You are currently viewing “የሌባ ጣት ፖለቲካ ምን ይፈይዳል?” በቴዎድሮስ ኃይለማርያም የአብን ከፍተኛ አመራር  አማራ ሚዲያ ማዕከል/አሚማ…   መጋቢት 6 ቀን 2014 ዓ.ም         አዲስ አበባ ሸዋ ለመናገር…

“የሌባ ጣት ፖለቲካ ምን ይፈይዳል?” በቴዎድሮስ ኃይለማርያም የአብን ከፍተኛ አመራር አማራ ሚዲያ ማዕከል/አሚማ… መጋቢት 6 ቀን 2014 ዓ.ም አዲስ አበባ ሸዋ ለመናገር…

“የሌባ ጣት ፖለቲካ ምን ይፈይዳል?” በቴዎድሮስ ኃይለማርያም የአብን ከፍተኛ አመራር አማራ ሚዲያ ማዕከል/አሚማ… መጋቢት 6 ቀን 2014 ዓ.ም አዲስ አበባ ሸዋ ለመናገር አስቸጋሪ ዝም ለማለትም የማይቻል ወቅት ላይ ደርሰናል። ሚሊዮኖች ወገኖቻችን በረሀብ እየተገረፉ ፣ በስደትና በሞት እየተቀጠፉ ነው። ለአማራ ህዝብ ህይወታቸውን የሰጡ ወንድሞቻችንና እህቶቻችን በባንዶች ጥይት እየወደቁ ነው። በሌላ በኩል አየሩ በሹም ሽር ፣ በፍረጃ ፣ በሴራ ፣ በማናለብኝነትና በጣት ቅሰራ ተበክሏል። እውነት እንነጋገር ከተባለ ህዝባችን አልካደንም። ባለማተብ ባለዲን ፣ እምነቱን አጥባቂ ቃሉን ጠባቂ ነውና። ከስፍር ጎድለንና ከገለባ ቀልለን የተገኘነው እኛው ነን። ከተነሳንለት ዓላማ ውጭ ጣኦት የቀረፅን ፣ የትግሉን ፈር የለቀቅን ፣ በየሰፈሩ ተቧድነን እሳት ስንወራወር የምንውል የምናድር እኛው ራሳችን ነን። ህዝባችን በፍፁም አላዋረደንም። የትንሽ የትልቁ መዛበቻ ያደረግነው ፣ የውርደት የሀፍረት ማቅ ያከናነብነው እኛው ነን። በህዝብ ስም የምንነግድ ፣ መልሰን ሌባ ጣታችንን ወደ ህዝብ የምንጠቁም እኛ ነን። ሁሉን አዋቂ ፣ ሁሉን ተቺ ፣ በሁሉ አኩራፊ እኛው ነን። ህዝባችን ተሳስቶ ከሆነ በገርነቱ የማይገባንን ክብር አትረፍርፎ በመስጠቱ ብቻ ነው። ህዝባችን አልከበደንም። ከህልቆ መሣፍርት ጠላቶቹ በላይ መርግ ሆነን ጫንቃውን የሰበርነው እኛው ነን። መጀመሪያ ከህዝብ ጫንቃ ላይ ወርደን በራሳችን እንቁም። ለስህተታችን የጦስ ዶሮ መፈለግ ፣ ለጥፋታችን ክሬዲት መሻት የትም አያደርስም። ሰከን ብለን ለጥፋቱም ለልማቱም በግልም በቡድንም የራሳችንን ድርሻ እንመርመር። ከራስ መጋፈጥ ከባድ ቢሆንም ጨከን ብለን እንሞክረው።

Source: Link to the Post

Leave a Reply