You are currently viewing ዓለም አቀፍ የዐማራ ኅብረት ዋናው ቢሮና የአዲስ አበባ ቅርጫፍ ለተፈናቃዮች ድጋፍ ማድረጋቸው ተገለጸ። አማራ ሚዲያ ማዕከል/አሚማ   ሚያዝያ 5 ቀን 2014 ዓ.ም         አዲስ አበባ ሸ…

ዓለም አቀፍ የዐማራ ኅብረት ዋናው ቢሮና የአዲስ አበባ ቅርጫፍ ለተፈናቃዮች ድጋፍ ማድረጋቸው ተገለጸ። አማራ ሚዲያ ማዕከል/አሚማ ሚያዝያ 5 ቀን 2014 ዓ.ም አዲስ አበባ ሸ…

ዓለም አቀፍ የዐማራ ኅብረት ዋናው ቢሮና የአዲስ አበባ ቅርጫፍ ለተፈናቃዮች ድጋፍ ማድረጋቸው ተገለጸ። አማራ ሚዲያ ማዕከል/አሚማ ሚያዝያ 5 ቀን 2014 ዓ.ም አዲስ አበባ ሸዋ ዓለም አቀፍ የዐማራ ኅብረት በሲቪክ ማህበርነት ፈቃድ ካገኘበት ጊዜ ጀምሮ በመተዳደሪያ ደንቡ መሠረት በተለያዩ ዞኖች ቢሮ በመክፈት አባላትን በመመዝገብና በማወያየት የህዝብ ስብሰባዎችን በማድረግ የማንቃትና የማብቃት ስራዎችን በመስራት ላይ መቆየቱን ገልጧል። በህልውና ዘመቻው ከዘማች ሞብላይዜሽን ፣ ስንቅ፣ ሎጅስቲክ በማሰባሰብና ከክልሉ መንግስት ጋር በመቀናጀት በውጭ ከሚገኘው ዓለም አቀፍ የዐማራ ኅብረት ጋር በመቀናጀት ከገንዘብ ድጋፍ እስከ ግንባር ድረስ በማቅናት ትግል ስለማድረጉም አውስቷል። “ከመናገር በፊት ተግባር ይቅደም” የሚል መርህን እየተከተለ መሆኑን የገለጸው ዓለም አቀፍ የዐማራ ኅብረት ዋናው ቢሮና አዲስ አበባ ቅርጫፍ በጋራ በመሆን ሚያዚያ 4/2014 ለሰሜን እና ደቡብ ወሎ እንዲሁም ለኬሚሴ ልዩ ዞን ሀገረ ስብከት ግምቱ 263,700 ብር የሆነ የምግብ እና የቁሳቁስ ድጋፍ ማድረጉን አስታውቋል። በሰሜን እና በደቡብ ወሎ እንዲሁም በኬሚሴ ልዩ ዞን ሀገረ ስብከት የተሰጠው ድጋፍም ለተፈናቃይ ወገኖቻችንና በተለይ አሁን ላይ የገቢ ምንጫቸው ዝቅተኛ ለሆኑት እንዲሰጥ መሆኑ ተገልጧል። ድጋፉንም የጁ ገነት ወልድያ ድረስ በመጓዝ ለብፁዕ አቡነ ኤርምያስ የሰሜንና ደቡብ ወሎ ዋግህምራ አህጉረ ስብከት ሊቀ ጳጳስ ፀሀፊ ማስረከቡን ህብረቱ ለአሚማ አስታውቋል። ይኸውም:_ ሩዝ ባለ5 ኪሎ ብዛት 46 ፍሬ 20,700 ብር ጨው 50 ኪሎ 8,00ብር መኮረኒ 10 ኩንታል 54,400ብር ፓስታ 50 ኩንታል 33,000ብር ድርቆሽ 10 ኩንታል 10,000ብር ሩዝ 5 ኩንታል 22,500ብር ድቄት 9 ኩንታል 36,800ብር አልባሳት 35 ኩንታል 70,000ብር ጫማ 5 ኩንታል 15,500ብር በድምሩ 263,700 ብር ድጋፍ መደረጉን የህብረቱ ጊዜያዊ ፕሬዝደንት መሆኑን የገለጸው አቶ ሄኖክ ጋሻው ያደረሰን መረጃ አመልክቷል።

Source: Link to the Post

Leave a Reply