You are currently viewing የሟቾችን አስከሬን ከወደቀበት እያነሱ መሆናቸውን ከጥቃቱ የተረፉ የጀውሃ አከባቢ ነዋሪዎች ተናገሩ! ጥር 16 ቀን 2015 ዓ.ም አሻራ ሚዲያ ፣ በአማራ ክልል ሰሜን ሸዋ ዞን በኤፍራታናግድም…

የሟቾችን አስከሬን ከወደቀበት እያነሱ መሆናቸውን ከጥቃቱ የተረፉ የጀውሃ አከባቢ ነዋሪዎች ተናገሩ! ጥር 16 ቀን 2015 ዓ.ም አሻራ ሚዲያ ፣ በአማራ ክልል ሰሜን ሸዋ ዞን በኤፍራታናግድም…

የሟቾችን አስከሬን ከወደቀበት እያነሱ መሆናቸውን ከጥቃቱ የተረፉ የጀውሃ አከባቢ ነዋሪዎች ተናገሩ! ጥር 16 ቀን 2015 ዓ.ም አሻራ ሚዲያ ፣ በአማራ ክልል ሰሜን ሸዋ ዞን በኤፍራታናግድም ወረዳ ስር በምትገምኘው ጀውሃ ከተማ እና በዙሪያዋ ባሉ ገጠራማ ቀበሌዎች በኦነግ ሸኔ ታጣቂዎች የተገደሉ ሰዎችን አስከሬን ከወደቀበት በማንሳት ስርዓተ ቀብር እየፈፀሙ መሆናቸውን ከጥቃቱ የተረፉ የአከባቢው ነዋሪዎች ለአማራ ድምፅ ገለፁ። በኦሮሞ ብሔረሰብ አስተዳደር ዞን መሽጎ የተቀመጡት የኦነግ ሸኔ ታጣቂዎች ትናንት ጥር 15/2015 ዓ/ም ከረፋዱ ሦስት ሰዓት ገደማ ጀምሮ ነጌሶ፣ ሞላሌ፣ አርሶአምባ፣ ጀውሃ፣ወሰን ቁርቁር፣ ብርቂጡ፣ ይብሎ፣ ጀጀባ፣ በራሃ፣ ሰንበቴ፣ አላላ እና ባልቲ በተባሉ አከባቢዎች ላይ ጥቃት ከፍተው መዋላቸውን የአማራ ድምፅ ማረጋገጥ መዘገቡ አይዘነጋም። በታጣቂዎቹ የተከፈተው ጥቃት ዛሬ ጥር 16/2015 ዓ/ም በጀውሃ አከባቢ መጠነኛ መረጋጋት ያሳየ ቢሆንም ነገር ግን በአጣየ ከተማ እንደ አዲስ በማገርሸት በርካታ መኖሪያ ቤቶች በእሳት እየተቃጠሉ መሆኑን የአማራ ድምፅ ማረጋገጥ ችሏል። ዛሬ ጥር 16/2015 ዓ/ም ከማለዳው ጀምረው በትናንትናው ጥቃት የተገደሉ ሰዎችን አስከሬን በማንሳት ስርዓተ ቀብር እየፈፀሙ መሆናቸውን ለአማራ ድምፅ ያረጋገጡት ነዋሪዎቹ፡ ከሟቾቹ መካከል ከፍተኛውን ቁጥር የሚይዙት የክልሉ ፀጥታ ኃይሎች መሆናቸውን ገልፀው አስከሬናቸውን ለመንግስት ማስረከባቸውን አመላክተዋል። ከጥቃቱ የተረፉት ነዋሪዎች፡ መነሻቸውን ከኦሮሞ ብሔረሰብ አስተዳደር ዞን ያደረጉት ታጣቂዎቹ ትናንት ጀውሃ ከተማን ተቆጣጥረው ነበር ያሉ ሲሆን በዚህም በርካታ ንብረቶች መዘረፋቸውን እና መኖሪያ ቤቶችም መውደማቸውን ተናግረዋል። የጀውሃ አከባቢ ነዋሪዎችም “ተወልደን ያደግንበት፣ሀብት ንብረት ያፈራንበትን ቀዬ ለቀን ወደየት እንድንሄድ ነው የተፈለገው” ሲሉ ጥያቄ ያነሱ ሲሆን፤ የሚመለከተው አካል ጉዳዩን በትኩረት እንዲያጤነው አሳስበዋል ሲል የዘገበው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply