You are currently viewing የመዋቅራዊ ጥቃትና ጦርነቱ ሰለባ ለሆኑ ተፈናቃይ ወገኖቻችንን ሕዝቡ በአፋጣኝ ይድረስላቸው!” ሲል እናት ፓርቲ ጥሪ አቀረበ። አማራ ሚዲያ ማዕከል/አሚማ   መጋቢት 7 ቀን 2014 ዓ.ም…

የመዋቅራዊ ጥቃትና ጦርነቱ ሰለባ ለሆኑ ተፈናቃይ ወገኖቻችንን ሕዝቡ በአፋጣኝ ይድረስላቸው!” ሲል እናት ፓርቲ ጥሪ አቀረበ። አማራ ሚዲያ ማዕከል/አሚማ መጋቢት 7 ቀን 2014 ዓ.ም…

የመዋቅራዊ ጥቃትና ጦርነቱ ሰለባ ለሆኑ ተፈናቃይ ወገኖቻችንን ሕዝቡ በአፋጣኝ ይድረስላቸው!” ሲል እናት ፓርቲ ጥሪ አቀረበ። አማራ ሚዲያ ማዕከል/አሚማ መጋቢት 7 ቀን 2014 ዓ.ም አዲስ አበባ ሸዋ እናት ፓርቲ በወቅታዊ ሀገራዊ ጉዳይ ባወጣው መግለጫ እንደገለጸው በሀገራችን ሞትን እየተለማመድን አኹን አኹን እንዲያውም የሞተው ሰው ቍጥርና የአሟሟቱ የዘግናኝነት መጠን ያነጋግር ካልኾነ እንጂ የጅምላ ፍጅትና እልቂት የሚያስገርም አልኾነም፡፡ ዘቅዝቀን ስንሰቅል፣ ሰው ታርዶ በደሙ ሲታጠብ፣ ልጇን አርደው ደሟን ገድበው ለእናት ሲያጠጧት፣ ቤት ተዘግቶ ሕጻናትና የአእምሮ ሕሙማን እንደጧፍ ሲነዱ፣… ዝም/ቸል በመባሉ ዛሬ ሰው ከነሕይወቱ እያገላበጥን መጥበስ ላይ ተደርሷል፡፡ ይህም ዝም ስለሚባል ነገ ምን እንደሚደረግ መገመት አያዳግትም ብሏል እናት ፓርቲ በመግለጫው፡፡ ከተለያዩ የኦሮሚያ እና የመተከል አካባቢዎች ተፈናቅለው በፍኖተ ሰላም የሚገኙ እየተጉላሉ የሚገኙ በመቶ ሽህዎች የሚቆጠሩ ተፈናቃዮች በሰሜኑ ጦርነት ሀገር ማጥ ውስጥ ስትገባ ቤት ያፈራውን ከሳንቲም እስከ ሚሊዮኖች፣ ከዶሮ እስከ ሰንጋ በሬ የለገሱ እንደነበሩ አውስቷል። “ዛሬ ግን ትናንት “ለግስ” እያሉ ያግባቡት ከቀዬው ሲፈናቀል አልደረሱለትም፤ በጥቂቱ ሲሰላ ደግሞ አንገታቸው ዞሮ አላይ ስላለ ዘነጉት” በማለት ገልጾታል፡፡ የአማራ ክልል እና ህዝቡ የመከራ ገፈት ቀማሽ እየኾነ መምጣቱን የገለጸው እናት ፓርቲ በሰቆጣ እና ቆቦ አካባቢ እንደገና በስደተኛ ማዕበል እየተጥለቀለቀ ነው ብሏል፡፡ ትግራይ ክልል ውስጥ ያለው ኹኔታ “በጌታው” ትሕነግ እየተመራ ወደምድራዊ ሲዖልነት በመቀየሩ ማኅበረሰቡ ወደ ቆቦና ሰቆጣ እየገባ መሆኑን ገልጧል። እናት ፓርቲ ሲቀጥል በአማራና አፋር ክልል በተለያየ አካባቢና ኹኔታ ውስጥ ያሉ ተፈናቃይ ወገኖችን መላው ኢትዮጵያዊና ዓለም አቀፉ ማኅበረሰብ እንዲታደጋቸው ጥሪ አስተላልፏል፡፡ የሚማር መንግስት ባለመኖሩ ትናንት በማንነታቸው ሚሊዮኖች ቤት ንብረታቸው ትተው ሲሰደዱ ምክንያቱን አጥንቶ ዘላቂ መፍትሔ ሽቶ ዳግም እንዲህ ያለው ድርጊት እንዳይፈጠር ኹሉንም አማራጮች ለመጠቀም አለመቻሉን ጠቅሷል። ይባስ ብሎ ሞትና ስደትን እየተለማመድን፣ ምንም እንዳልተፈጠረ የሚያስመስሉ የድግስ አበላና የዳንኪራ ጋጋታ ማየት ይዘናል ሲልም አክሏል፡፡ በሌላ በኩል በስደት ከትግራይ የሚመጡ ወገኖችን ከመደገፍ ጎን ለጎን የክፋት አባት የኾነው ትሕነግና መሰሎቹ ለእኩይ ዓላማቸው ለመጠቀም እንዳይችሉ መከላከልን ጨምሮ በጥንቃቄ ሂደቱን መምራት እንደሚያስፈልግ አሳስቧል።

Source: Link to the Post

Leave a Reply