ወደ ኢትዮጵያ የገቡ ሱዳናዊያንን ተገቢውን ድጋፍ ለማድረግ የክልል እና ፌደራል መንግስታት የተቀናጀ ጥረት እያደረጉ መሆኑን የውጪ ጉዳይ አስታወቀ፡፡የውጭ ጉዳይ ሚንስቴር ቃል አቀባይ አምባሳደ…

ወደ ኢትዮጵያ የገቡ ሱዳናዊያንን ተገቢውን ድጋፍ ለማድረግ የክልል እና ፌደራል መንግስታት የተቀናጀ ጥረት እያደረጉ መሆኑን የውጪ ጉዳይ አስታወቀ፡፡

የውጭ ጉዳይ ሚንስቴር ቃል አቀባይ አምባሳደር ነብዩ ተድላ ዛሬ በወቅታዊ የዲፕሎማሲ ጉዳዮች ዙሪያ መግለጫ ሰጥተዋል።

በዛሬው መግለጫ በኢትዮጵያ ስለተጠለሉ ሱዳናዊያን ስደተኞች ከፍተኛ የደህንነት ስጋት እንደተደቀነባቸው እና ኢትዮጵያ ተገቢውን ጥበቃ እና ድጋፍ አላደረገችም በሚል ለቀረበባት ቅሬታ የተሻለ ደህንነት ፍለጋ ወደ ኢትዮጵያ የገቡ ሱዳናዊያንን ተገቢውን ድጋፍ ለማድረግ የክልል እና ፌደራል መንግስታት የተቀናጀ ጥረት እያደረጉ መሆኑን ተናግረዋል።

ባሳለፍነው ሳምንት ይፋ ስለተደረገው የንብረት ማስመለስ ረቂቅ ህግ ዲያስፖራዎችን ኢላማ ያደረገ ይመስላል በሚል ለቀረበላቸው ጥያቄ የውጭ ጉዳይ ሚንስቴር ቃል አቀባይ አምባሳደር ነብዩ ተድላ ምላሽ ሰተዋል፡፡

“ህጉ ገና በረቂቅ ደረጃ ላይ ነው፣ እንደ ውጭ ጉዳይ ሚንስቴር እኛም ገና አላየነውም፣ ረቂቅ ህጉ ከዲያስፖራዎች ጋር በተመለከት ጉዳት ካለው አስተያየት የምንሰጥበት ይሆናል” ሲሉ ምላሽ ሰጥተዋል።
ኢትዮጵያ በተለያዩ የሰብዓዊ ድርጅቶች ውስጥ የሚሰሩ ሰራተኞችን ደህንነት አላስጠበቀችም በሚል ከሰሞኑ የተለያዩ ተቋማት ባወጧቸው ሪፖርቶች ዙሪያ ምላሽ እንዲሰጡም ለአምባሳደር ነብዩ ጥያቄ ቀርቦላቸው ነበር።

ቃል አቀባዩም በተለያዩ የኢትዮጵያ አካባቢዎች በተሰማሩ ዓለም አቀፍ የረድኤት ድርጅቶች የሚሰሩ ሰራተኞችን ደህንነት እየጠበቀች መሆኗን ነገር ግን ከሰሞኑ በዚህ ዙሪያ የወጡ ሪፖርቶችን እንዳላዩ ተናግረዋል።

የአውሮፓ ህብረት በቅርቡ ኢትዮጵያን በሚመለከት ባወጣው የቪዛ ገደብ ዙሪያ ውይይት እየተደረገ መሆኑን፣ የመኖሪያ ቪዛ ያላገኙ በአውሮፓ የሚኖሩ ኢትዮጵያዊያንን የማጣራቱ ስራ እና ወደ ሀገራቸው ለመመለስ ውይይቶች እንደቀጠሉ መሆኑንም አምባሳደር ነብዩ በመግለጫቸው ላይ ጠቅሰዋል።

ሰኔ 13 ቀን 2016 ዓ.ም

Source: Link to the Post

Leave a Reply