You are currently viewing ዓለም አቀፉ የጋዜጠኞች መብት ተሟጋች ድርጅት – ሲፒጄ በአገራችን በቅርቡ የታሰሩት ጋዜጠኞች ያለምንም ቅድመ ሁናቴ በአስቸኳይ እንዲፈቱ ጠየቀ። በምሕጻረ- ቃል CPJ በመባል የሚታወቀው፣ Co…

ዓለም አቀፉ የጋዜጠኞች መብት ተሟጋች ድርጅት – ሲፒጄ በአገራችን በቅርቡ የታሰሩት ጋዜጠኞች ያለምንም ቅድመ ሁናቴ በአስቸኳይ እንዲፈቱ ጠየቀ። በምሕጻረ- ቃል CPJ በመባል የሚታወቀው፣ Co…

ዓለም አቀፉ የጋዜጠኞች መብት ተሟጋች ድርጅት – ሲፒጄ በአገራችን በቅርቡ የታሰሩት ጋዜጠኞች ያለምንም ቅድመ ሁናቴ በአስቸኳይ እንዲፈቱ ጠየቀ። በምሕጻረ- ቃል CPJ በመባል የሚታወቀው፣ Committee to Protect Journalists የመንግስት ባለስልጣናት በጋዜጠኞች ላይ እያደረጉ ያሉትን ትንኮሳ እና እስር አሁኑኑ ማቆም ይኖርባቸዋል ሲል አሳስቧል። ካሳለፍነው ሃሙስ ጀምሮ ቢያንስ 11 ጋዜጠኞችን እና የሚዲያ ሰራተኞች መታሰራቸውን የጠቀሰው ሲፒጄ፣ … ከነኚህም ውስጥ አምስት የአሻራ ሚዲያ ባልደረቦች፣ አራት የንሥር ብሮድካስት ጋዜጠኞች፣ የኢትዪ ንቃት ሚድያ መስራችና አዘጋጅ የሆነችው ጋዜጠኛ መስከረም አበራ እንዲሁም የገበያኑ ዮ-ትዩብ ቻናል ባለቤትና አዘጋጅ የሆነው ጋዜጠኛ ሰለሞን ሹምዬ እንደሚገኙበት አስታውቋል። “ይህ በጋዜጠኞቹ ላይ የተፈፀመው እስራት፣ አንድ እርምጃ ወደፊት፣ ሶስት እርምጃ ወደኋላ ነው” ያሉት የሲፒጄ የአፍሪካ ፕሮግራም አስተባባሪ አንጀላ ኩንታል፣ አክለውም፣ “ እስራቱ የኢትዮጵያ መንግስት ለፕሬስ ነፃነት መከበር ደንታ እንደሌለው፣ እንዲሁም ዜጎች በነፃነት ከፈለጉት ሚድያ መረጃ የማግኘት መብታቸውን ለማክበር ዝግጁነት እንደማይታይበት ያመላከተ ነው” ሲሉ ተችተዋል። “የታሰሩት ሁሉም ጋዜጠኞች፣ ያለምንም ክስ በአስቸኳይ እንዲፈቱ፤ እንዲሁም መንግስት ጋዜጠኞችን በዘፈቀደ ማሰር እንዲያቆም የጠየቁት አንጀላ “ኢትዮጵያ ውስጥ ጋዜጠኞች፣ እስራት፣ ጭቆና እና ሳንሱር ሳይፈሩ ስራቸውን በነፃነት መስራት ይችሉ ዘንድ ዋስትና ሊሰጣቸው ይገባል” በማለት አሳስበዋል። ሲፒጄ የጋዜጠኞቹን ቤተሰቦችና አንዳንድ የስራ ባልደረባዎች ቀጥታ በስልክ አነጋግሮ ያገኘውን መረጃ በሰፊው የተነተነ ሲሆን፣ ለፍትህ ሚኒስትሩ ጌዲዮን ጢሞቴዎስ፣ ለፌደራል ፖሊስ ቃል አቀባይ ጄይላን አብዲ፣ ለአዲስ አበባ ፖሊስ ኮሚሽን፣ ለአማራ ፖሊስ ኮሚሽን፣ ለአማራ ክልል ኮሙዩኒኬሽን ቢሮ እና ለአማራ ብሔራዊ ክልላዊ መንግስት ማረሚያ ቤት በኢሜይል ያቀረበው ጥያቄ ምላሽ አለማግኘቱን አስታውቋል። በአማራ ክልል ከግንቦት 19 ጀምሮ ቢያንስ 11 ጋዜጠኞችን እና የሚዲያ ሰራተኞችን በቁጥጥር ስር ማዋሉን የክልሉ መንግስት “የህግ አስከባሪ ኦፕሬሽን” ሲል የጠራው እና ከ4,500 በላይ ሰዎች ተጠርጥረው በቁጥጥር ስር ውለዋል ። ሕገወጥ እንቅስቃሴ. በቁጥጥር ስር ከዋሉት ውስጥ የአሻራ ሚዲያ እና የንስር ብሮድካስት ሰራተኞችን ጨምሮ፣ የኢትዮ ነቃት ሚዲያ መስራች እና ዋና አዘጋጅ መስከረም አበራ የግል ብሮድካስቲንግ ገበየሁ ሚዲያ መስራች እና ባለቤት አቶ ሰለሞን ሹመዬ እንደሚገኙበት CPj ገልፆል። ሙሉ መረጃውን በሚከተለው ሊንክ የምታገኙት ይሆናል። Ethiopian authorities arrest 11 employees of 4 independent media outlets – Committee to Protect Journalists (cpj.org) አሻራ ሚዲያ ሰሜን አሜሪካ

Source: Link to the Post

Leave a Reply