋል ተብሏል።

ዛሬ ከእስር የተፈቱት በዶ/ር ደብረጽዮን መዝገብ የተካተቱ 16 ተከሳሾች እና በሌተናል ጄነራል ታደሰ መዝገብ ስር ክስ ቀርቦባቸው የነበሩ 20 ወታደራዊ መኮንኖች መሆናቸውን ጠበቃ ሃፍቶም ገልጸዋል።

ኢትዮ ኤፍ ኤም 107.8 የኢትዮጵያዊያን

መጋቢት 21 ቀን 2015 ዓ.ም

ለተጨማሪ መረጃዎች የቴሌግራምና የዩቲዩብ ቻናሎቻችንን ይቀላቀሉ!

Telegram https://t.me/ethiofm107dot8

YouTube https://www.youtube.com/@onelovebroadcast

ያሎትን አስተያየት እና ጥያቄ በአጭር መልዕክት 6321 ላይ ይላኩልን።
ከኛ ጋር ስለሆናችሁ ከልብ እናመሰግናለን

Source: Link to the Post

Leave a Reply