You are currently viewing ዐማራን ማጥቃት ሲፈልጉ ወይንም በኦሮምያ ክልል እየተፈጸመ ያለውን ወንጀል መደበቅ ሲፈልጉ አዲስ የዐማራ ተረክ ይዞ መምጣት የተለመደ ሆኗል። ስያሜ መስጠት (symbolization) ያነበሩት…

ዐማራን ማጥቃት ሲፈልጉ ወይንም በኦሮምያ ክልል እየተፈጸመ ያለውን ወንጀል መደበቅ ሲፈልጉ አዲስ የዐማራ ተረክ ይዞ መምጣት የተለመደ ሆኗል። ስያሜ መስጠት (symbolization) ያነበሩት…

ዐማራን ማጥቃት ሲፈልጉ ወይንም በኦሮምያ ክልል እየተፈጸመ ያለውን ወንጀል መደበቅ ሲፈልጉ አዲስ የዐማራ ተረክ ይዞ መምጣት የተለመደ ሆኗል። ስያሜ መስጠት (symbolization) ያነበሩት አካል ለማጥፋት፣ ለመጨቆን፣ ለማፈን፣ ሆነ ብለው አስበው፣ አቅደውና አጥንተው አጉልቶ ለማሳየት የሚጠቀሙበት ዘዴ ነው። የዛሬው ዶክተር አብይ አሕመድ “የዐማራ ሸኔ” የሚለው የውክልና ስም ከዚህ የተለዬ አይደለም። የኦሮሞ ሸኔ አረመኔአዊ በሆነ ሁኔታ ዐማሮችን በቆንጨራ እና በገጀራ የሚቆራርጥ፣ በጦር የሚወጋ፣ በጩቤ የሚዘከዝክ፣ በካራ እንደ በግ የሚያርድ፣ በሜንጫ የሚተለትል፣ በዱላ የሚቀጠቅጥ፣ በደንጋይ የሚወግር፣ ሴቶችን የሚደፍር ነው። የዐማራ ሸኔ የሚለውን አዲስ ተረክ ከዬት የመጣ ነው? እንዲህ ያለ አዲስ ትርክትስ መፍጠር ለምን አስፈለገ? እንዲያውም፣ ዶ…ክተር አብይ አሕመድ እንዳለው የኦሮሞ ሸኔ ያለው ጫካ ሳይሆን ቤተ-መንግሥት ውስጥ ነው። ለሽብር ቡድኑ በህቡዕ ሥልታዊ እና ቀጥተኛ ድጋፍ እየሰጡ ያሉት የኦሮሚያ ክልልን የሚዘውሩ ባለስልጣናትና ምኒልክ ቤተ-መንግሥት ውስጥ ያሉት ሰዎች ናቸው። ግን እንኳን በዘር ማጥፋት ዶሮ የታሰረችበት ገመድ የሰረቁ አይመስሉም። ዛሬም በኩራት እንደ አውሮ ዶሮ ይንጎማለላሉ። ወንጀላቸው ለመደበቅ ያለሀፍረት አዲስ ተረክ ይፈጥራሉ። የኦሮሞ ሸኔና የዐማራ ሸኔ! አብይ አሕመድ የዐማራ ሕዝብ አረመኔያዊ በሆነ መንገድ ሲጨፈጨፉ ምንም እንዳልተፈጠረ ጆሮ ዳባ ልበስ ብሎ ከርሞ ዛሬ “የዐማራ ሸኔ” ሲሉ በጣም ይገርማል። ነገርግን የፈለገ አዲስ ትርክት ቢፈጥር ከተጠያቂነት ግን ሊያመልጥ አይችልም፡፡ በኦሮምያ የተፈጸመውና እየተፈጸመ ያለው እልቂት በዓለም አቀፍ የዘር ማጥፋት ማሳያዎችን ሙሉ በሙሉ በሚያሟላ መልኩ የተፈጸመ ነው። ነገርግን ይህን ወንጀል በአዲስ ትርክት ሸፋፍኖና አድበስብሶ ማምለጥ አይቻልም። እንደ ጲላጦስ “ከደሙ ንፁህ ነኝ” ብለው 30 ጊዜ እጃቸውን ቢታጠቡ ከደሙ ሊነፁ አይችሉም። መልአከ ሞት ካልወሰዳቸው በቀር እንደ ጎልያድ የገዘፈ ኃጢአት ተሸክመው የሚደበቁበት የለም። በሀላፊነት ላይ እያሉ ንፁሐን ሲገደሉ ማስቆም እየቻሉ ማስቆም አለመቻል ነፃ ሊያደርግ አይችልም። የህዝብ ሰላም እንዲያስጠብቁ የተቋቋሙት የፌዴራል የፀጥታ ክፍል፣ የኦሮሚያ ልዩ ኃይል፣ የኦሮሚያ ፖሊሲና የኦሮሚያ ሚኒሻ አመራሮች ዐማሮች ተመርጠው ሲገደሉ ዝም በማለታቸው ከተጠያቂነት አያመልጡም። ጲላጦስም ታጥቦ አልነጻም። አብይ አሕመድም ክዶ ማምለጥ አይችልም። የናዚ ወንጀለኞች እየተለቀሙ ፍርዳቸውን እንዳገኙ፣ ኢትዮጵያም ላይ ይህ አይቀርም፡፡ በዐማራው እልቂት በቀጥታም በተዘዋዋሪም የተሳተፉ እንደ ቃየል ለልጅ ልጆቻቸው የሚሆን ፍርድን እንዳጠራቀሙ ማስታወስ ይገባል። በታደለ ጥበቡ “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply