You are currently viewing የባህርዳር ኢንዱስትሪ ፓርክ የጨርቃ ጨርቅ እና አልባሳት ምርቱን ለመጀመሪያ ጊዜ ለውጪ ገበያ ማቅረብ መቻሉ ተነገረ። አማራ ሚዲያ ማዕከል/አሚማ     ህዳር 3 ቀን 2014 ዓ.ም…

የባህርዳር ኢንዱስትሪ ፓርክ የጨርቃ ጨርቅ እና አልባሳት ምርቱን ለመጀመሪያ ጊዜ ለውጪ ገበያ ማቅረብ መቻሉ ተነገረ። አማራ ሚዲያ ማዕከል/አሚማ ህዳር 3 ቀን 2014 ዓ.ም…

የባህርዳር ኢንዱስትሪ ፓርክ የጨርቃ ጨርቅ እና አልባሳት ምርቱን ለመጀመሪያ ጊዜ ለውጪ ገበያ ማቅረብ መቻሉ ተነገረ። አማራ ሚዲያ ማዕከል/አሚማ ህዳር 3 ቀን 2014 ዓ.ም አዲስ አበባ ሸዋ የባህርዳር ኢንዱስትሪ ፓርክ ለመጀመርያ ጊዜ ያመረተውን የጨርቃ ጨርቅ እና አልባሳት ምርት ለውጪ ገበያ ማቅረብ መጀመሩን የኢንዱስትሪ ፓርኮች ልማት ኮርፖሬሽን አስታውቋል። ሆፕ ሉን ኢትዮጵያ ፒኤልሲ በባህርዳር ኢንዱስትሪ ፓርክ የማምረቻ ሼድ ወስደው እየሰሩ ከሚገኙ ድርጅቶች ውስጥ አንዱ ሲሆን ድርጅቱ ያመረታቸውን 75 ሺ የሚሆኑ አልባሳት ወደ አሜሪካ እንደሚልክና በዚህም ከ570ሺ ዶላር በላይ የውጭ ምንዛሪ ማግኘት እንደሚቻልም ተገልጿል። አሁን የሚላኩት ምርቶች ለስምንት ወራት ያክል ድርጅቱ ባሰለጠናቸው ሰራተኞቹ በባለፈው አንድ ወር ግዜ ውስጥ ብቻ ያመረታቸው ምርቶች መሆናቸውና በዚህም በእውቀት፣ በቴክኖሎጂ ሽግግር እንዲሁም በስራ ፈጠራ ረገድ አመርቂ ውጤት ማስመዝገብ መቻሉም ነው የተነገረው። ይህ ውጤት የሀገሪቱን ምጣኔ ሀብት በወቅታዊ ችግሮች ምክንያት እንዳይጎዳ ትልቅ እገዛ እንደሚያደርግና ፓርኩ በኢትዮጵያ የሚታየውን የውጭ ምንዛሬ እጥረት ለመቅረፍ ከፍተኛ ሚና ያለው መሆኑ ተጠቁሟል። የባህርዳር ኢንዱስትሪያል ፓርክ ባለፈው አመት ተመርቆ ወደ ስራ ከገባ በኋላ ለ1300 ዜጎች ቋሚና ጊዜያዊ የስራ እድል መፍጠር የቻለ ሲሆን 90 በመቶውን ያህል የሚይዙት ሴቶች ናቸው ተብሏል። ዘገባው የአዲስ ዘይቤ ነው።

Source: Link to the Post

Leave a Reply