You are currently viewing ዘመቻ ፍትሕ ለጋዜጠኛ ተመስገን ደሳለኝ ተጀምሯል፤ ሌሎች እንዲቀላቀሉም ጥሪ ቀርቧል። አማራ ሚዲያ ማዕከል/አሚማ  ሀምሌ 20 ቀን 2014 ዓ.ም        አዲስ አበባ ሸዋ  ጋዜጠኛ ተመስገን…

ዘመቻ ፍትሕ ለጋዜጠኛ ተመስገን ደሳለኝ ተጀምሯል፤ ሌሎች እንዲቀላቀሉም ጥሪ ቀርቧል። አማራ ሚዲያ ማዕከል/አሚማ ሀምሌ 20 ቀን 2014 ዓ.ም አዲስ አበባ ሸዋ ጋዜጠኛ ተመስገን…

ዘመቻ ፍትሕ ለጋዜጠኛ ተመስገን ደሳለኝ ተጀምሯል፤ ሌሎች እንዲቀላቀሉም ጥሪ ቀርቧል። አማራ ሚዲያ ማዕከል/አሚማ ሀምሌ 20 ቀን 2014 ዓ.ም አዲስ አበባ ሸዋ ጋዜጠኛ ተመስገን ደሳለኝ ላለፉት ሁለት ወራት ሀሳቡን በነፃነት በመግለፁ ብቻ በፃፋቸው ፅሁፎች ምክንያት በእስር ላይ እንዳለ ይታወቃል። የክስ ይዘቱ እየተቀያየረ ረብ በሌለው ምክንያት ሁለት ወራትን በእስር ቆይቷል። በመጪው ሐሙስ ሐምሌ 21/2014 በዋስትናው ጉዳይ ላይ ውሳኔ ለመስጠት በጠቅላይ ፍ/ቤት ቀጠሮ ተይዟል። ቤተሰቦቹ፣ ወዳጆቹ፣ የሥራ ባልደረቦቹ፣ የሞያ አጋሮቹና የሞጋቹ ጋዜጠኛ ጉዳይ ያገባናል ያሉ ወገኖች በጋራ ዘመቻ_ፍትሕ በሚል መሪ ቃል ድምፃችን ለማሰማት ዕቅድ ይዘናል። ከዛሬ ዕሮብ ሐምሌ 20/2014 ዓ.ም. ጀምሮ ጋዜጠኛ ተመስገን ፍ/ቤት እስከሚቀርብበት ሐምሌ 21/2014 ሐሙስ ጠዋት ድረስ ብቻ ዘመቻ_ፍትሕ የማህበራዊ ሚዲያ ዘመቻ የሚቆይ ይሆናል። ሀሳብን በነጻነት ስለመግለጽ እቆረቆራለሁ ያሉ በርካቶች የዘመቻው ተባባሪ ለመሆን ከወዲሁ ፈቃደኝነታቸውን አሳይተዋል። እርስዎም አጋርነትዎን እንዲያሳዩ ጥሪው ቀርቦልዎታል። ዓላማው ከየትኛውም የፖለቲካ አመለካከት ጋር ስለማይገናኝ ሀሳብን በነጻነት በመግለፅ መብት የሚያምን ሁሉ የዘመቻው ተሳታፊ እንዲሆን በአክብሮት እንጠይቃለን። የጋዜጠኛ ተመስገንን ምስል ፕሮፋይል ፒክቸር በማድረግ፣ እርሱንና እየደረሰበት ያለውን ግፍ የሚመለከት አጫጭር መልዕክት በማስተላለፍ፣ በመናገር መብት ላይ ያለንን አቋም በመጋራት፣ በአዲስ አበባ ፖሊስ ኮሚሽን ተገኝተን ጋዜጠኛውን በመጎብኘት፣ እየሆነ ያለውን ለሚመለከታቸው አካላት በማድረስ እንዲሁም ይበጃል የምንለውን የግል ሀሳብ በማዋጣት የዘመቻው አካል እንሁን። የጋዜጠኛ ተመስገን ደሳለኝ ጉዳይ የአንድ ግለሰብ አጀንዳ አይደለም። ጉዳዩ በነፃ ጋዜጠኝነት ሙያ ላይ የተከፈተ ጦርነት ነው። ጉዳዩ ሀሳብን በነፃነት የመግለፅ መብትን የማፈን ዓለማቀፍ የሕግ ጥሰት ነው። ጉዳዩ የግፉዓን ልሳን የሆነን አንደበት በመዝጋት የሚሊዮኖችን መብት የመርገጥ ሙከራ ነው። ሁላችንም ለሀሳብ ነፃነት ዘብ ልንቆም ይገባል!! ግልባጭ፦ ለኢትዮጵያ ሰብአዊ መብቶች ኮሚሽን ለኢትዮጵያ ሰብአዊ መብቶች ጉባኤ ለመገናኛ ብዙሐን ባለሞያ ማህበራት ለጋዜጠኞችና ለማኅበረሰብ አንቂዎች ለአሜሪካ ኤምባሲ አዲስ አበባ ለአውሮፓ ሕብረት ለአምነስቲ ኢንተርናሽናል ለሲፒጄ በአዲስ አበባ ላሉ የዲፕሎማቲክ ማኅበረሰብ አባላት ዘመቻ_ፍትሕ ፍትህ_ለጋዜጠኛ_ተመስገን_ደሳለኝ Free_journalist_Temsegen_desalegn

Source: Link to the Post

Leave a Reply