You are currently viewing የመንግስት የጸጥታ አካላት የህዝቡን ጭሆት ሰምተው በአሸባሪው ኦነግ ሸኔ ላይ እርምጃ እንዲወስዱ ሲጠየቁ “ትዕዛዝ አልተሰጠንም” በማለት ሊደርሱ ባለመቻላቸው በርካታ ንጹሃን መገደላቸውና እገታ…

የመንግስት የጸጥታ አካላት የህዝቡን ጭሆት ሰምተው በአሸባሪው ኦነግ ሸኔ ላይ እርምጃ እንዲወስዱ ሲጠየቁ “ትዕዛዝ አልተሰጠንም” በማለት ሊደርሱ ባለመቻላቸው በርካታ ንጹሃን መገደላቸውና እገታ…

የመንግስት የጸጥታ አካላት የህዝቡን ጭሆት ሰምተው በአሸባሪው ኦነግ ሸኔ ላይ እርምጃ እንዲወስዱ ሲጠየቁ “ትዕዛዝ አልተሰጠንም” በማለት ሊደርሱ ባለመቻላቸው በርካታ ንጹሃን መገደላቸውና እገታም መፈጸሙን በደራ የጉንዶ መስቀል ከተማ ነዋሪዎች ተናገሩ። አማራ ሚዲያ ማዕከል/አሚማ ህዳር 4 ቀን 2015 ዓ/ም አዲስ አበባ ሸዋ ከአማራ ሚዲያ ማዕከል (አሚማ) ጋር ቆይታ ያደረጉ በሸዋ የደራ እና አካባቢው ነዋሪዎች እንደሚሉት አሸባሪው ኦነግ ሸኔ በተለያዩ ጊዜያት ወረራ፣ እገታ እና ዝርፊያ ፈጽሞባቸዋል። የፌደራል እና የኦሮሚያ ክልል መንግስት የህዝቡን ጭሆት ሰምተው ምላሽ እየሰጡ ባለመሆኑ በቅርብ ርቀት የሚገኙ የፌደራል የጸጥታ አካላትም ትዕዛዝ አልተሰጠንም በማለት በተደጋጋሚ አማራ ተኮር ጥቃት እየፈጸመ ባለው አሸባሪው ኦነግ ሸኔ ላይ እርምጃ ለመውሰድ እየቻሉ አይደለም ተብሏል። ህዳር 4/2015 ከንጋቱ 12 ሰዓት ጀምሮ ወደ ጉንዶ መስቀል ሲጠጋ ያደረው አሸባሪው ኦነግ ሸኔ በከተማዋ ላይ ከፍተኛ እና በቡድን መሳሪያ የታገዘ ተኩስ ከፍቶ ውሏል። ይሁን እንጅ የአካባቢው ሚሊሾች እና ነዋሪዎች በጋራ በመሆን ባደረጉት የአልሞት ባይ ተጋድሎም በደራ የጉንዶ መስቀልን ከተማ ተመልሰው ለመቆጣጠር ችለዋል። በጉንዶ መስቀል ከተማ ገብቶ ግድያ፣እገታ እና የተደራጀ ዝርፊያ እየፈጸመ ለሰዓታት የቆዬው የኦነግ ሸኔ የሽብር ቡድን በሚሊሾችና በአካባቢው ነዋሪዎች በተደረገው ተጋድሎ ከከተማዋ ሸሽቶ ወደ ጫካ መግባቱን ምንጮች ለአማራ ሚዲያ ማዕከል (አሚማ) አረጋግጠዋል። በጀማ እና በኤካ ከጉንዶ መስቀል 15 ኪ/ሜትር ርቀት ላይ የነበሩ የፌደራል ኃይሎች ትዕዛዝ አልተሰጠንም በሚል ትብብር አላደረጉም ተብሏል። የተገደሉ እና የታገቱን በተመለከተ ገና በማጣራት ሂደት ላይ መሆናቸውን የሚናገሩት ምንጮች ጦር መሳሪያንና ሞባይልን ጨምሮ ከፍተኛ የሆነ የመንግስት እና የግለሰብ ተቋማት ሀብትንና ንብረት በቡድኑ ታጣቂዎች የተዘረፉ መሆናቸውን ገልጸዋል። ከመንግስት ተቋማት መካከል ፍ/ቤቱ ከፍተኛ ጉዳት የደረሰበት መሆኑ ተገልጧል። ራስን ለመከላከል ጥረት ሲያደርጉ የነበሩ ሚሊሾችና አርሶ አደሮች ከፍተኛ ችግር የገጠማቸው ከርቀት ሳይሆን ከጎናቸው ሆነው መረጃ አሳልፈው ይሰጡ እና ሲመቻቸው ይተኩሱ ከነበሩ በከተማው ውስጥ የተሰገሰጉ ኦነጋዊያን መሆናቸውን ገልጸዋል። እስካሁን 5 ሰዎች መገደላቸውን እንደተመለከቱ ለአሚማ የተናገሩት ምንጫችን ከተገደሉት መካከልም:_ 1) ዳምጠው ጋሻው_ የተባለ የአማራ ሚሊሻ ከፊት ለፊት እየታገለ እያለ ከጎኑ በተሰለፉ ኦነጋዊ አመለካከት ባላቸው አካላት ከጀርባ ተመቶ መገደሉ ተገልጧል። 2) የጉንዶ መስቀል መድኃኒያለም ቤተ ክርስቲያን ጥበቃም ከወራሪ ቡድኑ በተተኮሰ ጥይት ተገድሏል። እስካሁን በተጣራው መሰረት ታግተው ከተወሰዱት 9 ሰዎች መካከልም:_ 1) አብቴ_የትራፊክ ፖሊስ፣ 2) አቶ ሽፋው ደጀን፣ 3) ሚሚ፣ 4) በቅዳሴ ላይ የነበሩ ካህናት እና ዲያቆናት፣ ይገኙበታል። ህዳር 4/2015 ከንጋቱ 12 ሰዓት ጀምሮ የተከፈተው የወረራ ጦርነት ህዳር 2/2015 ከሌሊቱ 7 ሰዓት ላይ ጅሩዳዳን ጨምሮ በተለያዩ አካባቢዎች መጀመሩ ይታወሳል። የኦነግ ሸኔ የሽብር ቡድኑ የጀማ ተፋሰስን ጨምሮ የሚሰለጥንባቸው አካባቢዎች የሚታወቁ ቢሆንም መንግስት እርምጃ ባለመውሰዱ በየጊዜው ከሚፈጸመው እገታ ባለፈ ለ6ኛ ጊዜ የወረራ ጥቃት የተፈጸመባቸው መሆኑን ነዋሪዎች ገልጸዋል። ከጉንዶ መስቀል ወደ አዲስ አበባ የሚወስደው አቋራጩ መንገድም ከተዘጋ አንድ ዓመት እንዳለፈው ተነግሯል።

Source: Link to the Post

Leave a Reply