You are currently viewing የሞረሽ ወገኔ የዐማራ ድርጅት ሊቀመንበር ዶ/ር አረጋኽኝ ንጋቱ እንኳን ለአዲሱ ዓመት አደረሳችሁ ሲሉ መልዕክት አስተላለፉ። አማራ ሚዲያ ማዕከል/አሚማ    ጳጉሜ 5 ቀን 2013 ዓ.ም…

የሞረሽ ወገኔ የዐማራ ድርጅት ሊቀመንበር ዶ/ር አረጋኽኝ ንጋቱ እንኳን ለአዲሱ ዓመት አደረሳችሁ ሲሉ መልዕክት አስተላለፉ። አማራ ሚዲያ ማዕከል/አሚማ ጳጉሜ 5 ቀን 2013 ዓ.ም…

የሞረሽ ወገኔ የዐማራ ድርጅት ሊቀመንበር ዶ/ር አረጋኽኝ ንጋቱ እንኳን ለአዲሱ ዓመት አደረሳችሁ ሲሉ መልዕክት አስተላለፉ። አማራ ሚዲያ ማዕከል/አሚማ ጳጉሜ 5 ቀን 2013 ዓ.ም አዲስ አበባ ሸዋ የሞረሽ ወገኔ የዐማራ ድርጅት ሊቀመንበር ዶ/ር አረጋኽኝ ንጋቱ እንኳን ለአዲሱ ዓመት አደረሳችሁ ሲሉ በድርጅቱ፣ በስራ አስፈጻሚ ኮሚቴውና በራሳቸው ስም ያስተላለፉትና ለአማራ ሚዲያ ማዕከል የደረሰው የመልካም ምኞት መግለጫ እንደሚከተለው ቀርቧል:_ ለውድ ኢትዮጵያውያንና ትውልደ-ኢትዮጵያውያን ወገኖቻችን በሙሉ፥ የኢትዮጵያ 2014 አዲስ ዓመት የመልካም ምኞት መግለጭ! እንኳን ለእንቁጣጣሽ አውደ ዓመት በሰላም አደረሳችሁ!!! በሞረሽ ወገኔ የሥራ አስፈጻሚ ኮሚቴና በራሴ ስም መጪው የኢትዮጵያ 2014 አዲስ ዓመት የሰላም፣ የፍቅር፣ የአንድነት፣ የመተሳሰብ፣ የብልጽግና፣ የደስታ፣ በተለይም የጤና እንዲሆንላችሁ ልባዊ ምኞታችንን እንገልጻለን። ቅድስት ሀገራችን ኢትዮጵያም ለልጆቿ አንድነትንና ትብብርን ሰጥቶ፣ ከቤታቸው ወጥተው በሰላም የሚገቡበት፣ ከቤት ንብረታቸው ተገፍተው የወጡ እንዲሁም በማንነታቸውና በእምነታቸው ተለይተው የተፈጁ ፍትህ የሚያኙበት፣ ያዘኑ የሚጽናኑበት፣ የተራቡ የሚመገቡበት፣ የታመሙ ፈውስን የሚያገኙበት ጊዜ እግዚአብሔር ያሰፍንልን ዘንድ ልባዊ ምኞታንን እንገልጻለን። በተለይ በሲቪክ ድርጅትነት ሞረሽ ወገኔ ዐማራ ድርጅት ከቆመለት ራዕይ አንጻር፥ በኢትዮጵያ ያላችሁ ኢትዮጵያውያን ወገኖቻችን በሙሉ በሀገራችሁ የትኛውም ጥግ ተዘዋውራችሁ የመሥራት፣ የመበልጸግ፣ ቤተሰብ የመመስረትና በሰላም የመኖር መብታቸችሁ ይከበር ዘንድ በአንድነት እንድትቆሙ፤ አንዱ ኢትዮጵያዊ የሌላው ኢትጵያዊ ጠባቂ መሆኑን በማሰብና ነባር እሴቶቻችሁን ተጠቅማችሁ ሁላችሁም የወገን አልኝታና መከታ በመሆን ይህን ፈታኝ ጊዜ በተለይም በትግራይ ወያኔ የተፈጽመውን ወረራ በተባበረ ከንድ ሙሉ በሙሉ ቀልብሳችሁ ትህነግን ከምድረ ኢትዮጵያ የምታስወግዱበት ወቅት ይፋጠን ዘንድ የእግዚአብሔር ፍቃዱ እንዲሆን ልባዊ ምኞታችን ነው። መጪው 2014 የኢትዮጵያ አዲስ ዓመት፣ ሀገራችን ኢትዮጵያ ከገባችበት የአፓርታይድ አገዛዝ መዋቅራዊ አጣብቂኝ የምትወጣበት፤ መላው ዜጎቿ መሰረታዊ ሰብአዊ መብታቸው የሚከበርባት፣ በሰላም ከቤታቸው ወጥተው የሚመለሱባት፣ ፍትህ የሚያገኙበት፣ ለእኩልነትና ዲሞክራሲ የሚያደርጉት ትግል ፍሬ የሚያፈራበት፣ በተለይም አማራው ወገናችን በተለያዩ አቅጣጫዎች የሚደረገበትን ከበባና መንግስታዊ ድጋፍ ያለውን የዘር ማጥፋት ወንጀሎች መክቶ ህልውናውን የሚያስጠብቅበት ዘመን እንዲሆን የሞረሽ ወገኔ ዐማራ ድርጅት መልካም ምኞቱን ይገልጻል። በድጋሚ ልካም የ2014 አዲስ ዓመት ይሁንላችሁ!!! ከአክብሮት ጋር አረጋኸን ንቱ (ዶ/ር)

Source: Link to the Post

Leave a Reply