You are currently viewing የምኒልክ ብርጌድ ፋኖ ዋና አዛዥ ሻለቃ አንተነህ ድረስ በዋስትና ከእስር እንዲወጣ ፍ/ቤት ቢወስንም ከህግ ውጭ የማዕከላዊ ጎንደር ዞን ፖሊስ በድጋሜ እንዳይወጣ ትዕዛዝ መስጠቱ ተገለጸ። አማራ…

የምኒልክ ብርጌድ ፋኖ ዋና አዛዥ ሻለቃ አንተነህ ድረስ በዋስትና ከእስር እንዲወጣ ፍ/ቤት ቢወስንም ከህግ ውጭ የማዕከላዊ ጎንደር ዞን ፖሊስ በድጋሜ እንዳይወጣ ትዕዛዝ መስጠቱ ተገለጸ። አማራ…

የምኒልክ ብርጌድ ፋኖ ዋና አዛዥ ሻለቃ አንተነህ ድረስ በዋስትና ከእስር እንዲወጣ ፍ/ቤት ቢወስንም ከህግ ውጭ የማዕከላዊ ጎንደር ዞን ፖሊስ በድጋሜ እንዳይወጣ ትዕዛዝ መስጠቱ ተገለጸ። አማራ ሚዲያ ማዕከል/አሚማ ሰኔ 25 ቀን 2014 ዓ.ም አዲስ አበባ ሸዋ የምኒልክ ብርጌድ ፋኖ ዋና አዛዥ ሻለቃ አንተነህ ድረስ በዋስትና ከእስር እንዲወጣ ፍ/ቤት ቢወስንም ከህግ ውጭ እየተንቀሳቀሰ ነው የተባለው የማዕከላዊ ጎንደር ዞን ፖሊስ በድጋሜ እንዳይወጣ ለታች አርማጭሆ ወረዳ ፖሊስ ትዕዛዝ መስጠቱ ተገልጧል። በርካታ ፋኖዎችን በጫካ እያሳደደ የሚገኘው የማዕከላዊ ጎንደር ዞን መስተዳድር በቁጥጥር ስር የዋሉ ፋኖዎችን ከህግ ውጭ አግቶ መያዝን መርጧል። የዞኑ ፖሊስ አዞኛል በሚል ከታች አርማጭሆ ወረዳ ፖሊስ ምርመራ ክፍል ወርቁ አዱኛ የተባሉ አባል ፋኖ አንተነህ ድረስን የአደራ እስረኛ ነው በማለት ለሁለት ቀናት አስረውት ይገኛሉ። አማራ ሚዲያ ማዕከል (አሚማ) ያነጋገራቸው ወርቁ አዱኛ ዞን ፖሊስ ለተጨማሪ ምርመራ እፈልገዋለሁ በማለቱ ለመፍታት አለመቻላቸውን ተናግረዋል። ግንቦት 7/2014 ጀምሮ በጎንደር አንገረብ ማ/ቤት በእስር ላይ ቆይቶ የዋስትና መብቱ እንዲከበርለት መጠየቁን ተከትሎ የጎንደር ወረዳ ፍ/ቤት ሰኔ 3/2014 በ20 ሽህ ብር ዋስትና እንዲፈታ መወሰኑ ይታወቃል። ይሁን እንጅ ሰኔ 4/2014 ከረፋዱ 3 ሰዓት አካባቢ ከአንገረብ ማ/ቤት ከመፈታቱ የታች አርማጭሆ ወረዳ ከማ/ቤቱ ጋር ተመሳጥሮ በሩ ላይ በሁለት መኪና በመጡ የልዩ ኃይል እና የመከላከያ ሰራዊት አባላት በማሳፈን ወስዷል ሲሉ ቤተሰቦቹ እና ጓደኞቹ መናገራቸው ይታወሳል። በታች አርማጭሆ ወረዳ ፍትህ ተነፍጎት የሰነበተው ሻለቃ አንተነህ ድረስ ሰኔ 17/2014 ፍ/ቤት ወረዳ ፍ/ቤት ቀርቦ ለሰኔ 22/2014 መቀጠሩ ተገልጧል። ፋኖ አንተነህ ሰኔ 22/2014 በነበረው ችሎትም ጎንደር ወረዳ ፍ/ቤት ከአሁን ቀደም በፈቀደው የዋስትና ክፍያ መሰረት ተፈትቼ ልከራከር በማለቱና ዐቃቢ ህግ ባለመቃወሙ ጥያቄ ተቀባይነት አግኝቷል። በዚህም መሰረት ፋኖ አንተነህ ሰኔ 22/2014 መፈታት ሲገባው ከዞን ፖሊስ ታዝዣለሁ በሚሉት የምርመራ ክፍል ወርቁ አዱኛ ምክንያት ለ 4 ቀናት በግፍ እስር ላይ ይገኛል። ለሰኔ 28/2014 ተለዋጭ ተቀጠሮ የተሰጠው መሆኑን ከቤተሰብ የተገኘ መረጃ አመልክቷል። በመላላክ እንዲህ ዓይነት ግፍን እያስፈጸሙ የሚገኙትም የታች አርማጭሆ ወረዳ የፖሊስ አዛዥ ኢ/ር ሙላት ጌጡ መሆናቸው ተገልጧል። በዞን አመራሮች ትዕዛዝ ሰጭነት ከህግ ውጭ መሃል ከተማ ላይ በፋኖ ላይ እየተፈጸመ ስላለው የእገታ ሁኔታ ማብራሪያ እንዲሰጡ በሚል አሚማ የደወለላቸው ኢ/ር ሙላት ጌጡ የሚጠራ ስልካቸውን አያነሱም። በተመሳሳይ ብአዴናዊ የአፈና መዋቅር በተንሰራፋበት “ባህር ዳር ላይ ተሰብስበን፣ ስለአንድነት እንመክራለን” በሚል ከወሎ፣ከሸዋ፣ከጎንደር እና ከጎጃም ተወጣጥተው በሄዱበት ከታፈኑት 14 የፋኖ አመራሮችና አባላት መካከል የከፊሎቹ አድራሻ ታውቋል። አጀንዳው መልካም ቢሆንም እንዳበደ ውሻ እዚህም እዚያም ያገኘውን ሁሉ እየለከፈ ባለው ብአዴን ፊት ላይ ፋኖዎች ስብሰባ ማድረግ አልነበረባቸውም በሚል በብዙዎች እየተወቀሱ ይገኛሉ። በዚህም መሰረት አሁን ላይ ፋኖ ገበየሁ ሞላ ፣ ኢንጅነር በየነ አለማው፣ሻለቃ ዳንኤል አስረስ በባህር ዳር 2ኛ ፖሊስ ጣቢያ፣ ፋኖ ስጦታው መልኬ እና ሶስት ጓደኞቹ በባህር ዳር 5ኛ ፖሊስ ጣቢያ ያለጥያቄ “የአደራ እስረኛ” ናቸው በሚል ታስረው እንደሚገኙ ከቤተሰብ ለአሚማ የደረሰው መረጃ አመልክቷል።

Source: Link to the Post

Leave a Reply