You are currently viewing ወሎ ቤተ አምሐራ የልማትና በጎ አድራጎት ድርጅት ከ1 ሚሊዮን ብር በላይ ግምት ያለው የጤፍ እህል ድጋፍ አደረገ።  ባህርዳር ።    ሚያዚያ  04/2014/ዓ.ም…

ወሎ ቤተ አምሐራ የልማትና በጎ አድራጎት ድርጅት ከ1 ሚሊዮን ብር በላይ ግምት ያለው የጤፍ እህል ድጋፍ አደረገ። ባህርዳር ። ሚያዚያ 04/2014/ዓ.ም…

ወሎ ቤተ አምሐራ የልማትና በጎ አድራጎት ድርጅት ከ1 ሚሊዮን ብር በላይ ግምት ያለው የጤፍ እህል ድጋፍ አደረገ። ባህርዳር ። ሚያዚያ 04/2014/ዓ.ም አሻራ ሚዲያ ወሎ ቤተ አምሐራ የልማትና በጎ አድራጎት ድርጅት ከ1 ሚሊዮን ብር በላይ ግምት ያለው 225 ኩንታል ጤፍ በጦርነቱ ለተጎዱ ወገኖች ድጋፍ ማድረጉን የድርጅቱ ስራ አስኪያጅ አቶ ይርጋለም ታደሰ ገልፀዋል። የበጎ አድራጎት ድርጅቱ ስራ አስኪያጅ የሆኑት አቶ ይርጋለም ታደሰ እንደገለፁት በጦርነቱ ለተጎዱ 900 (ዘጠኝ መቶ) አባወራ ግለሰቦች 225 ኩንታል ድጋፍ ማድረጋቸውንና በትናንትናው ዕለት ለአብርገሌና ፃግብጂ ወረዳ ተፈናቃዮች ለህክምና አገልግሎት የሚውል መድሃኒት በ60 ሺ ብር ገዝተው ማስረከባቸውን ተናግረዋል። ድጋፉ በውጭ ሀገር ከሚኖሩ “ደራሽ ለወሎ የአማራ ማህበርና ወሎ ቤተ አምሐራ የልማትና በጎ አድራጎት ድርጅት” ጋር በመተባበር የተደረገ ድጋፍ መሆኑን የገለፁት አቶ ይርጋለም፣ ከዚህ በፊት ወደ 1.5 ሚሊዮን ብር ግምት ያላቸው አልባሳትና ሌሎች ድጋፎችን ማድረጋቸውን አስታውሰው፣ በቀጣይ ድጋፎችን አጠናክረው እንደሚቀጥሉ አረጋግጠዋል። በዋግ ኽምራ ብሄረሰብ አስተዳደር ፃግብጂ ወረዳ ችግሩ ያልተፈታና አከባቢው እስካሁን በጠላት ሀይል ቁጥጥር ስር በመሆኑና ህዝቡ ከብት፣ ቤትና ንብረቱን ጥሎ በመፈናቀሉ ምክንያት የዕለት ጉርሻ እንኳን የለውም ያሉት ስራ አስኪያጁ፣ በሀገር ውስጥና ውጭ የሚኖሩ መንግስታዊና መንግስታዊ ያልሆኑ አካላት ሁሉም ድጋፍ እንዲያደርጉ በወሎ ቤተ አምሐራ የልማትና በጎ አድራጎት ድርጅት ስም ጠይቀዋል። በሌላ በኩል ደግሞ የፃግብጂ ወረዳ ም/አስተዳዳሪና ት/ት ፅ/ቤት ሃላፊ አቶ ንጉሱ ደሳለኝ፣ ወሎ ቤተ አምሐራ የልማትና በጎ አድራጎት ድርጅት ዛሬ ለሶስተኛ ጊዜ ድጋፍ እንዳደረገ በመግለፅ እና ችግሩን ለመግታት ሁሉም ድጋፍ እንዲያደርጉ ጥሪ አቅርበው ድጋፉን ላደረሰው ድርጅት በወረዳው ህዝብ ስም አመስግነዋል። አቶ ንጉሱ ደሳለኝ አያይዘውም ከድጋፉ ጎን ለጎን በዘላቂነት ችግሩ እንዲፈታ እና ህዝቡ ወደ ቀዬው እንዲመለስ መንግስት አከባቢውን ነፃ ሊያደርግ ይገባል በማለት አሳስበዋል። በመጨረሻም የፃግብጂ ወረዳ አስተዳደር ለወሎ ቤተ አምሐራ የልማትና በጎ አድራጎት ድርጅት የምስክር ወረቀት አብርክቶላቸዋል ሲል የዘገበዉ የወረዳው ኮምንኬሽን ነዉ። ለፈጣንና አዳዲስ መረጃዎች የአይበገሬዎቹ ልሳን:- https://www.facebook.com/asharamedia24 ቴሌግራም :- https://t.me/asharamedia24 ለፈጣንና አዳዲስ መረጃዎች የአይበገሬዎቹ ልሳን:- https://t.me/asharamedia24 Facebook :- https://www.facebook.com/asharamedia24 ዩትዩብ:- https://bit.ly/33XmKro

Source: Link to the Post

Leave a Reply