የሰላም ሚኒስቴር ያዘጋጀው ህብረተሰብ ዓቀፍ የውይይት እና የተሳትፎ መድረክ እየተካሄደ ነው

የሰላም ሚኒስቴር ያዘጋጀው ህብረተሰብ ዓቀፍ የውይይት እና የተሳትፎ መድረክ እየተካሄደ ነው

አዲስ አበባ ፣ ጥቅምት 21 ፣ 2013 (ኤፍ ቢ ሲ) የሰላም ሚኒስቴር ያዘጋጀው ህብረተሰብ ዓቀፍ የውይይት እና የተሳትፎ መድረክ እየተካሄደ ነው።

በዚህ ወቅት የሰላም ሚኒስቴር ዲኤታ አቶ አለማየሁ እጅጉ ኢትዮጵያ የጀመረችውን የለውጥ ግስጋሴ መንከባከብና ወደ ላቀ ደረጃ ማሸጋገር የሁሉም ታሪካዊ ሃላፊነት መሆኑን ተናግረዋል።

የምክክር መድረኩ በሰፊ ሃገራዊ ምክክር ሂደት ውስጥ የአመራሩን ሚና ዴሞክራሲያዊና አጋዥ ማድረግ፣ የለውጡ እሳቤ መዋቅራዊ ገጽታና አፈጻጸም ሂደት መሰረቶች ላይ ግንዛቤ ማዳበር እንዲሁም ከምክክር መድረኩ የተቀሰመውን ይዘትና ዘዴ ለአጋሮች ለማስተላለፍ እድል ማመቻቸትን ያለመ ነው ተብሏል፡፡

የምክክር መድረኩ ለሶስት ቀናት የሚቆይ ሲሆን አስተሳሰብና የስሜት ብልህነት ላይ ስልጠና፣ የሰላም ፖሊሲ፣ የብሄራዊ ምክክር ቅርጽ እና ሂደት ዙሪያ ጥናታዊ ጽሁፍና ውይይት ይደረግበታል፡፡

ከዚህ ባለፈም የህግ የበላይነት እና የዜጎች ክብር እንዲሁም ተዛማጅ ርዕሶች ላይ ውይይት እንደሚካሄድ የሚኒስቴሩ መረጃ ያመላክታል፡፡

በምክክር መድረኩ ላይ የክልል፣ የከተማ አስተዳደር፣ የዞን እና የወረዳ አመራሮች ተሳታፊዎች ናቸው፡፡

The post የሰላም ሚኒስቴር ያዘጋጀው ህብረተሰብ ዓቀፍ የውይይት እና የተሳትፎ መድረክ እየተካሄደ ነው appeared first on Welcome to Fana Broadcasting Corporate S.C.

Source: Link to the Post

Leave a Reply