You are currently viewing የቀድሞ የብሔራዊ መረጃና ደኅንነት ሠራተኞች በማረሚያ ቤት ሆነው ጉዳያቸውን አንዲከታተሉ ተወሰነ!! ባህርዳር :-የካቲት 16፣ 2014                 (አሻራ ሚዲያ)  ዓቃቤ ህግ በ…

የቀድሞ የብሔራዊ መረጃና ደኅንነት ሠራተኞች በማረሚያ ቤት ሆነው ጉዳያቸውን አንዲከታተሉ ተወሰነ!! ባህርዳር :-የካቲት 16፣ 2014 (አሻራ ሚዲያ) ዓቃቤ ህግ በ…

የቀድሞ የብሔራዊ መረጃና ደኅንነት ሠራተኞች በማረሚያ ቤት ሆነው ጉዳያቸውን አንዲከታተሉ ተወሰነ!! ባህርዳር :-የካቲት 16፣ 2014 (አሻራ ሚዲያ) ዓቃቤ ህግ በዋስትና ሊለቀቁ አይገባም በሚል ይግባኝ የጠየቀባቸው በቀድሞው የመረጃና ብሔራዊ ደህንነት ዳይሬክተር አቶ ጌታቸው አሰፋ መዝገብ የቀድሞ የብሔራዊ መረጃና ደህንንነት ቢሮ ምክትል ዳሪክተር አቶ ያሬድ ዘሪሁንና የተቋሙ የፀረ-ሽብር ጉዳዮች መምሪያ ሃላፊ አቶ ተስፋዬ ኡርጌን ጨምሮ 22 ተከሳሾች በ 30 ሺህ ብር ዋስ አስይዘው ከእስር እንዲፈቱና ጉዳያቸውን በውጭ ሆነው እንዲከታተሉ ፍርድ ቤቱ ብይን መስጠቱ ይታወሳል ። በዚህም መሰረት ዓቃቤ ህግ ተከሳሾች ተደራራቢ ክስ እንዳለባቸው፤ የሀገሪቱን ወቅታዊ ሁኔታ ከግምት ውስጥ በማስገባት በዋስ ከወጡ በቀጣይ ቀጠሮ ግዴታቸውን አክብረው የማይቀርቡ መሆኑን በመግለጽ የተከሳሾች በዋስትና መፈታት አግባብ አለመሆኑን የያዘ ባለ 9 ነጥብ ምክንያቶችን ጠቅሶ በተከሳሾች ዋስትና ላይ ለፌደራል ጠቅላይ ፍርድ ቤት 1ኛ ይግባኝ ሰሚ ችሎት መቃወሚያ ማስገባቱ ይታወሳል፡፡ የተከሳሽ ጠበቆች ተከሳሾቹ ይከላከሉ የተባሉበት አንቀጽ ዋስትና የማያስከለክል በመሆኑ የስር ፍርድ ቤቱ ዋስትና መፈቀዱ የህግ አግባብ ያለው በመሆኑ የተፈቀደው የዋስትና መብት ይጽናልን ሲሉ መከራከሪያ ነጥቦችን ጠቅሰው መልስ ሰጥተዋል። መዝገቡን የመረመረው በጠቅላይ ፍርድ ቤት 1ኛ ይግባኝ ሰሚ ችሎቱ በዛሬው የካቲት 16 ቀን 2014 ዓ.ም በዋለው ችሎት የዋስትና ውሳኔውን በመሻር በሁለት አብላጫ ድምጽ በአንድ ዳኛ ልዩነት ተከሳሾቹ ከነበራቸው ስልጣን አንጻር በወንጀለኛ መቅጫ ስነስርአት ህግ አንቀጽ 67/ሀ መሰረት የሀገሪቱን ነባራዊ ሁኔታን ከግምት በማስገባት ተከሳሾች በዋስ ቢወጡ ግዴታቸውን አክብረው ችሎት ላይቀርቡ ይችላሉ ሲል የዐቃቤ ህግ ይግባኝ ተቀባይነት አግኝቶ ዋስትናውን ሽሮታል። ተከሳሾች ሰዎችን ያለአግባብ በማሰር የሰብዓዊ መብት ጥሰት ፈጽመዋል ተብለው ክስ የቀረበባቸው በእነ ጌታቸው አሰፋ መዝገብ የቀድሞው የብሔራዊ መረጃና ደህንነት ዳይሬክተር ጄነራል አቶ ጌታቸው አሰፋ፣ በማረሚያ ቤት የሚገኘው ያሬድ ዘሪሁንና ሌሎች 24 ተከሳሾች ላይ እንደየጥፋተቸው በፈፀሙት ወንጀል የጥፋተኝነት ፍርድ መተላለፉ የሚታወስ ነው። በዚህም መሰረት በዛሬው ዕለት ይግባኝ ሰሚው ፍርድ ቤት የስር ፍርድ ቤት በተከሳሾች የዋስትና መብታቸውን በተመለከተ የተሰጠውን ውሳኔ የስር ፍርድ ቤቱ የሻረባቸው ተከሳሾች የክስ ጉዳያቸውን በማረሚያ ቤት ሆነው እንዲከታተሉ ትዕዛዝ መሰጠቱን ከፍትህ ሚኒስቴር ያገኘነዉ መረጃ ያመላክታል፡፡ ለፈጣንና አዳዲስ መረጃዎች የአይበገሬዎቹ ልሳን:- https://www.facebook.com/asharamedia24 ቴሌግራም :- https://t.me/asharamedia24 ዩትዩብ:- https://bit.ly/33XmKro ለፈጣንና አዳዲስ መረጃዎች የአይበገሬዎቹ ልሳን:- https://t.me/asharamedia24 Facebook :- https://www.facebook.com/asharamedia24 ዩትዩብ:- https://bit.ly/33XmKro

Source: Link to the Post

Leave a Reply