You are currently viewing የህወሓት ተዋጊዎች በአማራ ክልል ፈጽመውታል የተባለው ግድያ እንዲመረመርና ተጠያቂነት እንዲሰፍን አሜሪካ ጠየቀች። አማራ ሚዲያ ማዕከል/አሚማ   የካቲት 16 ቀን 2014 ዓ.ም        አዲ…

የህወሓት ተዋጊዎች በአማራ ክልል ፈጽመውታል የተባለው ግድያ እንዲመረመርና ተጠያቂነት እንዲሰፍን አሜሪካ ጠየቀች። አማራ ሚዲያ ማዕከል/አሚማ የካቲት 16 ቀን 2014 ዓ.ም አዲ…

የህወሓት ተዋጊዎች በአማራ ክልል ፈጽመውታል የተባለው ግድያ እንዲመረመርና ተጠያቂነት እንዲሰፍን አሜሪካ ጠየቀች። አማራ ሚዲያ ማዕከል/አሚማ የካቲት 16 ቀን 2014 ዓ.ም አዲስ አበባ ሸዋ መንግስት በአሸባሪነት የፈረጀው ትሕነግ በፈጸመው እና እየፈጸመ ባለው ወረራ በአማራ ላይ ከፍተኛ የሆነ ግድያ፣ዘረፋ እና ማፈናቀል ደርሷል፤ እየደረሰም ነው። አሜሪካም የህወሓት ተዋጊዎች በአማራ ክልል ፈጽመውታል የተባለው ግድያ እጅግ እንዳሳሰባት አስታውቃለች፡፡ ዋሽንግተን በወርሃ ነሃሴ መጨረሻ እና በመስከረም መባቻ ግድም እንደተፈጸሙ በአምነስቲ ኢንተርናሽናል ሪፖርት ላይ መገለጹን በመጠቆም፣ ይህም እንዳሳሰባት ገልጻለች፡፡ የአሜሪካ ውጭ ጉዳይ መስሪያ ቤት አስገድዶ መድፈርን ያካትታል የተባለለትን ግድያ በተመለከተ መግለጫ አውጥቷል፡፡ በሰላማዊ ዜጎች ላይ የሚደርስ የሰብዓዊ መብቶች ረገጣ እና ጥቃት እንዲቆምም ጥሪ አቅርቧል፡፡ ውጭ ጉዳይ መስሪያ ቤቱ በመግለጫው ለችግሩ ዘላቂ እልባት መስጠት ይቻል ዘንድ ለተፈጸመው ግፍ ታማኝነት ያለው ምርመራ ተደርጎ ተጠያቂነት ሊኖር ይገባል የሚለው ጽኑ አቋም እንዳለውም አስታውቋል። ግድያዎች መቀጠላቸውን የሚያመለክቱ ሪፖርቶች አሁንም መውጣት መቀጠላቸው ለግጭቱ በፍጥነት ማብቂያ ሊበጅለት እንደሚገባ የሚያሳይ ነው ሲልም ገልጿል፡፡ አምነስቲ ከሳምንት በፊት ባወጣው የምርመራ ሪፖርት “ህወሓት፤ በአማራ ክልል የጦር ወንጀል መፈጸሙን የሚሳዩ ማስረጃዎች እየጨመሩ ነው” ሲል ማስታወቁ የሚታወስ ነው፡፡ በቆቦ እና በጭና አካባቢዎች የተፈጸመ ነው ባለው በዚህ ወንጀል የህወሓት ታጣቂዎች በርካቶችን መግደላቸውን እና የ14 ዓመት ታዳጊዎችን ጨምሮ በርካታ ሴቶች መደፈራቸውን አምነስቲ መግለጹም አይዘነጋም፡፡ ለዘገባው አል ዐይንን በምንጭነት ተጠቅመናል።

Source: Link to the Post

Leave a Reply