የህወሓት ከፍተኛ የአመራር አባላት ተደመሰሱ ሲል መንግሥት አስታወቀ

https://gdb.voanews.com/6AF15F33-41C5-4D84-BAB0-4C9AA1E41D65_cx6_cy4_cw76_w800_h450.jpg

የሕዝባዊ ወያነ-ሃርነት ትግራይ ከፍተኛ የአመራር አባላት የነበሩትን ስዩም መስፍንና አባይ ፀሐዬን ጨምሮ አራት ሰዎች ተደምስሰዋል ሲሉ የኢትዮጵያ የመከላከያ ሚኒስቴት የኃይል ስምሪት መምሪያ ኃላፊ ብራጋዲየር ጄነራል ተስፋዬ አያሌው ማስታወቃቸውን የኢትዮጵያ ዜና አገልግሎት ዛሬ ዘግቧል።

የሃገሪቱ የውጭ ጉዳይ ሚኒስትር የነበሩት አቶ ስዩም መስፍን ውጊያውን መምራታቸውን ሠራዊቱ ከቦታ ቦታ እንዳይንቀሳቀስ ማዘዛቸውን በመጨረሻም በሠራዊቱ ላይ ውጊያ አንዲከፈት ማዘዛቸውን ዘገባው ይናገራል።

ከጠባቂዎቻቸውና ከወታደራዊ ጥበቃ አዛዦቻቸው ጋር ተደመሰሱ ከተባለው ውስጥ የህወሓት ከፍተኛ መሪዎች የሆኑት አቶ አስመላሽ ወልደሣላሴና ኮ/ል ኪሮስ ሃጎስ እንደሚገኙበት ዘገባው ጠቁሟል። ሌሎች አራት የቀድሞ ወታደራዊ አዛዦችና አንድ ሲቪል መያዛቸውም ተገልጿል።

Source: Link to the Post

Leave a Reply