የሰላም ስምምነቱን ተከትሎ የሰብዓዊ ድጋፍ ተደራሽ እየተደረገ መሆኑ ተገለጸ

ሐሙስ ኀዳር 1 ቀን 2015 (አዲስ ማለዳ) በፌዴራል መንግስትና በህወሓት መካከል የተደረሰውን ስምምነት ተከትሎ የሰብዓዊ ድጋፍ ተደራሽ እየተደረገ መሆኑን የመንግስት ኮሙዩኒኬሽን አገልግሎት አስታወቀ።

በወልዲያ፣ ቆቦ እና አላማጣ እና ሌሎች አካባቢዎች ሰብዓዊ እርዳታ የሚያስተባብር ቡድን እንደተዋቀረም አስታውቋል።

የመንግስት ኮሙዩኒኬሽን አገልግሎት ሚኒስትር ዴኤታ ሰላማዊት ካሳ በወቅታዊ ጉዳይ በሰጡት መግለጫ ሽሬን ጨምሮ በተለያዩ የትግራይ አካባቢዎች የሰብዓዊ እርዳታ እንደተደረገ መሆኑን ገልጸዋል፡፡

በስምምነቱ መሰረት የመልሶ ግንባታ ሥራ እየተሰራ መሆኑን ያስታወቁት ሚኒስትር ዴኤታዋ የመብራት ኃይልን ለተጠቃሚው ህብረተሰብ ተደራሽ ለማድረግ እየተሰራ መሆኑንም አመላክተዋል። በአላማጣ አካባቢም የኃይል ጥገና እየተደረገ መሆኑንም ገልጸዋ።

በአጠቃላይ በጦርነቱ ምክንያት ኃይል ሳያገኙ የነበሩ ከተሞች ኃይል ማግኘት እንደጀመሩ ያመላከቱት ሚኒስትር ዴኤታዋ በላሊበላ፣ ቆቦ እና አላማጣ አካባቢዎች የመብራት ኃይል ማግኘታቸውን ተናግረዋል።

የሰላም ስምምነት ከተደረሰ በኋላ የጥላቻ ንግግሮች እንዲቆሙ ለመገናኛ ብዙኃን መመሪያ ተዘጋጅቷል ያሉት ሚኒስትር ዴኤታዋ፤ መመሪያው ሰላምን ለመገንባት የሚደረገውን ጥረት ለማገዝ መገናኛ ብዙኃን መብትና ግዴታቸውን እንዲያከብሩ ያለመ ነው ብለዋል።

መመሪያ በህዝቦች መካከል መራራቅ እንዳይፈጠርና መሰረታዊ የሙያ መርሆዎችን እንዲያከብሩ የሚረዳ መሆኑንም ጠቁመዋ ሲል ዋልታ ዘግቧል።

ባለፉት ዓመታት በርካታ የልማት ሥራዎች ሲከናወኑ እንደነበር የገለፁት ሚኒስትር ዴኤታዋ በሌማት ትሩፋት ንቅናቄ መድገም እንደሚያስፈልግም ተናግረዋል።

The post የሰላም ስምምነቱን ተከትሎ የሰብዓዊ ድጋፍ ተደራሽ እየተደረገ መሆኑ ተገለጸ first appeared on Addis Maleda.

Source: Link to the Post

Leave a Reply