You are currently viewing የቆቦ ጤና ጣቢያ በሦስትኛው ዙር ጦርነት 18 ሚሊዮን ብር የሚገመት ንብረት እንደወደመበት አስታውቋል፤ከ2 ሺሕ የሚበልጡ ህሙማንም የመድኃኒት ዕጥረት ገጥሟቸዋል።  አማራ ሚዲያ ማዕከል/አሚማ…

የቆቦ ጤና ጣቢያ በሦስትኛው ዙር ጦርነት 18 ሚሊዮን ብር የሚገመት ንብረት እንደወደመበት አስታውቋል፤ከ2 ሺሕ የሚበልጡ ህሙማንም የመድኃኒት ዕጥረት ገጥሟቸዋል። አማራ ሚዲያ ማዕከል/አሚማ…

የቆቦ ጤና ጣቢያ በሦስትኛው ዙር ጦርነት 18 ሚሊዮን ብር የሚገመት ንብረት እንደወደመበት አስታውቋል፤ከ2 ሺሕ የሚበልጡ ህሙማንም የመድኃኒት ዕጥረት ገጥሟቸዋል። አማራ ሚዲያ ማዕከል/አሚማ ጥቅምት 17 ቀን 2015 ዓ.ም አዲስ አበባ ሸዋ አሸባሪው ሕወሓት ነሐሴ 18/2014 በራያ ቆቦ ወረዳ ግራና ቀኝ ከፍቶት በነበረው ሦስተኛው ዙር ጦርነት ከ18 ሚሊዮን በላይ የሚገመት ንብረት ላይ ውድመት ማድረሱን የቆቦ ጤና ጣቢያ ገልጧል፡፡ ታጣቂ ቡድኑ በራያ ቆቦ ወረዳና አካባቢው ለአንድ ወር ከ10 ቀን ገደማ የቆየ ሲሆን፤ በጤና ጣቢያ ውስጥ ብቻ ከ18 ሚሊዮን ብር በላይ የሚገመት ንብረት ማውደሙን የቆቦ ከተማ ጤና ጣቢያ ኃላፊ ብርሃኔ ተንሳው ገልጸዋል፡፡ ውድመቱ የደረሰው በዋናነት በህክምና መሳሪያዎችና በመድኃኒት ላይ ሲሆን፤ ከወራት በፊት በአንድ ቢሊዮን ብር ወጭ ተገዝቶ የነበረ መድኃኒት ላይ የደረሰው ውድመት ሚዛን እንደሚደፋም ብርሃኔ ተናግረዋል፡፡ በጤና ጣቢያው ማይክሮስኮፕ ጨምሮ ሌሎች መሳሪያዎች ከጥቅም ውጭ ሆነዋል ያሉት ኃላፊው፤ አካባቢው ነጻ ከወጣ በኋላ በወሊድ ምክንያት ወደ ጤና ጣቢያው የሚያቀኑ ነፍሰጡር እናቶችን የሚያዋልዱት ወለል ላይ አስተኝተው መሆኑን ጠቅሰዋል፡፡ አክለውም፤ ያለ ማቋረጥ መድኃኒት የሚጠቀሙ እንደ ኤች. አይ. ቪ ኤድስ፣ ደም ግፊት እንዲሁም ስኳር ህመም ያለባቸው ከ2 ሺሕ በላይ ህሙማን የመድኃኒት ዕጥረት አጋጥሟል ብለዋል፡፡ በጦርነቱ በመድኃኒት ዕጥረት ምክንያት የሞቱ ሰዎችን በተመለከተ ግን ገና ጥናት እየተጠና ነው ተብሏል፡፡ ነዋሪዎች በበኩላቸው በመድኃኒት ዕጥረት የሞቱ ሰዎች ስለመኖራቸው ጠቁመዋል፡፡ በቆቦ ከተማ ዙሪያ በምትገኘው ንጉስ ጋሌ በተባለችው ቦታ አንድት እናት በመድኃኒት እጥረት እንደሞቱም የገለጹ አሉ፡፡ የጤና ጣቢያው ኃላፊ፤ የቆቦ ከተማ ነዋሪ ብዛት 57 ሺሕ ህዝብ መሆኑን አንስተው፤ በመድኃኒትና ሌሎች ንብረቶች ላይ የደረሰው ውድመት በፍጥነት ካልተካካሰ ማኅበረሰቡ ቢታመም ማከም እንደሚያዳግት ጤና ጣቢያው ከወዲሁ ስጋት አድሮበታል፡፡ በመሆኑም፤ መንግስትና ሌሎች ወገኖች ከጎናቸው እንዲሆኑ ብርሃኔ በጤና ጣቢያውና በማኅበረሱ ስም ጥሪ አቅርበዋል፡፡ ሕወሓት በራያ ቆቦ ወረዳ ግራና ቀኝ ነሐሴ 18 ለሦስተኛ ጊዜ ጦርነት የቀሰቀሰ ሲሆን፤ መስከረም 22/2015 ጀምሮ በጥምር ኃይል ጥቃት አካባቢውን ለመልቀቅ መገደዱ ይታወሳል፡፡ አዲስ ማለዳ እንደዘገበው።

Source: Link to the Post

Leave a Reply