“ኮማንደር እና ደህንነት ነን” እያሉ ሰዎችን በማገት 30 ሚሊየን ብር ሲጠይቁ እና ከባድ ውንብድና ሲፈጽሙ ነበር የተባሉ 5 ግለሰቦች ፍርድ ቤት ቀረቡ። አማራ ሚዲያ ማዕከል/አማሚ ታህሳስ…

“ኮማንደር እና ደህንነት ነን” እያሉ ሰዎችን በማገት 30 ሚሊየን ብር ሲጠይቁ እና ከባድ ውንብድና ሲፈጽሙ ነበር የተባሉ 5 ግለሰቦች ፍርድ ቤት ቀረቡ። አማራ ሚዲያ ማዕከል/አማሚ ታህሳስ 8 ቀን 2013 ዓ.ም አዲስ አበባ ሸዋ ዛሬ ጉዳያቸው በፍርድ ቤት የታዩት ተጠርጣሪዎች ያሬድ ኦሊቃ እና ፍቃዱ እዮኤልን ጨምሮ አምስት ናቸው። የፌዴራል ፖሊስ ኮሚሽን ወንጀል መርማሪ ተጠርጣሪዎቹ በአዲስ አባባ ከተማ ለከባድ ውንብድና ወንጀል ተደራጅተው ሰዎችን ሲያግቱ እንደነበር በማስረጃ አረጋግጫለሁ ብሏል። በተለይም ህዳር 17 ቀን 2013 ዓ.ም በአዲስ አበባ ሙሴ ክብረአብ የተባለ ግለሰብን አግተው ወደቤተሰቦቹ ስልክ በመደወል 30 ሚሊየን ብር ካላመጣችሁ በህይወት አታገኙትም እያሉ ሲያሰፈራሩ እንደነበር ባደረኩት ምርመራ አረጋግጫለሁ ብሏል መርማሪ ፖሊስ ለችሎቱ ። ተጠርጣሪዎቹ ሌሎች ሲፈጽሟቸው የነበሩ የወንጀል ድርጊቶች መኖራቸውንና ምርመራው እንዳይደናቀፍ በማሰብ በችሎት አለመግለጹን በመጥቀስም በምርመራ ያገኘኋአው ማስረጃዎች አሉኝ ብሏል። ተጠርጣሪዎቹ እየደወሉ ብር ሲጠይቁበት የነበረውን የስልክ ልውውጥ ለሚመለከተው አካል ልኮ የቴክኒክ ምርመራ እየተደረገበት መሆኑንም አስረድቷል፡፡ በወቅቱ አግተውት የነበረው ግለሰብ ጉዳት ያደረሱበት መሆኑን ተከትሎ የህክምና ማስረጃ መጠየቁንም ተናግሯል። እያከናወንኩ ካለው ሰፊ ምርመራ አንጻር ለተጨማሪ ምርመራ ተጨማሪ ጊዜ ይሰጠኝ ሲልም መርማሪ ፖሊስ ጠይቋል። ተጠርጣሪዎቹ ወንጀሉን አልፈጸምንም ሲሉ ፍርድ ቤቱ በዋስ እንዲለቃቸው ጠይቀዋል። 5ኛ ተጠርጣሪ ከ2ኛ ተጠርጣሪ ጋር ዝምድና እና ወዳጅነት አለን በመኖሪያ ቤቴ የተገኙት የባንክ ደብተሮች የማውቃቸው ሰዎች የባንክ ደብተሮች ናቸው፤ ገንዘብ አልተቀበልኩም ሲል ተከራክሯል። መርማሪ ፖሊስ በበኩሉ ተጠርጣሪው ከያሬድ ኦሊቃ ጋር በመሆን የታጋቹ ሙሴ ክብረአብን ቤተሰብ 30 ሚሊየን ብር አምጡ እያለ ሲደውል እንደነበር በማስረጃ አረጋግጫለሁ ሲል ምላሽ ሰጥቷል። ጉዳዩን የተከታተለው ቸሎቱም ቢወጡ ማስረጃ ሊያጠፉ ይችላሉ ሲል ለተጨማሪ ምርመራ 7 ቀናትን ለፖሊስ ፈቅዷል ሲል Fbc ዘግቧል።

Source: Link to the Post

Leave a Reply