የመጨረሻው  ምዕራፍ የሕግ ማስከበር ዘመቻ መጀመሩን ጠቅላይ ሚኒስትር ዐቢይ አሕመድ አስታወቁ::                አሻራ ሚዲያ          ህዳር፡- 17/03/13/ዓ.ም የተሰጠው የ7…

የመጨረሻው ምዕራፍ የሕግ ማስከበር ዘመቻ መጀመሩን ጠቅላይ ሚኒስትር ዐቢይ አሕመድ አስታወቁ:: አሻራ ሚዲያ ህዳር፡- 17/03/13/ዓ.ም የተሰጠው የ7…

የመጨረሻው ምዕራፍ የሕግ ማስከበር ዘመቻ መጀመሩን ጠቅላይ ሚኒስትር ዐቢይ አሕመድ አስታወቁ:: አሻራ ሚዲያ ህዳር፡- 17/03/13/ዓ.ም የተሰጠው የ72 ሰዓት ጊዜ ተጠናቋል፤ ሕግ የማስከበር ዘመቻችን የመጨረሻው ምዕራፍ ላይ ደርሷል፡፡ በተሰጠው የ72 ሰዓት ጊዜ ውስጥ በሺዎች የሚቆጠሩ የትግራይ ልዩ ኃይልና ሚሊሺያ አባላት እጃቸውን ለመከላከያ ሠራዊት ሰጥተዋል፡፡ ብዙ የትግራይ ወጣቶችም የሕወሓትን እኩይ ዓላማ ተረድተው እጃቸውን ሰብስበዋል፡፡ ይህ በመጨረሻው ሰዓትም ቢሆን የተወሰደ ኃላፊነት የሚሰማው ውሳኔ ህሊና ካለው ፍጡር የሚጠበቅ ውሳኔ ነው፡፡ መንግሥት 72 ሰዓት ሲሰጥ ዓላማው ሁለት ነበር፡፡ በአንድ በኩል ዋና ፍላጎቱ ሕግ ማስከበር እንጅ ጦርነት አለመሆኑን መግለጽ ነው፡፡ ወንጀለኛው ጁንታ በሰላም እጁን ለ…መስጠት ከቻለ ዘመቻውን በማጠናቀቅ ሕግን በአነስተኛ ዋጋ ለማስከበር ይቻላል ብሎ ያምናል፡፡ ለዚህም ሲባል ተደጋጋሚ ዕድሎችን ሰጥቶ ነበር፡፡ ሁለተኛው ደግሞ የሕወሓት የጥፋት ዓላማ ዘግይቶም ቢሆን የገባው አንድም ሰው ከተገኘ፣ ያንን ሰው ለማትረፍ እንዲቻል ነው፡፡ ለሕወሓት ጁንታ የተከፈተው የመጨረሻው ሰላማዊ በር በጁንታው ዕብሪት ምክንያት ተዘግቷል፡፡ የጥፋታቸውን ዓላማ ተገንዝቦ ለሚመለስ ሰው በተከፈተው በር ግን፣ በሺዎች የሚቆጠሩ የትግራይ ሚሊሻና ልዩ ኃይል አባላት እጃቸውን እየሰጡ ገብተውበታል፡፡ የመከላከያ ሠራዊታችን የመጨረሻውንና ሦስተኛውን የዘመቻውን ምዕራፍ እንዲፈጽም ትዕዛዝ ተሰጥቷል፡፡ በዚህ ዘመቻችን ለንጹሐን ሰዎች ከፍተኛ ጥንቃቄ እናደርጋለን፤ በሕዝባችን ላብ የተሠራች የመቀሌ ከተማ የከፋ ጉዳት እንዳያገኛት የሚቻለው ሁሉ ይደረጋል፡፡ ቅርሶች፣ ቤተ እምነቶች፣ የሕዝብ መገልገያዎች፣ የልማት ተቋማትና የሕዝብ መኖሪያዎች የጥቃት ዒላማ እንዳይሆኑ ሁሉም ዓይነት ጥንቃቄ ይደረጋል፡፡ የመቀሌና የአካባቢው ሕዝባችን ትጥቁን ፈትቶ በቤቱ በመቀመጥና ከወታደራዊ ዒላማዎች በመራቅ፣ አስፈላጊውን ጥንቃቄ ሁሉ እንዲደርግ ጥሪ እናቀርባለን፡፡ በጥቂት የህወሓት ጁንታ አባላት ምክንያት የሚደርሰውን ጉዳት ለመቀነስ ሕዝቡ የጁንታውን አባላት አሳልፎ በመስጠት የበኩሉን አስተዋጽኦ እንዲያደርግ ጥሪ እናደርጋለን፡፡ የመከላከያ ሠራዊታችን በሰላማዊ ዜጎች፣ በቅርሶች፣ በቤተ እምነቶች፣ በልማት ተቋማትና በንብረቶች ላይ ጉዳት ሳይደርስ ጁንታውን ለሕግ የሚያቀርብበትን ጥንቃቄ የተሞላው የዘመቻ ስልት ነደፈ መሆኑን ልናረጋግጥላችሁ እንወዳለን፡፡ ኢትዮጵያ በልጆቿ ጥረት ታፍራ፣ ተከብራና በልጽጋ ለዘላለም ትኑር! ፈጣሪ ኢትዮጵያንና ሕዝቦቿን ይባርክ! ህዳር 17 ቀን 2013 ዓ.ም

Source: Link to the Post

Leave a Reply