You are currently viewing የመተማ ወረዳ ፍ/ቤት ለመተማ  ወረዳ ፖሊስ እና ለምዕራብ ጎንደር ዞን ፖሊስ መምሪያ የሰጠው ትዕዛዝ ባለመፈጸሙ ድጋሜ በአደራ እስረኛ መልክ ታስረው የሚገኙትን እነ ፋኖ ጥላሁን አበጀን ይዘው…

የመተማ ወረዳ ፍ/ቤት ለመተማ ወረዳ ፖሊስ እና ለምዕራብ ጎንደር ዞን ፖሊስ መምሪያ የሰጠው ትዕዛዝ ባለመፈጸሙ ድጋሜ በአደራ እስረኛ መልክ ታስረው የሚገኙትን እነ ፋኖ ጥላሁን አበጀን ይዘው…

የመተማ ወረዳ ፍ/ቤት ለመተማ ወረዳ ፖሊስ እና ለምዕራብ ጎንደር ዞን ፖሊስ መምሪያ የሰጠው ትዕዛዝ ባለመፈጸሙ ድጋሜ በአደራ እስረኛ መልክ ታስረው የሚገኙትን እነ ፋኖ ጥላሁን አበጀን ይዘው እንዲቀርቡ ተለዋጭ ትዕዛዝ ተሰጧል። ታሕሳስ 20 ቀን 2015 ዓ.ም አሻራ ሚዲያ ፣ የመተማ ወረዳ ፍ/ቤት ከባህር ዳር እና አካባቢው ተወስደው በመተማ ወረዳ ገንዳውሃ በእስር ላይ የሚገኙ 1) የአማራ ተማሪዎች ማህበር (አተማ) ፕሬዘዳንት እሸቱ ጌትነትን፣ 2) መታገስ ጸጋን፣ 3) የአማራ ህዝባዊ ኃይል (ፋኖ) አመራር ፋኖ ጥላሁን አበጀ፣ 4) የአርበኛ ዘመነ ካሴ አጃቢ የሆነው ፋኖ ናትናኤል እና 5) ኃ/ማሪያም ክብረትን በምን ምክንያት እንደያዟቸው ማብራሪያ እንዲሰጡ በሚል ለታህሳስ 19/2015 ከቀኑ 9 ሰዓት ላይ በችሎት እንዲገኙ በማለት ለመተማ ወረዳ ፖሊስ እና ለምዕራብ ጎንደር ዞን ፖሊስ መምሪያ ትዕዛዝ ሰጥቶ ነበር። ይሁን እንጅ የመተማ ወረዳ ፍ/ቤት ትዕዛዙን በደብዳቤ የላከ ቢሆንም የወረዳ እና የዞን ፖሊስ እነ ጥላሁን አበጀን ከፍ/ቤት ትዕዛዝ በተቃረነ መልኩ በሰዓቱ ይዘው አልተገኙም። በመሆኑም የመተማ ወረዳ ፍ/ቤትም በድጋሜ ለታህሳስ 20/2015 ከቀኑ 9 ሰዓት ላይ እስረኞችን ይዘው እንዲቀርቡ በሚል የመጨረሻ ትዕዛዝ መስጠቱን አማራ ሚዲያ ማዕከል (አሚማ) ለመረዳት ችሏል። የአደራ እስረኞች በሚል በግፍ እስር ላይ የሚገኙት ወጣቶቹ በትዕዛዙ መሰረት ወደ ፍ/ቤት ካልቀረቡ ችሎቱ የራሱን ውሳኔ ሊሰጥ እንደሚችልም ተመላክቷል። እነ ፋኖ ጥላሁን አበጀ ታህሳስ 17/2015 አካልን ነጻ የማውጣት አቤቱታ ለመተማ ወረዳ ፍ/ቤት ማቅረባቸው ይታወሳል። በወረዳ እና በዞን ደረጃ የውንብድና እና የሽብር ወንጀል ክስ የቀረበባቸው ወጣቶቹ በአብርሃጅራ እና በቋራ ተፈጽሟል በሚል የቀረበባቸው የዝርፊያ እና የውንብድና ውንጀላ በቂ መረጃ እና ማስረጃ የሌለው በመሆኑ ውድቅ ሲደረግ በምዕራብ ጎንደር ዞን ከፍተኛ ፍ/ቤት የሚታው የሽብር ወንጀልን በተመለከተም ለታህሳስ 21/2015 ከረፋዱ 4 ሰዓት እንዲቀርቡ ሲል ተለዋጭ ቀጠሮ ተሰጥቷቸዋል። የሽብር ወንጀልን በተመለከተ የአደራ እስረኞቹ ታህሳስ 19/2015 ከረፋዱ 4 ሰዓት ላይ በምዕራብ ጎንደር ዞን ከፍተኛ ፍ/ቤት ቀርበው እንደነበር ለማወቅ ተችሏል። ይሁን እንጅ የዞን ዐቃቢ ህግ የተጠረጠሩበት የሽብር ወንጀል በስልክ ስለተነገረን የበለጠ አጣርቼ እንድመለስ ጊዜ ይሰጠኝ ማለቱን ተከትሎ ነው ፍ/ቤቱ ለታህሳስ 21/2015 ተለዋጭ ቀጠሮ የሰጠው። አሚማ እንደዘገበው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply