You are currently viewing የህወሓት ታጣቂ ቡድን በሰሜን ወሎ ጉዳት ማድረሱ ተሰማ! አሻራ ሚዲያ ሰሜን አሜሪካ  የህወሓት ታጣቂ ቡድን በሁለት የሰሜን ወሎ ወረዳዎች የሚገኙ ቀበሌወች ላይ ዘልቆ በመግባት ከፍተኛ ጉዳት…

የህወሓት ታጣቂ ቡድን በሰሜን ወሎ ጉዳት ማድረሱ ተሰማ! አሻራ ሚዲያ ሰሜን አሜሪካ የህወሓት ታጣቂ ቡድን በሁለት የሰሜን ወሎ ወረዳዎች የሚገኙ ቀበሌወች ላይ ዘልቆ በመግባት ከፍተኛ ጉዳት…

የህወሓት ታጣቂ ቡድን በሰሜን ወሎ ጉዳት ማድረሱ ተሰማ! አሻራ ሚዲያ ሰሜን አሜሪካ የህወሓት ታጣቂ ቡድን በሁለት የሰሜን ወሎ ወረዳዎች የሚገኙ ቀበሌወች ላይ ዘልቆ በመግባት ከፍተኛ ጉዳት በማድረሱ ነዋሪወች መኖሪያ ቀያቸውን በመልቀቅ ለስደት መዳረጋቸው ተሰምቷል። ከሳምንት በፊት በግዳን ወረዳ 022 ወትወት ቀበሌ 15 ሰላማዊ ሰወችን አፍኖ የወሰደው ትህነግ በድጋሜ በመመለስ ባለፈው ከሰኞ ጀምሮ ባደረገው ወረራ በቆቦ ወረዳ ስር የምትገኘውን 033 መሐጎ ቀበሌን ሙሉ ለሙሉ የተቆጣጠረ ሲሆን በአዋሳኙ የሚገኘውን በግዳን ወረዳ 022 ወትወት ቀበሌን በግማሽ መያዙንም የአይን እማኞች ተናግረዋል። ወረራውን አስፍቶ ቦራ ከሚባል መንደር በመነሳት ወታደራዊ ጠቀሜታው ወሳኝ ወደሆነው ጃና ሞራ ተራራ ስር መድረሱን ለማወቅ ተችሏል ። ጃን አሞራ ማለት በራያ ቆቦ ወረዳ ጀመዶ 0 31 ቀበሌ የሚገኝ እስትራቴጅክ ጠቀሜታ ያለው ትልቅ ተራራ ነው ። በዚህ ሰዓት የትግራይ ወራሪ ሃይል ዘልቆ በገባባቸው የራያ ቆቦና የግዳን ወረዳ ቀበሌዎች የሚኖሩ አርሶ አደሮች ቤት ንብረታቸውን በመተው ወደአዋሳኝ ቀበሌወች እየተሰደዱ ነው ፤ የሚሊሻና የአመራር ልጆችም ታፍነው ተወስደዋል። ከሳምንት በፊት ግዳን ወረዳ ወትወት አካባቢ ታፍነው የተወሰዱ ሰወችን ለመልቀቅ ከ100 ሽህ እስከ 180 ሽህ ብር ቤተሰብ መክፈል ካልቻሉ ታፋኞችን እንደሚገድል እየዛተ ነው ። በወረራ ከተያዙት አካባቢ አምልጠው ከመጡ ሰወች ለመረዳት እንደሞከርኩት ወራሪው ቡድን በቀናት ውስጥ ወደ ግዳን ወረዳና ራያ ቆቦ የመዝለቅ እቅድ እንዳለው ማወቅ ተችሏል። ግዳን ወረዳ ወትወት ቀበሌ መቀነት ጋሪያ ተብሎ ከሚጠራ አካባቢ የሰፈረውን የመንግስት ጦር ወደቀኝ በመተው በዋርሎይ ስላሴ ስር ወደ ድልድይ ከተማ ዘልቆ ለመግባት በዝግጅት ላይ መሆኑን መረጃዎቸ ያሳያሉ። ቀጠናው የሰሜን ወሎን ወረዳዎች በቀላሉ ለመቆጣጠር አስፈላጊ ከመሆኖም በተጨማሪ ወራሪ ቡድኑ የውስጥ ባንዳዎችን በመጠቀም እንዴ ነዳጅ ፣ ሸቀጣ ሸቀጥ ፣ ጨው እና ጥሬ ብር ሳይቀር የሚያስገባበት በመሆኑ ጉዳዩ ልዩ ትኩረት ሊሰጠው ይገባል ሲሉ የመረጃ ምንጮቻችን ከስፍራው አድርሰውናል ብሎ የዘገበው ግዮን ሚዲያ ነው።

Source: Link to the Post

Leave a Reply