የመንግስት ኃይሎች የላሊበላ ከተማን መቆጣጠራቸው ተገለጸ

የመከላከያ ሰራዊት፣ የአማራ ልዩ ኃይል፣ ሚሊሺያ እና ፋኖ የላሊበላ ከተማን እና የላሊበላ ዓለም አቀፍ አውሮፕላን ማረፊያን መቆጣጠራቸውን የመንግስት የኮሚዩኒኬሽን አገልግሎት አስታወቀ። ጥምር ኃይሎቹ የሰቆጣ ከተማን ለመቆጣጠር በግስጋሴ ላይ መሆናቸውን የኮሚዩኒኬሽን መስሪያ ቤቱ ዛሬ ረቡዕ ምሽት ባወጣው መግለጫ አስታውቋል። 

የመንግስት የኮሚዩኒኬሽን አገልግሎት ዛሬ ጠዋት በሰጠው መግለጫ፤ የመከላከያ ሰራዊት በጋሸና ግንባር በርካታ አካባቢዎችን መቆጣጠሩን ገልጾ ነበር። የኢትዮጵያ ሰራዊት ጋሸናን መቆጣጠሩ፤ በላሊበላ፣ ሰቆጣ፣ ወልዲያ እና ደሴ በአማጽያን ቁጥጥር ስር ያሉ አካባቢዎችን “በአጭር ጊዜ ለማጽዳት መንገዱን የተመቻቸ ያደርገዋል” ሲል የቦታውን ስትራቴጂካዊነት አመላክቷል።

የህወሓት ኃይሎች ታሪካዊቷን የላሊበላ ከተማ መቆጣጠራቸው የተነገረው በሐምሌ ወር መጨረሻ ነበር። አማጽያኑ “ስትራቴጂካዊ” እንደሆነች የሚነገርላትን ደሴን የተቆጣጠሩት ደግሞ ባለፈው ጥቅምት ወር ላይ ነው። (ኢትዮጵያ ኢንሳይደር)

The post የመንግስት ኃይሎች የላሊበላ ከተማን መቆጣጠራቸው ተገለጸ appeared first on Ethiopia Insider.

Source: Link to the Post

Leave a Reply