የህወሃት  ታጣቂ   ሃይል  በማይካድራ  የፈጸመውን  ጭፍጨፋ  በመቀሌ  ለመድገም  ዝግጅት እያደረገ   ነው  ተባለ፡፡                            አሻራ ሚዲያ…

የህወሃት ታጣቂ ሃይል በማይካድራ የፈጸመውን ጭፍጨፋ በመቀሌ ለመድገም ዝግጅት እያደረገ ነው ተባለ፡፡ አሻራ ሚዲያ…

የህወሃት ታጣቂ ሃይል በማይካድራ የፈጸመውን ጭፍጨፋ በመቀሌ ለመድገም ዝግጅት እያደረገ ነው ተባለ፡፡ አሻራ ሚዲያ ህዳር፡- 16/03/13 ዓ.ም ባህር ዳር የህወሃት ታጣቂ ሃይል በማይካድራ የፈጸመውን ጭፍጨፋ በመቀሌ ለመድገም ዝግጅት እያደረገ መሆኑን የመከላከያ ዋና ዳይሬክተር ሜጄር ጀኔራል መሀመድ ተሰማ ተናገሩ። ቡድኑ ድርጊቱን የሚፈጽመው ልዩ ቡድን አዘጋጅቶና በአልመዳ ጨርቃጨርቅ ፋብሪካ ያዘጋጀውን የመከላከያንና የኤርትራ ሰራዊት ዩኒፎርሞችን በማልበስ እንደሆነም ነው የጠቆሙት። የህወሃት ፅንፈኛ ሃይል በየጊዜው እርስ በርሳቸው የሚጣረሱ መረጃዎችን በማሰራጨት ህዝብን እያደናገረ እንደሚገኝም ነው ተናግረዋል። ለአብነትም ቡድኑ ከቀናት በፊት “በራያ ግንባር 21ኛ ክፍለጦርን ደምስሰናል፤ አድዋ ላይ የመጣውን ሃይል በመደምሰስ አካባቢውን ተቆጣጥረናል” ሲል መናገሩን አንስተዋል። ነገር ግን በእለቱ እርሳቸውን ጨምሮ የሰራዊቱ አመራሮች በተገለጹት ስፍራዎች ላይ በመገኘት ለመገናኛ ብዙኃን ገለጻ ማድረጋቸውንና ገለጻውም አየር ላይ መዋሉን ነው የተናገሩት።ይህም የጁንታውን የሃሰት ፕሮፓጋንዳ የሚያረጋግጥ መሆኑን ገልጸዋል። የቡድኑ መሪዎች ህግ የማስከበሩን ዘመቻ በትግራይ ህዝብ ላይ የተቃጣ ህዝባዊ ጦርነት ለማስመሰል እየጣሩ መሆኑንም ገልጸዋል። ነገር ግን የትግራይ ህዝብ ዘመቻው ጽንፈኛ ቡድኑን ብቻ እንደሚመለከት አብራርተዋል። የህወሃት የጥፋት ሃይል ያሰበው ሴራ ሁሉ እየከሸፈበት መሆኑን ጠቅሰው፤ አሁን ላይ ደግሞ አዲስ የጥፋት እቅድ ማውጣቱን ደርሰንበታል ብለዋል ሜጀር ጀነራል መሀመድ። በዚህም በማይካድራ ንፁሃን ላይ የፈጸመውን ጭፍጨፋ በመቀሌ ለመድገም ዝግጅት እያደረገ መሆኑን ገልጸው ድርጊቱን ለመፈጸም ደግሞ ልዩ የገዳይ ቡድን ማዋቀሩንም ነው የተናገሩት። የገዳይ ቡድን አባላቶችን በአልመዳ ጨርቃጨርቅ ፍብሪካ አማካኝነት ያዘጋጀውን የኢፌዴሪ መከላከያ እና የኤርትራ ሰራዊት ዩኒፎርሞችን በማልበስ ጭፍጨፋውን ለመፈጸም ተዘጋጅቷል ብለዋል። ቡድኑ ይህን የሚያደርገው የኢትዮጵያና የኤርትራ ሰራዊት በጋራ በመሆን ንፁሃንን እንደጨፈጨፉ በማስመሰል ከአለም አቀፉ ማህበረሰብ ድጋፍ ለማግኘት መሆኑንም ገልጸዋል። የህወሃት ፅንፈኛ ቡድን ከስልጣን ውጭ ለህዝብ ምንም አይነት ርህራሄ እንደሌለው አመላካች መሆኑንም ጠቁመዋል። ቡድኑ በየጊዜው የሚፈጽማቸው ድርጊቶች ተስፋ መቁረጡን የሚያመላክቱ ስለመሆናቸውም ሜጀር ጀነራል መሀመድ ገልጸዋል። ዘጋቢ፡-ጥላሁን ታመሩ

Source: Link to the Post

Leave a Reply