You are currently viewing “ወለጋ ከመንግስት ፍላጎት አለመኖር ወይም በሌላ ምክንያት ከማዕከላዊ መንግስት ውጭ መሆኑን ለማወቅ ነብይ መሆንን አይጠይቅም።…በፖለቲካ በመረጃና በወታደራዊ የተደራጀ መንግስት ባለበት አገ…

“ወለጋ ከመንግስት ፍላጎት አለመኖር ወይም በሌላ ምክንያት ከማዕከላዊ መንግስት ውጭ መሆኑን ለማወቅ ነብይ መሆንን አይጠይቅም።…በፖለቲካ በመረጃና በወታደራዊ የተደራጀ መንግስት ባለበት አገ…

“ወለጋ ከመንግስት ፍላጎት አለመኖር ወይም በሌላ ምክንያት ከማዕከላዊ መንግስት ውጭ መሆኑን ለማወቅ ነብይ መሆንን አይጠይቅም።…በፖለቲካ በመረጃና በወታደራዊ የተደራጀ መንግስት ባለበት አገር የዜጎችን እልቂት ማስቆም አለመቻል ምን ሊባል ይችላል?” ፋኖ አንተነህ ድረስ_የአማራ ፋኖ በጎንደር የምኒልክ ብርጌድ ዋና አዛዥ አማራ ሚዲያ ማዕከል/አሚማ … ህዳር 26 ቀን 2015 ዓ/ም አዲስ አበባ ሸዋ የኢትዮጵያ መንግስት የግዛት ማጣትችግር (Lose of territory problem) ገጥሞታል። ያልተመጣጠነ የክልሎች አቅም ለተጎዱ ዜጎች መተንፈስ የማይቻልበትን እድል እንደዘጋ እንረዳለን። ስለ አማራዎች የመጀመሪያው መተንፈስ የነበረበት የኦሮሚያ ክልል መንግስት ነበር፤ ግን አልሆነም። ቀጥሎም የፌደራል መንግስት ነበር፤ ግን አልሆነም። የአማራ ክልል መንግስት ደግሞ አማራዎች ተጨፈጨፉ ለማለት ይሁንታ ይፈልጋል። ለብአዴን ደግሞ ይህ ተፈጥሮአዊ የሆነው ባህሪውና ቁመናው አይፈቅድለትም፤ ከመላላክ ያለፈ ሚናውን ለመወጣት አይችልም። ለማንኛውም ወለጋ ከመንግስት ፍላጎት አለመኖር ወይም በሌላ ምክንያት ከማዕከላዊ መንግስት ውጭ መሆኑን ለማወቅ ነብይ መሆንን አይጠይቅም። በአንድ አገር ውስጥ በጊዜያዊነት የሚፈጠሩ ችግሮች የሚኖሩ ቢሆንም እንደዚህ አይነት ለዓመታት የዘለቀ የንፁሃንን ጭፍጨፋ ግን በአጋጣሚ የተፈጠረ ነው ብዬ ለማመን እቸገራለሁ። የመንግስት የመጀመሪያ ተልዕኮው የዜጎችን ሰላምና ደህንነት ማስጠበቅ ከመሆኑም ባሻገር ለግዛታዊ አንድነት ፈተና ሊሆኑ የሚችሉ ቡድኖችን ማክሰም ነው። የኢትዮጵያ መንግስት አሁን ባለው ቁመና ሁለቱንም ማድረግ አለመቻሉ ብቻ ሳይሆን ችግሩ ቀጣይነት ያለው ለመሆኑ በርካታ አስረጅ ምክንያቶችን ማቅረብ መቻላችን ነው። ያም ሆነ ይህ እነዚህ ችግሮች የ Failed state መገለጫዎች መሆናቸውን መረዳት አይከብድም። በፖለቲካ በመረጃና በወታደራዊ የተደራጀ መንግስት ባለበት አገር የዜጎችን እልቂት ማስቆም አለመቻል ምን ሊባል ይችላል? ሌላው የስርዓት የፖለቲካ ብልሽት (Political Decay) የሚፈጠረው የመንግስትን ተልዕኮ እንዲፈፅም አስታጥቀህ የላከው አካል ተገልብጦ ሲወጋህ ወይም ችግር ሲፈጥር ነው። ይህን ደግሞ በቅርብ ጊዜ የሰሜን ዕዝን መከዳት ማስታወስ እንችላለን። በወለጋም እየሆነ ያለው የኦሮሚያ ልዩ ኃይል የተገለበጠ ተልዕኮ (Reverse Mission) እያደረገ እንደሆነ ነው። በግልፅ መረዳት እንደሚቻለው ለወለጋ ከማዕከል ያፈነገጠ ራስን ችሎ መደራጀት (substate) መሆን የሚሰራ ቡድን አለ ማለት ነው። የኢትዮጵያ መንግስት ከቡድኖች አቅም በታች ስለሆነ ነው የሚል ግምገማ የለኝም። ችግሩ ደግሞ በአንድ ወቅት ተከስቶ የጠፋም አይደለም። በሌሎች ክልሎች ተመሳሳይ ችግር የለም ማለትም አልችልም። በመሆኑም በየትኛውም መመዘኛ ይሁን ወለጋ ላይ እየተካሄደ ያለው አንዱ የ Failed state መገለጫ ነው። መፍትሔ:_ 1) መደበኛ ባልሆኑ መንገዶችም ቢሆን ከቦታው ያሉት አማራዎች ተደራጅተው ራሳቸውን እንዲከላከሉ በተቻለው አጋጣሚ ማገዝ! 2) የሚመለከተው አካል አስፈላጊውን መፍትሔ እንዲሰጥ በተለያዩ ዘዴዎች መጠየቅ! በሌሎች አማራጭ መፍትሔዎች ዙሪያ በሌላ ጊዜ እመለሳለሁ። መደራጀት፤ መደራጀት፤ መደራጀት!!

Source: Link to the Post

Leave a Reply