የመተከል ተፈናቃዮች አሁንም የታጣቂዎች ጥቃት ስጋት አንዳለባቸው ተናገሩ።             አሻራ ሚዲያ       ታህሳስ 27/2013 ዓ.ም ባህር ዳር  ከመተከል ተፈናቅለው ቻግኒ የሚገኙ…

የመተከል ተፈናቃዮች አሁንም የታጣቂዎች ጥቃት ስጋት አንዳለባቸው ተናገሩ። አሻራ ሚዲያ ታህሳስ 27/2013 ዓ.ም ባህር ዳር ከመተከል ተፈናቅለው ቻግኒ የሚገኙ…

የመተከል ተፈናቃዮች አሁንም የታጣቂዎች ጥቃት ስጋት አንዳለባቸው ተናገሩ። አሻራ ሚዲያ ታህሳስ 27/2013 ዓ.ም ባህር ዳር ከመተከል ተፈናቅለው ቻግኒ የሚገኙ ተፈናቃዮች ምሽት ላይ ማንነታቸውን የማናውቃቸው ሰዎች አይተውን ይሄዳሉ እዚህም መጥተው እንዳይጨርሱን ስጋት ላይ ነን ሲሉ ለአሻራ ሚዲያ ተናግረዋል፡፡ ከጓንጓ ወረዳ መንግስት ኮሚኒኬሽን ጽህፈት ቤት ባረጋገጥነው መሰረትም 22 ሺህ የሚደርሱት ተፈናቃዮቹ እየተጠበቁ ያሉት በጥቂት ሚሊሺያዎች ብቻ ነው፡፡ ካለው ስጋት አንጻር መንግስት መከላከያ ሰራዊት አልያም ፌደራል ፖሊስ ያምጣልን ሲሉ ተፈናቃዮቹ ጠይቀዋል፡፡ የጓንጓ ወረዳ መንግስት ኮሚኒኬሽን ጽህፈት ቤት ሀላፊ አቶ ብርሀኑ መኮንን በበኩላቸው ተፈናቃዮቹ ያሉበት አካባቢ ጫካ ያለበት በመሆኑ ያለባቸውን ስጋት እኛንም አሳስቦናል ሲሉ ተናግረዋል፡፡ ተፈናቃይ መስለው ተቀላቅለው የመጡ ሰዎችንም ይዘናል ሲሉ አክለዋል፡፡ ቻግኒ አካባቢ 22 ሺህ ተፈናቃይ ያለ ሲሆን እስካሁን ድረስ በአዊ ዞን አጠቃላይ 47 ሺህ 996 ተፈናቃይ እንዳለ አቶ ብርሀኑ ለአሻራ ሚዲያ ተናግረዋል፡፡ ክቡራን ተከታታዮቻችን አሻራ ሚዲያ የመተከል ተፈናቃዮችን ቦታ ድረስ በመሄድ ዘገባ የሰራ በመሆኑ በቅርብ ቀን ሙሉ የተፈናቃዮችን ሁኔታ የምናስቃኛችሁ መሆኑን ከወዲሁ ለመግለጽ እንወዳለን፡፡

Source: Link to the Post

Leave a Reply